Серафиму (Чичагову), митрополиту Петроградскому

Кондак 1

Избранный архиерею и добрый воине Христов, святителю отче Серафиме, восписуем ти похвальная пения, ты бо, всем сердцем Бога возлюбив, верен Ему даже до смерти пребыл еси и венец Небесныя славы приял еси. Темже, яко имеяй велие дерзновение ко Господу, моли Церкви Российстей непоколебимей пребыти и сыновом земнаго Отечества твоего спастися, да с любовию зовем ти: Радуйся, священно­мучениче Серафиме, веры Православныя пламенный поборниче.

Икос 1

Ангельскому служению подражая, бого- мудре святителю Серафиме, ревнитель Право­славныя веры явился еси и, душу пламенную имея, многим людем изрядный наставник был еси. Мы же, благодаряще Бога, даровавшаго нам таковаго архипастыря славна, воспеваем ти сицевая:

Радуйся, славнаго рода доброе прозябение.

Радуйся, светильниче веры негасимый. Радуйся, издетска Бога возлюбивый. Радуйся, в Нем единем надежду полагавый.

Радуйся, отечества нашего красный плоде.

Радуйся, молитвенниче ко Господу усерд­ный.

Радуйся, любовию к Богу и людем пре­исполненный.

Радуйся, народу Болгарскому ратным по­двигом послуживый.

Радуйся, священномучениче Серафиме, веры Православный пламенный поборниче.

Кондак 2

Видя себе отроча младо и сира суща, Се­рафиме всеславне, Отцу сирых скорби сердеч- ныя принесл еси, и Того покровом покрываем, в молитвах и учении усердие велие явил еси. Мы же, прославляюще Отца Небеснаго, ни единаго сира оставляющаго, воспеваем с тобою Ему: Аллилуиа.

 

Икос 2

Разум почитающих тя, святителю, недо­умевает, коль многия таланты дарова ти Гос­подь, яже ты, яко верный раб Христов, умножил еси во славу Церкве. Сего ради Гос­подь, видя верность твою в малом, над мно­гими тя постави, мы же с любовию взываем ти сице:

Радуйся, в истинах христианских измлада наставленный.

Радуйся, от юности Господа всем сердцем возлюбивый.

Радуйся, во испытаниих многих Богом дивно хранимый.

Радуйся, подвиги мужества, яко добрый воин, во брани явивый.

Радуйся, законы Божия в творении Его уразумевый.

Радуйся, людем болящим и недужным сострадавый.

Радуйся, целебными древесы врачевание людем подававый.

Радуйся, святым врачем безсребреником уподобивыйся.

Радуйся, священномучениче Серафиме, веры Православныя пламенный поборниче.

 

Кондак з

Силою Вышняго направляем, в чине ие- рейстем Богу постгужити возжелел еси, святи­телю отче Серафиме, и, благословением праведника Кронштадтскаго укрепляем, вся красная мира сего яко уметы вменил еси, и на служение пастырское ревностне устремився, добр плод сотворил еси, поя во умилении сердца Зиждителю Богу: Аллилуиа.

Икос з

Имея тщание о Церкви Христовой, святый праведный Иоанн пред кончиною своею благослови тя иконою святою и завеща ти, яко чаду своему духовному, ратовати о Правосла­вии. Мы же, восхваляюще усердие твое в ис­полнении воли Божией, со благоговением вопием ти:

Радуйся, послушания пастырю Крон­штадтскому добрый рачителю.

Радуйся, заветов его верный исполни­телю.

Радуйся, отца твоего духовнаго от поно­шения защитивый.

Радуйся, верных к единомыслию призы- вавый.

Радуйся, паствы твоей богомудрый окор- мителю.

Радуйся, уставов церковных присный блюстителю.

Радуйся, чистоты Православныя веры проповедниче.

Радуйся, Предания отеческаго благого­вейный хранителю.

Радуйся, священномучениче Серафиме, веры Православныя пламенный поборниче.

Кондак 4

Буря недоумения смути тя, святителю, егда блаженная старица Параскева откры тебе повеление преподобнаго Серафима, еже возвестити Императору Российскому о открытии святых мощей его. Ты же, последуя зову сему, летопись обители Дивеевския составил еси и в прославлении подвижника Саровскаго усердно потрудился еси, воспевая Богу: Аллилуиа.

Икос 4

Слышавше вернии людие благодатныя труды твоя, прославления ради Саровскаго подвижника подъятыя, святителю Серафиме, прославиша Бога, даровавшаго ти мудрость и разум. Сего ради и мы, подвиги твоя поми- нающе, гласом хваления вопием ти:

Радуйся, преподобнаго Серафима пла­менно возлюбивый.

Радуйся, усердными труды твоими того прославивый.

Радуйся, благодатнаго посещения его удо­стоенный.

Радуйся, обетованием старца, вкупе присно пребывати, обрадованный.

Радуйся, святыми его молитвами укреп­ленный.

Радуйся, светом любве его дивно просве­щенный.

Радуйся, яко сердце твое скрижальми Духа Божия соделал еси.

Радуйся, яко души верных Божественным разумом озарил еси.

Радуйся, священномучениче Серафиме, веры Православныя пламенный поборниче.

Кондак 5

Яко боготечная звезда, просиял еси, до- сточудне, егда жезл архиерейский вручи ти Господь и поручи смотрению твоему паству многих градов и весей Российстих. Ты же, душу за люди полагая, премногия добродетели явил еси и, чистоту Православия ограждая, благочестие христианское насаждал еси, при­зывая пети Богу: Аллилуиа.

Икос 5

Видя оскудение веры в народе нашем, яко страж неусыпный Церкве Христовы явился еси, богомудре, завету преподобнаго Сера­фима о стяжании Духа Святаго последуя, при­зывал еси верныя люди православную веру истинным благочестием укрепляти. Мы же, о сем радуюшеся, глаголем ти сицевая:

Радуйся, паствы твоея премудрый управи­телю.

Радуйся, храмов и обителей Божиих доб­рый украсителю.

Радуйся, в служении святительстем рев­ность показавый.

Радуйся, к церковным Таинством благого­вейно приступати призывавый.

Радуйся, к деянию богомыслие приложивый.

Радуйся, молитву в основание добродете­лей полагати научавый.

Радуйся, смирением твоим многия добро­детели стяжавый.

Радуйся, ко спасению путь верным показавый.

Радуйся, священномучениче Серафиме, веры Православныя пламенный поборниче.

Кондак 6

Проповедуя слово истины, призывал еси, святителю Серафиме, пастыри вкупе с миря­нами возраждати жизнь церковную, да усер­дием их не угаснет вера Православная, правда же Божия да вразумит люди российския воспевати хвалебную песнь Богу: Аллилуиа.

Икос 6

Возсия благодать, святителю отче Сера­фиме, в житии твоем, ты бо, труды к трудом прилагая, и тщание неусыпное о чадех церков­ных имея, истинный пастырь Христов в земли Российстей явился еси. Сего ради воспеваем тя сице:

Радуйся, пастырскаго служения добрый рачителю.

Радуйся, премудрости Божией дивный стяжателю.

Радуйся, многими даровании от Господа украшенный.

Радуйся, истинныя веры усердный пропо- ведниче.

Радуйся, ересей и душевредных учений обличителю.

Радуйся, юным от соблазнов мира верное ограждение и защищение.

Радуйся, во благостоянии Церкве спасе­ние России видевый.

Радуйся, до конца дней твоих Отечеству нашему верно послуживый.

Радуйся, священномучениче Серафиме, веры Православныя пламенный поборниче.

Кондак 7

Хотяй в Православии страну Российскую утвердити и от губительства враг видимых и невидимых оградити, болезновал еси сердцем о Отечестве твоем, святителю Серафиме, и Господу предстоя, усердно молил еси о спасе­нии стада Христова, вопия к Нему: Аллилуиа.

Икос 7

Новаго Серафима яви тя Господь, егда на Отечество наше прииде тьма безбожия. Ты же, святителю, тезоименному старцу подражая, прилежно молил еси Пресвятую Богородицу, яко Заступницу Усердную, да отверзет двери милосердия Своего и укрепит люди российския в вере Православней. Сего ради вопием ти сице:

Радуйся, искренней любовию к Божией Матери исполненный.

Радуйся, милостию Ея к земли Российстей утешенный.

Радуйся, яко Заступницу Отечества и стену нерушимую Ю благовестивый.

Радуйся, молитвою к Ней паству укрепивый.

Радуйся, усердный и теплый пред Нею молитвенниче.

Радуйся, Гербовецкия Ея иконы сугубый почитателю.

Радуйся, Покров Пресвятыя Богородицы над обителию Дивеевскою прославивый.

Радуйся, многая чудеса благодатная, от Нея бываемая, списавый.

Радуйся, священномучениче Серафиме, веры Православныя пламенный поборниче.

Кондак 8

Славное явление силы Божией видим на тебе, святителю Христов Серафиме, егда кре­стом вооружився, словом благодатным люди православныя от неверия ограждал еси, заблуждшия же и совращенныя вразумлял еси, неустанно взывая к Богу: Аллилуиа.

Икос 8

Весь был еси яко серафим огненный, все- блаженне отче, неусыпно пекийся о словеснем стаде твоем. Темже тя, яко пастыря добраго, песньми похвальными воспеваем тако:

Радуйся, Церкве Православныя твердое укрепление.

Радуйся, ересей и расколов небоязненное посрамление.

Радуйся, страждущим и в беде сущим ско­рый помощниче.

Радуйся, душ немощных дивный цели­телю.

Радуйся, отпавших от Православия крот­кий вразумителю.

Радуйся, смятенных и озлобленных муд­рый наказателю.

Радуйся, заблуждшия к покаянию приво- дивый.

Радуйся, любовию твоею сердца хладная согревавый.

Радуйся, священномучениче Серафиме, веры Православныя пламенный поборниче.

Кондак 9

Всякое естество Ангельское возскорбе, егда народ земли нашея хладностию веры от Бога отступи. Ты же небоязненный защити- тель Православия явился еси, уготовав себе к мученическому страданию. Тем, тя убла­жающе, со благоговением вопием Богу: Аллилуиа.

Икос 9

Витийствующий язык оскудевает пред множеством дарований, от Бога ти данных, до- сточудне отче, яже мудре употребив, яко многоплодная маслина явился еси. Мы же, аще и неискусни есмы, обаче чада твоя суще, восхва­ляем тя сице:

Радуйся, слова Божия ревностный пропо- ведниче.

Радуйся, пастырей и народа церковнаго усердный учителю.

Радуйся, Отечества нашего мужествен­ный воине.

Радуйся, подвигов ратных помощию Бо­жией доблестный совершителю.

Радуйся, душ и телес любвеобильный врачевателю.

Радуйся, святых образов искусный живописателю.

Радуйся, песней церковных мудрый сочи­нителю.

Радуйся, деяний угодников Божиих благо­говейный составителю.

Радуйся, священномучениче Серафиме, веры Православныя пламенный поборниче.

Кондак 10

Спасти хотяй люди Российския, постави тя Христос, отче Серафиме, пастыря верна сло­весных овец, да не расточатся в годину безбо­жия. Ты же, зову Божию последуя и благословением праведнаго Иоанна Кронштадтскаго наставляем, Православие рев­ностно защищал еси и призывал еси люди в братолюбии пети Богу: Аллилуиа.

Икос 10

Стена заступления бысть ти Богородица Дева, отче чадолюбивый, егда терпел еси гоне­ния и узы темничныя. Церковь же, в бедах сушую, и чад ея верных молитвами твоими и заботою пастырскою укреплял еси. Сего ради мир православный славит тя сице:

Радуйся, святейшаго Патриарха Тихона верный послушниче.

Радуйся, священномученика Петра во ис­поведании веры подражателю.

Радуйся, митрополита Сергия искренний сподвижниче.

Радуйся, алтаря Господня достойный слу­жителю.

Радуйся, всего себе в жертву Господеви предавый.

Радуйся, гонения многая претерпевый.

Радуйся, поругания в заточении кротко приемый.

Радуйся, православную веру даже до смерти сохранивый.

Радуйся, священномучениче Серафиме, веры Православныя пламенный поборниче.

Кондак 11

Пение всеумиленное ко Пресвятей Троице принесл еси сердцем и житием твоим, святителю Серафиме, наипаче же кончиною мученическою, прославльшей Бога; сего ради прешел еси во обители небесныя, идеже со Ан­гельскими лики поеши Триипостасному Богу: Аллилуиа.

 

Икос 11

Свет Христов просвети тя от младенства, святителю Серафиме, сего ради, яко светиль­ник, возсиял еси людем многими доброде- тельми. Мы же, пребывающе во мраце грехов и скорбей наших, назидаемся чудным житием твоим и со упованием прославляем тя сице:

Радуйся, яко верный раб, Христу последо- вавый.

Радуйся, образ жития добродетельнаго и кончины мученическия явивый.

Радуйся, верою несумненною врагов по- срамивый.

Радуйся, в мучениях, яко злато в горниле, очищенный.

Радуйся, яко в немощи твоей силу Божию явил еси.

Радуйся, яко смирением козни диаволь- ския посрамил еси.

Радуйся, блаженную славу от Бога стяжавый.

Радуйся, нетленным венцем с новомуче- ники увенчанный.

Радуйся, священномучениче Серафиме, веры Православныя пламенный поборниче.

 

Кондак 12

Благодатию Духа Святаго течение жизни совершил еси и веру соблюл еси невредимо, святителю Христов Серафиме. Сего ради приял еси венец правды, уготованный тебе от Подвигоположника Христа, Емуже, в радости предстоя с новомученики и исповедники Рос­сийскими, вопиеши: Аллилуиа.

Икос 12

Поюще песнь хвалы Человеколюбцу Богу, дивному во святых Своих, прославляем тя, отче Серафиме, яко сокровище благодатных даров Духа Святаго явился еси. Сего ради во умилении сердца взываем ти сице:

Радуйся, во обители небесныя водвори- выйся.

Радуйся, Пресвятую Троицу присно вели­чающий.

Радуйся, в ризах белых Агнцу Божию предстоящий.

Радуйся, обилием веселия духовнаго пре­исполненный.

Радуйся, в лице святителей Христовых ве­личаемый.

Радуйся, в сонме новомученик россий­ских прославляемый.

Радуйся, о нас пред Господем непостыд­ный ходатаю.

Радуйся, молитв с верою к тебе прибегаю­щих скорый исполнителю.

Радуйся, священномучениче Серафиме, веры Православныя пламенный поборниче.

Кондак 13

О священномучениче Серафиме, всерос­сийский светильниче и воине Христов добро- победный, венцем мученичества от Господа увенчанный! Не забуди стадо твое и умоли Вла­дыку Христа в любви к Православию нам утвердитися, в вере укрепитися и вечныя из- бавитися муки, да с тобою воспеваем Ему: Аллилуиа.

Сей кондак глаголи трижды.

Посем икос г. Ангельскому служению... и кондак 1: Избранный архиерею...

Кондак, глас 6:

Саровскому чудотворцу тезоименит быв, теплую любовь к нему имел еси, писаньми своими подвиги и чудеса того миру возвестив, верныя к его прославлению подвигл еси и благодарствен- наго посещения самаго Преподобнаго сподобился еси. С нимже ныне, священномучениче Серафиме, в Небесных чертозех водворяяся, моли Христа Бога серафимския радости нам причастником быти.

Молитва ко священномученику Серафиму

О великий и пречудный угодниче Христов, священномучениче Серафиме! Приими ныне нашу смиренную песнь благодарения и умоли Все­держителя Бога, в Нераздельней Троице прослав- ляемаго, низпослати нам мир и благоденствие, да сохранится от разорения держава наша. Любовию и мудростию твоею люди российстии к единению соборному приведи и от ересей и расколов огради. Силою ходатайства твоего терпение в скорбех и болезнех нам низпосли. О всехвальный святителю Христов! Испроси у Всемилостиваго Бога подати нам прежде конца покаяние, да сподобимся с тобою зрети лица Его доброту неизреченную, вос- певающе Отца и Сына и Святаго Духа во веки. Аминь.

 

Оглавление

Предисловие................................................................................ 3

Предисловие ко второму изданию........................................ 3

Часть 1............................................................................................ 6

Что каждый из нас может сделать для

восстановления своего здоровья.......................................... 18

Часть 2.......................................................................................... 23

Советы при острых состояниях............................................ 25

При высокой температуре..................................................... 25

При повышении давления..................................................... 26

При варикозном расширении вен...................................... 27

При сахарном диабете............................................................ 28

При головных болях................................................................ 29

При гастрите............................................................................. 30

При остеохондрозе.................................................................. 30

О препарате Декарис............................................................... 31

Духовная сторона вопроса..................................................... 32

Источники.................................................................................. 33

Приложении.............................................................................. 34

Приложение 1.О Чичагове и его методе........................... 34

Приложение 2. Общие рекомендации

для оздоровления организма............................................... 43

Приложение 3. Основные принципы и

рекомендации из лечебной системы................................. 45

Приложение 4. Продукты, рекомендуемые

к употреблению........................................................................ 47

Приложение 5. Продукты, не рекомендуемые

к употреблению......................................................................... 51

Приложение 6. "Я лечился у Ксении Павловны"........54

Приложение 7. Краткие советы для приступающих к оздоровлению организма 56

Приложение 8. Особенности взгляда сщмч Серафима на причины болезней и их лечение……………………….………………………..57

Акафист священиомученику Серафиму (Чичагову), митрополиту Петроградскому…………………………….59

Издательство "Благословение", ООО "Техинвест-3"101000, г. Москва, ул. Маросейка, д. 4/2 Оптовые поставки книг: тел.: (495) 623-78-22, 623-81-50; факс: (495) 628-10-51;

e-mail: [email protected], [email protected], www.blagoslovenie.ru

В города, отдаленные от Москвы, книги в розницу можно

заказать по тел.: 8-965-140-93-10, или через интернет-магазин "Мудрый травник" www.travnik.umi.ru

Формат 60x90/16. Бумага газетная. Отпечатано в ООО "Вторая типография" 140004, г. Люберцы Московской обл., 1-ый Панковкий пр-д, д.1

Заказ № 799

 

 

Мало кто знает, что священномученик Серафим (Чичагов) имел медицинское образование и был практикующим врачом. Его медицинская система оздоровления человека во многом уникальна. Ключевым элементом системы является создание условий для организма, при которых он сам мобилизует резервы для борьбы с болезнью.

Особенность методики в том, что она направлена не на лечение внешнего проявления болезни, а на устранение первопричины заболевания. Другой особенностью методики является её простота и доступность для любого человека. Во второй части книги содержатся практические рекомендации о лечении конкретных заболеваний по этой методике. Эта методика прошла многолетнюю апробацию.

Книга составлена по двум выступлениям врача-практика Ксении Павловны Кравченко, которая имеет более чем двадцатилетний опыт лечения больных по данной методике. Заслугой её является восстановление исторической справедливости в отношении свщмч. Серафима (Чичагова), имя которого как врача оказалось незаслуженно забыто. В задачу книги входит донесение информации о свщмч. Серафиме и его методике лечения в форме, понятной любому человеку.

Следует отметить, что данная методика не является альтернативой традиционной медицинской науке и не отвергает возможность использования многих достижений традиционной медицины. Данная система лечения, как и любая другая, имеет своих ревнителей, но не выдается как единственно правильная во всех случаях. Автор книги предлагает глубоко изучить изложенный подход к лечению, не отвергая огульно всего изложенного здесь.

Рекомендуется лечиться по данной системе под наблюдением специалиста и не заниматься самолечением.

Мы благодарны автору книге за то, что она старается ввести методы оздоровления организма по системе владыки Серафима Чичагова в официальную медицину. Очень хорошо, если забытой методикой заинтересуются медики и студенты и если несправедливо забытая система обретет вторую жизнь.