Лекции.Орг


Поиск:




II. Праверка дамашняга задання. 1 група: выразнае чытанне, пераказ казкі, вывады ў параўнанні з «Казкай пра рыбака і рыбку».




1 група: выразнае чытанне, пераказ казкі, вывады ў параўнанні з «Казкай пра рыбака і рыбку».

2 група: выразнае чытанне і пераказ казкі;

3 група: выразнае чытанне казкі, адказы на пытані да казкі, змешчаныя ў падручніку.

III. Паведамленне тэмы ўрока

— Дзе жыў каток з казкі?

— А хто яшчэ жыве ў лесе?

— Сёння мы будзем гаварыць аб... Але пачакайце, лепш адгадайце загадку:

Рыжая дзяўчына залезла ноччу ў двор —

Курэй пералічыла

I усіх панесла ў свой двор. (Ліса.)

Белая, як снег, цэлы дзень у рэчцы купаецца,

А на бераг выйдзе — сухая. (Гусь.)

— Вось пра лісу і гусака мы і будзем сёння гаварыць. Пра іх мы прачытаем у казцы «Лісіца і Гусак» (с. 26-27).

IV. Чытанне казкі настаўнікам

— Успомніце казкі, у якіх ліса хітрая?

V. Чытанне казкі вучнямі

1. Чытанне-гудзенне.2. Чытанне і знаходжанне ўрыўка да малюнка.

3. «Фотавока». На дошцы запісаны слупок слоў з казкі (на выбар настаўніка), якія вучні чытаюць і запамінаюць пэўны час. Потым словы закрываюцца, а дзеці па памяці называюць іх.

Х в і л і н к а а д п а ч ы н к у (пад музыку)

Гульня «Ліса»

Гульня праводзіцца ў класным пакоі. Адзін вучань — «ліса», астатнія — «гусі». «Ліса» ціха крадзецца за «гусямі», прыгаворваючы:

Я ліса, лісіца, ліска.

Вельмі гусачкоў люблю.

Падбяруся блізка-блізка

I за хвосцік учаплю.

Пры гэтых словах «гусачкі» разбягаюцца, а «ліса» ловіць іх. Той, каго злавілі, становіцца «лісой».

VI. Аналіз казкі

— Што зрабіла ліса? Для чаго?

— Што вырашыў зрабіць гусак? Чаму?

— Ці ўдалося гусаку ашукаць лісу?

— Хто вам спадабаўся ў казцы, а хто не? Чаму?

— Пра лісіцу кажуць, што яна надта хітрая, а якая яна ў гэтай казцы?

— Паэт Авяр'ян Дзеружынскі назіраў за лісой і напісаў верш пра яе.

VII. Чытанне верша А. Дзеружынскага «Падманшчыца»

1. Выразнае чытанне верша вучнем, які бегла і выразна чытае.

Воўк пытае ліску:

— Дзе была?

— Я злавіла пеўня ля сяла.

— Ну, а дзе ж той певень?

— З'ела ля куста.

— А чаго ж ты ліска без хваста?

— Хвост жа мне той певень адарваў.

— Чуў я, як брахаў ён: гаў-гаў-гаў! А. Дзеружынскі

2. Чытанне верша па асобах.

VIII. Аналіз верша

— Аб чым пытаўся воўк у ліскі?

— Што адказала ліса воўку?

— Як вы думаеце, дзе дзеўся лісі хвост? Хто яго адарваў?

— Якой паказана ў вершы ліса? (Падманшчыцай.)

IX. Пазакласнае чытанне

X. Падвядзенне вынікаў урока. Рэфлексія

— Ці падобны ліса з казкі і ліса з верша? Чым?

— Што заслугоўвае асуджэння?

— Ці хацелі б вы мець такія рысы характару, як у лісы? Чаму?

— Што атрымалася? (Ліса і гусі.)

— Чаму навучыў вас урок?

— Як вы лічыце, што звычайна перамагае?

— Што было асабліва цікавым на ўроку? Ці не сумавалі вы?

— Вы добра працавалі. Дзякуй за працу.

— Працягні разважанне: «Урок мяне навучыў...»

XІ. Дамашняе заданне (с. 26-27)

Падрыхтаваць выразнае чытанне тэксту казкі.

Прачытаць дзве літаратурныя казкі беларускіх пісьменнікаў.


Тэма: КАЗКІ «БАЦЬКОЎСКІЯ ПАРАДЫ», «САМАЕ ДОБРАЕ»

Мэты:

Ø пашырыць веды вучняў аб беларускіх народных казках, іх жанравых асаблівасцях;

Ø фарміраваць уменне вызначаць жанравыя асаблівасці казкі, знаходзіць у тэксце сказы, якія сталі прыказкамі і прымаўкамі;

Ø удасканальваць уменне асэнсоўваць значэнне прыказак і прымавак, правільна і асэнсавана чытаць тэкст уголас і моўчкі, навыкі выразнага чытання, пашыраць аператыўнае поле чытання;

Ø садзейнічаць выхаванню ў дзяцей навыкаў працавітасці, уважлівых адносін да сваіх бацькоў.

Тып урока: традыцыйны.

ХОД УРОКА

I. Арганізацыйны момант

— Якім бы вы хацелі бачыць сённяшні ўрок?

— Паглядзіце адзін на аднаго, усміхніцеся і пажадайце адзін аднаму поспехаў у працы.





Поделиться с друзьями:


Дата добавления: 2016-12-06; Мы поможем в написании ваших работ!; просмотров: 2148 | Нарушение авторских прав


Поиск на сайте:

Лучшие изречения:

Либо вы управляете вашим днем, либо день управляет вами. © Джим Рон
==> читать все изречения...

827 - | 692 -


© 2015-2024 lektsii.org - Контакты - Последнее добавление

Ген: 0.009 с.