Перымса Степан – коми гижöдлы подув пуктысь

&

Авторалöм – авторство Буркыв – молитва Вöрзьöдны – тронуть Вежöдны – освятить Вежа – святой, священный Выныштчыны – напрячься, сделать усилие Гы – волна Гызьыны – взволноваться (о реке) Ен ув пельöс – божница, красный угол Индыны – здесь установить Исус Кристосö эскöм – христианская вера Казьтывны – упоминать Коді – который Личöдны – облегчать Лов – душа Ловзьыны – воскреснуть Мездыны – освободить

Мездыны – освободить, избавить Мездысь – избавитель Мортъяммöдны – облагораживать Ньöв – стрела Öбраз – икона Пöрны – превратиться Пелыс – весло Порота вом дора – с заячьей губой Сатшны – воткнуться Серти – по, согласно Стöча – достоверно Сыны – грести Тун – колдун Усьласьны – нападать Шы – копьё Шыöдчыны – обратиться Эскыны – верить Эскысь – верующий Юöр – сведение, информация

… удж. Лыддьы да комиöд ас кывъясöн Питирим Сорокинлысь кывъяссö.

Коми народ обладает замечательной эстетической культурой, которая обогащает и облагораживает души людей. Вместе с ростом наших знаний о любви, её возможности на службе человечества будут возрастать в геометрической прогрессии.

П.Сорокин

 

…удж. Лыддьы да гöгöрво текстсö. Сет ним. Юк абзацъяс вылö. Лöсьöд план да дасьтысь висьтавны сы серти Перымса Степан йылысь.

…

Перымса Степан чужис 1340-öд воын Великöй Устюгын Енлы эскысь семьяын. Батьыс вöлі роч поп. Мария мамыс вöлöма коми аньöн, чужлöма Дзебас нима вузасьысь зырянин семьяын, бура тöдöма коми кыв. Куим арöса Мариялы Блаженнöй Прокопий шулöма, мый сійö чужтас «Перым мулы епископöс».

Степан ичöтсяньыс тöдіс коми кыв, водз велаліс грамотаö. Сьыліс вичкоын молитва. Томсянь шуис ассьыс став олöмсö сины Енлы. Муніс Ростовö, лои манакöн Вежа Георгий Богослов манастырын. Манастырын вöлі уна книга. Степан ёна лыддьысис. Велöдіс греческöй кыв. 1372 воын Степан лöсьöдіс коми анбур. Сюрöсас босьтіс греческöй да славянскöй шыпасъяс. Анбурсö лöсьöдіг Степан мыджсис тшöтш коми пасъяс вылö. Анбурас вöлі 24 шыпас. Тайö анбур отсöгöн коми кыв вылö вöлі вуджöдöма Ен небöгъяс: Часослов, Давидлысь сьыланкывъяс, Важ да Выль заветъяс. Степан дасьтысис пыртны пермянаöс Кристос вераö. Москваса князь Дмитрий Донскöй сетіс сылы охраннöй грамота, могмöдіс öбразъясöн, пернаясöн да жыннянъясöн мед нуöдны служба да обрядъяс. Степан аскöдыс босьтіс уна Ен небöг. 1379-öд воын воис Эжва ю усянінö, пыртіс пермянаöс кристос вераö Пырасын (öнія Котласын) да Виляль ю вожын. Кыпöдісны некымын вичко, восьтісны школаяс. Степан велöдіс коми йöзöс гижны, лыддьысьны. Вичкоын службасö нуöдіс коми кывйöн. Но унаöн эз кöсйыны пырны выль вераö. Найö сувтісны Степанлы паныд, весиг кöсйисны вины. Степан кераліс да сотіс комияслысь енколаяс. Перымса сотник Пам босьтчыліс венны да вöтлыны Степанöс, но сылы эз удайтчы венны Степанöс. Памкöд унаöн пышйисны Вашка да Пинега юяс вожö. Кувсис Степан 1386 вося ода-кора тöлысь 9-öд лунö. Дзебисны Москваса Кремльö.

«Би кинь» журналысь

 

² Лыддьы да гöгöрво кывбурсö. Вочавидз юалöмъяс вылö.

Вежа Степан

Ылі роч муысь да Мöскуа карысь

Волöма Комиö Вежа Степан.

Абу тай повзьöма тöлысь ни арысь –

Йöзöс выль вераö пыртны мед тан.

 

Ыджыд крест юр весьтас лэптöмöн сійö

Збодера кытшовтіс став Коми му,

Важся бöлбанъяслы лöсьöдіс сійö

Ыпъялысь бипур да сьöд, пемыд гу.

 

Сьöрсьыс тшöтш вайöма выль пöлöс анбур,

Восьтöма школаяс, вичкояс тан.

Сійöс эз повзьöд Кöрт Айкалöн кабыр,

Татшöмöн вöлöма Вежа Степан.

 

Бырöдны зілис пыр Вежа Степаныс

Яг-Мортöс, Вакульöс да пемыдлун,

Сы вöсна нимыс да олöмыс тані

Тайö бур мортыслöн некор оз вун.

 

А. Ельцова

? Коді сійö – Вежа Степаныс?

Кутшöм мортöн сійö вöлöма?

Кутшöм могöн Коми муö воöма Вежа Степан?

Кыдзи тэ чайтан, мый бурсö вöчöма коми йöзлы?

Кыдзи донъялö авторыс тайö мортсö?

 

… удж. Лыддьы да гöгöрво легендасö. Сувтöд кадакывъяссö II колян кадö.

Ошлапей.

Туглимсянь неылын олiс Ошлапей тун. Сiйö вöлi кöчлöн кодь порота вом дора, киясыс вöлiны ош лапаяс кодьöсь. Кор Туглимса олысьяс эскисны на асланыс енлы, Ошлапей некодöс эз вöрзьöдлы. Сiйö вöралic да кыйсис, олic йöзысь бокын.

Но Кристос вера примитöм бöрын туглимсаяслы лои зэв сьöкыд. Пыр жö и кутic Ошлапей вöчны налы лёктор. Сiйö гусявлiс налысь гортса пемöсъяссö, некутшöм помкатöг усьласис йöз вылö.

Туглимса олысьяс шыöдчисны Перымса Степан дорö да корисны отсöг, медым мездiс рöзбойник-тунысь. Степан аскöдыс босьтiс отсöг вылö некымын мортöс, кодъяс сынiсны пыжын да веськöдчис тунлöн олан местаö.

Эжва юыс вöлi лöнь, но друг веркöсыс гызис. Ю вомöныс босьтчисны ветлыны гыяс, кодъяс муртса эз ньылыштны Степанлысь пыжсö. Перымса Степан пыр жö и гöгöрвоис, мый тайö дурö Ошлапей. Лыддис колана буркыв, и юыс кутic лöньны, гыяс бырисны.

Та бöрын Ошлапей пöрис сирö да босьтчис ёсь нырнас зутшйöдлыны пыжсö. Степан выныштчис да вачкис пелыснас сирлы. Чериыс сэсся эз нин мыччысьлы.

Кор Степан сувтiс берегö, дзик сiйö местаас, кöнi олic тун, Ошлапей пöрис ыджыд ошкö. Сiйö горзöмöн уськöдчис Степан вылö. Степанлöн отсасьысьяслöн ньöвъяс да шыяс бöр чеччалicны тун вылысь, эз сатшны.

Степан тшöктic шыбитны сыö кок вож костöдыс. Тадзи и вöчисны. Ош равöстiс, усис му вылö, лои мортöн. Степан тшöктic орöдны сылысь гач вöньсö. Сöмын та бöрын кулiс Ошлапейыд. Гуалiсны тунöс. Сiйö местаас öнi сулалö Ошлапье сикт.

 

… удж. Сьöрсьöн-бöрсьöн тэч серпасъяссö. Серпасъяс отсöгöн дженьыда висьтав «Ошлапей» легендасö.

1 2 3  

4   5 6    

7 8 9

 

          

: Корсь Перымса Степан йылысь легендаяс. Висьтав öти класса велöдчысьяслы.

  

Ыстысьöм. Цитата Ыстысьöм – кодлöнкö висьталöмöн либö гижöдысь юкöнöн вежлавтöг вöдитчöм. Кор ыстысьöмыс быдса сёрникузя, сэки сувтöдсьöны веськыд сёрни дырйи гижан пасъяс. Пример вылö: Иван Изъюров аслас казьтылöмъясын пасйö: «Шензьöдö пыр менö Илля Вась наукаын, коми кыв велöдöмын, поэзияын мудзлытöм уджöн».

 

… удж. Текстысь инды ыстысьöмъяс. Мый могысь найöс пыртöма сэтчö?

    Перымса Степан – коми гижöдлы подув пуктысь. Коми шыпасъяслы подулас босьтöма «… абу греческöй алфавит, а коми вöралысьяслысь пасъяс». Видзöдлыны кö тайö шыпасъяс вылас, «позьö казявны финикияса анбуркöд öткодьлун, коді вöлöма греческöй да европаса алфавитъяслы подулöн». Но öд финикияса анбурсö аддзöмаöсь сё воöн сёрöнджык. Кыдз тайö вермис артмыны? «Ен отсöгöн!» - индö Г.П.Федотов.

Ыстысьöмъяссö босьтöма Г.П.Федотовлöн уджъясысь.

 

… удж. Бöрйы 3-4 заповедь. Найöс текстö пыртöмöн лöсьöд неыджыд висьт.

ЗАПОВЕДИ ЖАННА

  

    … удж. Комиöд текстсö ас кывйöн.

«Зырянская Троица» — икона Святой Троицы. Согласно легенде, написана в конце XIV века (после 1379 года) Стефаном Пермским. На иконе имеется надпись на коми-зырянском языке, сделанная древнепермским письмом. Эта надпись древнейшая из дошедших до наших дней.

Авторство Стефана Пермского достоверно не установлено. В Житии святого иеродиакон Епифаний Премудрый не упоминает, что Стефан писал иконы. Но есть сведения о том, что Стефан Пермский написал несколько икон и крестов с зырянскими надписями.

 

: Öткодяв кык öбразсö план серти.

План:

1. Кор серпасалöма тайö öбразъяссö?

2. Мый серпасалöма на вылын? Мый вежöртöны серпасалöм образъясыс?

3. Кутшöм рöмъясöн вöдитчöмаöсь öбразъяс серпасалігöн? Мыйла?

4. Кутшöм сьöлöм кылöмъяс чужтöны тайö öбразъясыс?

             

Перымса Степанлöн «Зырянскöй Троица» öбраз

Андрей Рублёвлöн «Троица» öбраз

 

… удж. Кывъяс да кывтэчасъяс, роч текстъяс вылö мыджсьöмöн лöсьöд Важ Перым гижöд йылысь юöр.

Важ Перым гижöд.

1. Коми анбур, коми-зыряна, лöсьöдöма, подулас пуктöма, 1372-öд воын, Емва ю дорын, Емдін сиктын, вöдитчöмаöсь, бырöма XVII нэмын, гуся гижöд, гöгрвоöма, вежлалöм шыпасъяс, буркыв, вермöм.

2. Древнепермская письменность (абур, анбур, пермская / зырянская азбука; коми Важ Перым гижöд) — письменность, использовавшаяся коми-зырянами, коми-пермяками, русскими и некоторыми другими народами на северо-востоке Европейской России. Создана Стефаном Пермским в 1372 году в районе бассейна р. Вымь, притока Вычегды на основе кириллицы, греческого алфавита и древнепермских рунических символов (пасов). Вышла из употребления в XVII веке, вытесненная кириллицей. Иногда использовалась как тайнопись для русского языка.

3. Чтобы пользоваться Священным Писанием, Стефан изучил греческий язык; но он скоро понял, что успех проповеди среди зырян не будет обеспечен, если он не будет знать зырянского языка. Скоро он овладел этим языком настолько, что приступил к переводу на него богослужения православной церкви. Для составления зырянской азбуки Стефан воспользовался видоизменёнными буквами греческого и славянского алфавитов.

Фото. Площадь С.Пермского, Собор, вершина Приполярного Урала, Стефановские чтения (приглашение), Крестный ход.

        

… удж. Фотографияяс серти висьтав, кыдзи нэм кежлö нимöдісны Коми муын Перымса Степанöс.

21 декабря 2009 года безымянной горной вершине Приполярного Урала, расположенной в Республике Коми, присвоено наименование «гора Святителя Стефана Пермского»

                            

    …удж. Аддзы да содты колана вочакыв сёрникузяясö.

Перымса Степан

1. Перымса Степан оліс… (13,14,15) нэмын.

2. Сійö чужис …(Перым муын, Югдінын, Пырасын).

3. Батьсö да мамсö шуисны …(Иван да Марьяöн, эз вöв батьыс, Симеонöн да Марияöн).

4. Батьыс вöлі…(вичкоса служитысьöн, велöдысьöн, крестьянинöн).

5. Медводз Степан велöдчис…(гортас, манастырын, Москваын).

6. Сэсся сійö муніс…(Перым муö, Ростов карö, Пырасö).

7. Манастырын сійö лöсьöдіс…(азбука, анбур, буквар).

8. Анбурын вöлі …(23, 24, 25 шыпас).

9. Нöшта сійö велöдіс…9коми, роч, греческöй) кыв.

10.Сійö велöдчис…(12, 13, 14) во.

11.Велöдчöм бöрын Степан медводз локтіс…(Югдінö, Емдінö Пырасö).

12.Овмöдчис сійö …(Пырасö, Емдінö, Югдінö).

13.Перымса Степан пыртіс язычникъясöс …(вичкоö, керкаö, Кристос эскöмö).

14. Куліс сійö …(Емдінын, Югдінын, Москваын).

15.Перымса Степан йылысь гижис…(Епифаний Премудрый, Сергий Радонежский, Серафим Саровский).

 

...удж. Текстысь комиöд медводдза юкöнсö, рочöд мöд юкöнсö, коймöд юкöн дорö сувтöд куим юалöм, нёльöд юкöнысь кадакывъяссö сувтöд мöд колян кадö.

Родился Стефан в 14 веке в Великом Устюге. Родителей звали Мария и Симеон. Мама была коми женщиной, отец – русским. Симеон был служителем церкви.

Медводз Степан велöдчис ас карса вичкобердса школаын, сэсся мунíс Ростовö да пырис велöдчыны Григорий Богослов нима манастырö. Сэнí сíйö уна лыддьысис, велöдíс кывъяс да 1372 воын лöсьöдíс зыряналы азбука – анбур, комиöдíс ен небöгъяс. Сíйö лöсьöдчис пыртны зырянаöс Иисус Кристос эскöмö.

Медводз сíйö воис Пырасö (Котлас). Сэнí сíйö сувтöдíс часовня. Сэсся мунíс Емдíнö, кöнí вежа кыдз местаö кыпöдíс вичко.

Язычникъясöс Иисус Кристос эскöмö пыртöм кындзи Степан дорйис зырянаöс вöрöгъясысь,тшыг воясö отсалíс няньöн. Кулíс Степан Москваын.

 

 

РАДЕЙТАНА ВОГÖГÖРСЯ КАД (ВОЛÖН РАДЕЙТАНА КАД)

 

&

…удж. Вуджöд висьтсö.

Ытва дырйи

Быдöн аслысногöн гöгöрвоöны тулыслысь мичлунсö. Водз тулыснас медся мича овлывлö ытва дырйи. Юясысь ваыс петö видзьяс вылö да вöрö. Паськöдчас пом ни дор. Лöсталысь ваас оз и дугдыны купайтчыны шонді да посни кымöръяс, тöлысь да зарни кодзувъяс. Видзьяс, бадьяс – ставыс ваын. Сöмын кöнсюрö куйлö вывтасінын лым, быттьö ваö шыбитöм ыджыд нянь кöрыш. Ва матыстчö парма дорö. Зумыша видзöдчöны ваö дзор ройöн тошкасьöм козъяс. Ваö келöмаöсь кыдзьяс да пипуяс, быттьö челядь, кодъяслы и купайтчыны окота, и кодзыд ваысь полöны. Оз лысьтны дзикöдз суныштны. Тувсов серпассö гажöдöны локтöм лэбачьяс. Найö корсьысьöны лöсьыдджык местаяс пияннысö быдтöм вылö.

Г.Фёдоров

…удж. Артмöд кывтэчасъяс, а сэсся сёрникузяяс гожöм йылысь.

Пример вылö: … войяс – кöка войяс – Гожöмнас войвылын овлöны кöка войяс.

… пуяс … сикт … ордым … поводдя … вотöс … шонді … öшкамöшка … тöвру … челядь … йöз

… дзоридзьяс …чери … видз … ю … саридз … гым-чард … пыж … юркытш … серам … шойччöм

 

… удж. Гиж эмакывъяссö колананогöн. Прöверит асьтö А.Н.Кармановалöн, Р.И.Косныревалöн, Т.В.Кренделевалöн «Коми орфография кывкуд» отсöгöн.

Юк(ва), пув(ва), нюр(ва), син(ва), лыс(ва), чуж(ва), лöз(йöв)(ва), лым(ва), Эж(ва) ю, Лым(ва) сикт, Ем(ва) кар.

 

ﯕ   Кутшöм коми иннимъясын паныдасьлö ва кыв?

Кор сикт-грездлы сетöны ва юкöна ним?

Тöдмав, кыдзи юргö мукöд кывъясын ва кывйыс. Кутшöм кывкöртöд позьö вöчны?

 

… удж. Содты текстö колана кывъяс. Аддзы мöд кывсикасъясысь артмöм эмакывъяс, гöгöрвоöд артмöмсö.

    Арын лэбачьяс чукöртчöны … да лэбöны …. Медводз эновтöны чужан мусö кöкъяс. … бöрын мöдöдчасны туйö чикышъяс. На бöрся лэбасны ябыръяс да сьöд ракаяс. Оз эновтны … катшаяс да ракаяс. … миянö воны гöрд морöса жоньяс, тэрыб пыстаяс, сбой пышкайяс.

Автор?

Отсöг вылö кывъяс: кöдздöдöм, кельöбъясö, войвылысь, чужанiнсö, лунвылö.  

..удж. Бöрйы да гиж колана кывбöръяс.

1. Пуяс (вылын – вылысь) гылалöны коръяс.

2. Кушмöм муяс (весьтын – весьтöд) лэбöны дзодзöгъяс.

3. Кыдз пу (улын – улысь) быдмöма еджыд гоб.

4. Пожöмъяс (костöд – костын) вералö чераньвез.

5. Коз (йылысь – йылын) китшкö катша.

6. Серафим Попов гижис вель уна кывбур чужанін (йылысь – йылын).

7. Югыд шонді дзебсис кымöръяс (сайö – сайын).

8. Арнас посни лэбачьяс локтöны тöвйыны йöз (дорын – дорö).

 

…удж. Лыддьы да гöгöрво текстсö. Комиöд скобкаын сетöм кывъяссö. Содтав колана суффиксъяс. Текстысь инды ногакывъяс.

Талун поводдяыс мича. Ывла вылын оз зэр. Ме Анна… варовитігмоз мöдöдчим вöр… вотчыны. Вöр… ми бöрйöмöн чукöртім пув да чöд. Чöдй… ыджыд мам пуас варенньö, а пув… кöтöдас.

Вöр… ветлігöн ми аддзим дона гобъяс, гöрд гобъяс, выя гобъяс. А Аня… сюрисны весиг ельдöгъяс. Вöр… ми петім сьылігтырйи да котöртім горт… ошйысьны.

 

…удж. Лöсьöд тöв йылысь висьт, вöдитчы кывъясöн да кывтэчасъясöн. Сет висьтыдлы ним.

…

Лым, лым чир, лым тола, лымъя, лымъявны, бергавны сынöдын.

Вой тöв, войвыв, войвывса.

Кöдзыд, кöдздöдны, кöдзавны.

Бушков, турöб, турöбавны, турöба вой, пöльтны.

Шебрас, лымъя эшкын, шебрасьны, вевттьысьны, тупкысьны.

Йи, йиа, йизьыны, кын, кынмыны, кынтыны.

Лым морт, лым мач, дадь, лыммачасьны, иславны, тэчны.

Выль во, гажлун, козин, козьнавны, чолöмавны, сины, гажöдчыны, йöктыны, сьывны, ворсны, чöсмасьны, ветлыны, öта-мöдöс, öта-мöдлы, нимкодь, долыд.

 

Содтöд уджъяс

     

 

…удж. Лыддьы да гиж колана ногöн.

1. Бур (лун), яр (лун), варов (лун),визув (лун), веськыд (лун), дзоньвидза (лун), позян (лун), зіль (лун), збой (лун), дыш (лун), долыд (лун), дась (лун), авъя (лун).

2. Му (тор), пызь (тор), кабала (тор), гöн (тор), вошöм (тор), верман (тор), гöгöрвотöм (тор),вöвлöм (тор), вузалан (тор), абутöм (тор), аддзытöм (тор), быдсяма (тор).

3. Ки (под) (туй), морт (туй), пинь (туй), кок (туй), кöрт (туй), мир (туй), бур (туй).

4. Му (син), катша (син), (син) ва, (син) лыс,(син) кым.

 

…удж. Кывбердъясö содтав -ыд, - ик, - ник, - иник суффиксъяс. Кывбердъяс отсöгöн лöсьöд висьт «Менам котыр».

Ыджыд, пемыд, еджыд, веськыд, долыд, югыд, гöгрöс, мича, вöсньыд, паськыд, том, збой, лöз, пöсь, жеб, нэр, ичöт, слаб, муса.

 

…удж. Рöдвуж кывъяс орччöдöм сертиыс тöдчöдöй, кыдзи вежсисны коми кывъясыс.

Бöр – удм. Бер, фин. реrӓ,манс.pӓr,хант.pіr

Бурдны – фин.parantaa (лечить), мар.перемаш (поправляться)

 

…удж. Кутшöм кывъяс торйöдöма сетöм сёрникузяясас? Вежöй лöсялана, гöгöрвоана кывйöн. Кутшöм кывкудйысь найöс позьö аддзыны?

 

1… мем бара пон моз öбöс дінад колö куйлыны нин нэм войясын.

2.Час, кор сайдсялас, эн пов, мунны мог вылас оз ков сылы тшöктöм.

3.Зонпи, браминпу, морöсыс ван,

Котраліс няйтöд ю дорас тан.

4.Ов тэ ас бур нэм;

Важ ног, брамин, оз эльт,

Оз серав тэнö некин.

5.Ачыс Ань мамнас сэк шусис,

Ошйысис: выль пи пö эм;

Сідзи и йöз тöдіс нэм;

Мамсьыс и пи тöдтöг суссис. (И.Куратов гижöдъясысь)

 

…удж. Кутшöм торксьöмъяс казяланныд асалан вежлöгöн вöдитчöмын.

Ордйысьöмъяслöн медшöр суддя, керкалöн стенö, лэбачлöн позсö, öшиньлöн стеклö, лунлöн джынйыс, челядьлöн серпасъяс, челядьлöн библиотека, И.А. Куратовлöн памятник, драма да балетлöн театр, турияслöн кельöб.

 

…удж. Кутшöм кывъяскöд вермö петкöдчыны сёйны кыв да мый сэки петкöдлö? Медводз гиж подув вежöртассö.

Лун-вой, лым, пöжас, кад, синмöн, пинь,чышъян,шонді, азыма, чери, воз, шог.

 

…удж. Сетöм кывъяснас артмöдалöй öткодялан тэчасъяс. Кодöс кодкöд да мый мыйкöд позьö орччöдны тайö признакъяс сертиыс?

… кодь пельк …, … кодь визув …, … кодь лöз …, … кодь гöрд …,… кодь небыд …, …кодь еджыд …, … кодь кокньыд …, …кодь винёв …, … кодь мича ….

     

 

…удж. Сетöм кывъяс дорö аддзы антонимъяс да лöсьöд некымын сёрникузя.

Чеччыны                    пуктыны                             выль

Шойччыны                 гажа                                    ичöт

Лэччыны                    кымöра                                том

Сьывны                      мича                                     ылын

Висьмыны                 сьöд                                      лун

Петны                         водз                                       нуны

Кöдзöдны                  бур                                        сетны

 

…удж. Вочавидз юалöмъяс вылö.

1.Кодъяс финн-угор войтыръяс пöвстысь лыд сертиыс медся унаöсь да кодъяс медся этшаöсь?

2.Кутшöм финн-угор йöз олöны Россияын?

3.Кутшöм нима сьöмыс венгръяслöн, финнъяслöн да эстонечьяслöн?

4.Кор да кöні овлöма финн-угор вужвойтыр, кутшöм оласног налöн вöлöма?

5.Кодъяссянь финн-перым вужвойтыр велалöмаöсь му вöдитны да видзны скöт?

 

…удж. Мыйöн öткодьöсь сетöм кывъясыс и мый серти найöс позьö торйöдны? Гижöй торйöдöмöн.

Лымъялö, висьöдö, кызöдö, кымрасьö, ойбыртöдö, кезйöдлö, вугрöдлö, шогöдö, бусйö, узьтöдö, йирö (сьöлöмöс), улялö, зэрö.

 

…удж. Тöдмав, кутшöм рöдвуж кывйысь тайö сьыланкывйыс. Комиöд.

Лымы тöдьы, лымы тöдьы,

Лымылэсь но тöдьы кышетэ.

Яблок гордо, яблок гордо,

 Яблоклэсь но гордо банъёсы.

Ожо вожо, ожо вожо,

Ожолэсь но вожо дэреме.

 

…удж. Мыйöн öткодьöсь сетöм зумыд кывтэчасъясыс? Кутшöм зумыд кывтэчас оз лöсяв?

Öтарö - мöдарö ытшкысь, кык пыдöса пельса, кык ныра лызь, пу йылысь тури висьталö, кык бана шаньга.

 

…удж. Сетöм шусьöгсö гöгöрвоöд 3-4 сёрникузяöн.

Бордтöг этша лэбалан.

 

…удж. Комиöд рочысь воöм кывъяс.

Алфавит-

Зеркало-

Газ-

Уважайтны-

Другъяс-

Пöдарок-

Столица-

Коми народ-

Думайтны-

Веритны-

 

…удж. Комиöд географическöй нимъяс.

 

Айкино-

Объячево-

Большелуг-

Усть-Кулом-

Куратово-

Усть-Вымь-

Ижма-

Вычегда-

Визинга-

Пыёлдино-

 

 

…удж. Гиж 8-10 сёрникузя талунъя лун йылысь.

 

 

…удж. Сетöм кывъяс дорö вайöд синонимъяс.

Серавны-

Мунны-

Горзыны-

Видзöдны-

 

…удж. Содтав эмакывъяс колана вежлöгын.

Эжва усьö….

Батьö уджалö …, сійö пöрöдчысь.

Коми республика куйлö Европаса….

Гöстьяс пырöны миян ….

Нянь пöжалöны ….

Уджалысьяс рытъяснас тэрмасьöны ….

Отсöг вылö кывъяс: пызь, асыв-войвыв, керка, горт (ъяс), Войвывс Двина, вöр.

 

…удж. Содтав колана вежлöгъяс, комиöд нимвежтасъяссö.

(Мы) радейтам (тебя), мамö!

Аски (нас) корöны шойччан рыт вылö клуб….

Колегов ёрт, (вас) виччысьöны (ваши) тöдсаяс касса дорын.

Кутшöм коми философъяс … (вы) тöданныд?

(Мы) тöдам Каллистрат Жаков…, Питирим Сорокин….

Кутшöм гортса пемöсъяс… (вы) видзанныд?

(Мы) видзам кык порсь…,кань…, понм….

Вай пызан вылысь нянь….

Света тöрыт кынтіс (своё) голя….

 

…удж. Содтав лöсялана эмакывъяс колана вежлöгын.

Вася Кичигин уджалö ….                        вилки…

Салат сёйöны ….                                      йöв…, сакар…

Курортö лэбзям ….                                  ворсöм…

Театрын нимкодясим актёръяслöн ….    самолёт…

Визинсянь Сыктывкарöдз воим ….        журналист …

Сьöд кофе унаöн юöны … либö….         автобус…

 

 

…удж. Аддзы гозсö.

Бур сьöлöмöн – опозориться

Лов пктыны – быть в тягость

Лов вузавны – по-хорошему

Мус зыртны - сложить голову

Юр уськöдны – кривить душой

 

…удж. Артмöд сложнöй эмакывъяс да вуджöд найöс.

Би,чушкан,мыр, тури, катша, виж, син, юр, бобö,чунь, пась

Пом, юр, пур, син, кытш, зi, пув, ва, си, нянь, кöм 

 

…удж. Роч шусьöгъяслы корсь комиöс.

Из огня да в полымья.

Без труда не вынешь рыбку из пруда.

Кто рано встаёт, тому Бог подаёт.

Один весенний день целый год кормит.

Коктö кö кöтöдан, и чуньтö нюлыштан.

Тулысын узян, арын шгö усян.

Пышйис зэрысь, веськалiс шер улö.

Кодi кыакöд чеччö, сылöн олöмыс судзсьö.

 

…удж. Гиж колана кывтор.

Кор тi ветланныд вöрö, ковтöг … чегъялöй пуяс. Биасянныд кö, бипурсö бура кусöдöй, мед сэтчö … коль öгыртор. Вотöс öктiгöн … нетшкöй вотöс розъяссö. Сьöрад кö эм пурт, тшактö …нетшкöй вужнас, а вундöй. Ас бöрад некутшöм ёг … шыблалöй. Видзöй вöр-ва. Вöрыд абу помтöм-дортöм.