Вöр-ва – миян озырлун

&

    … удж. Лыддьы да гöгöрво текстсö. Вочавидз юалöмъяс вылö.

А гажыс да мичыс тані, паськыда шлывгысь Эжва юыс вылын! Таладорас вежöдысь видз да коръя вöр. Мöдлапöлас еджыд лыа вералö. Водзö лыска-пожöма яг кыпöдчö. Сöдз! Ыркыд тöвру выльшасьö. Шонді абу нин гожся кодь яр, меліалö лöзов енэжсянь.

Ок, сё майбырöй, гажа му!

И.Торопов серти

? Лунлысь кутшöм юкöн петкöдлöма текстын? Мыйла тэ тадзи чайтан?

Кутшöм художествоа средствоясöн вöдитчöма авторыс, медым петкöдлыны чужаніныслысь мичлунсö?

 

Када кывторъяс. Частицы времени Кывторъяс – отсасян кывъяс, кодъяс сёрникузяö содтöны кутшöмкö рöм. На да нин кывторъяс сетöны содтöд рöм кад боксянь. Сёрникузяын зэв тшöкыда паныдасьлöны кадакывъя юöрпаскöд да стöчмöдöны сійöс. На кывтор тöдчöдö, мый керöмыс, состояниеыс либö признакыс абу на помасьöма, а мунö водзö либö лоö на.   Пример вылö: Ме некор на эг аддзыв Печора ю. Вöрын лымйыс абу на сылöма. Моз тöлысьын пувйыс абу на гöрд. Нин кывтор тöдчöдö керöмлысь, состояниелысь либö признаклысь помасьöмсö. Пример вылö: Ми дасьтім нин лэбачьяслы вердчанінъяс. Таво юсьяс воöмаöсь нин чужан муö. Нюръяс вылын турипувйыс чим гöрд нин.

 

      

МЕНАМ АСКИА ЛУН

АСКИЫС ЗАВОДИТЧÖ ТАЛУН

&

Шырсьысь – парикмахер Юралысь – глава Веськöдлысь – руководитель

    

GУськöд тöд вылö удж ним петкöдлысь эмакывъяс артмöм.

КАДАКЫВ + -ЫСЬ суффикс = удж ним петкöдлысь ЭМАКЫВ Пример вылö: велöдны + -ысь = велöдысь

 

        

… удж. Кадакывъясысь артмöд эмакывъяс, вуджöд роч кыв вылö.

Артасьны Бурдöдны Веськöдлыны Ворсны Гижны

Йöктыны Пусьыны Серпасавны Сьывны Шырсьыны

 

    … удж. Роча-комиа кывкуд отсöгöн артмöд удж нимъяс. Дасьтысь ордйысьны класса ёртъясыдкöд «Кодлöн унджык?».

 

… удж. Лыддьы шусьöгъяссö. Аддзы роч кывйысь вуджöдöм шусьöг. Бöрйы шусьöг, кодi велöдö быд удж вöчны ас кадö.

1. Тулысын кö узян – арын шогö усян.

2. Дышлöн век кык мыш.

3. Öти кинас сетö, мöднас босьтö.

4. Битöг тшын оз овлы.

 

…удж.Лыддьы да гöгöрво кывбурö. Вочавидз юалöм вылö.

Мый меысь петас?

Сетісны меным кö Пила да чер, Муні ме вöрö Да пöрöді кер.   Тракторöн вайи Да лэпті выль керка. Лöсьöді пон, Шуам, Лыско ли Серко.   Юкмöс на кодйи Да тшупи на пывсян: Ваыс мед матын И кор колö пывсян.

Кодöскö гöтырöн Босьті тшöтш дінö. Сöмын оз сетны мен Киö дзик нинöм.   Чер либö пурт – Ставсö дзебны мед эськö, Нинöм мед син улö Меным эз веськав.   Немтор ог уджав, Куш сёя да ола. Мый меысь быдмас, Дерт, тадзитö полан.

Г. Юшков

 

Урчитанъяс артмöм. Образование наречий Урчитанъяс артмöны эмакывъясысь, кывбердъясысь, нимвежтасъясысь, лыдакывъясысь, урчитанъясысь суффиксъяс либö суффикс пыдди мунысь кывъяс отсöгöн. · Эмакыв + выв, быд, тыр, йыв кывъяс Пример вылö: дор выв – подряд, ар быд – всю осень, лун тыр – весь день, дзир йыв – настежь · Кывберд, нимвежтас + -а суффикс Пример вылö: бур а – хорошо, гажа а – весело, пöс я – горячо, татшöм а – так, кутшöм а – как · Кывберд + пырысь суффикс пыдди мунысь кыв Пример вылö: рад пырысь – радостно, с радостью, скöр пырыс ь – гневно · Кывберд, лыдакыв + -öн суффикс Пример вылö: важ öн – давно, бур öн – по-хорошему, кык öн – вдвоём, дас öн – десятером · Лыдакыв + -ысь суффикс Пример вылö: куим ысь – трижды, три раза, сё ысь – сто раз, многократно · Урчитан + сюрö, кö, не, кодь суффикс пыдди мунысь кывъяс Пример вылö: кор сюрö – иногда, кöн кö – где-то, не ылын – недалеко, некытчö – никуда, уна кодь – многовато, сёр кодь – поздновато

 

   ..удж. Лыддьы да комиöд текстсö. Сет текстлы ним.

…

Недавно в наш класс пришёл новый ученик. Его посадили со мной за одну парту. Чтобы помочь ему освоиться, я на уроке стала ему тихо рассказывать о себе.

- Я хорошо пою, учусь в музыкальной школе. Я лучше всех девочек с нашего класса прыгаю через верёвочку. А ещё я быстро бегаю. Собираю наклейки и монеты.

Я рассказывала, рассказывала, а Юра всё молчал. Тогда я спросила:

- А что ты умеешь делать?

Юра сказал:

- Молчать и слушать учительницу.

 

…удж. Лыддьы да гöгöрво кывбурсö. Кутшöм профессияяс йылысь кыпöдö сёрнисö поэт?

Кодöн лоны?

Менам арлыд содö век – Лоö мем дас сизим. Кöні уджавны мем сэк, Вöчны мый и кыдзи? Колана работникъяс – Столяръяс да плöтникъяс! Мебель вöчны колö тöлк: Медводз вöчам керйысь пöв – пилиталам тьöсъяс, шыльыд мед да вöсни. Видзöд, мыйта выльöс вöчим пызан-улöс! Столярлы – лöсьыд, а инженерлы – бурджык. Мöда вöчны керка ме – велöдöй та уджö. Медводз чертита ме план, Тайö лоö сылöн бан – сійöс шуöны фасад. Тайö быдöн тöдны рад. Юрсö кöртöн вевттим тась – и вевтыс эм, и керка дась. Инженерлы лöсьыд кöть, а бурдöдчысьлы – бурджык. Челядь бурдöдны ме кужа – мый эм бурджык тайö уджысь?  «Чолöм, бур пиян! Коді висьö тіян?» Бурдöдысьлы лöсьыд, А шоперлы – бурджык.

Мед жö шопер лоа ме – велöдöй та уджö. Машина тöв моз юковтö, Он вермы сійöс сувтöдны. Ме шопер бур, гортöдзныд нуöда – гур. Шоперöн лоны лöсьыд, а лётчикöн – бурджык. Лои эськö лётчик ме – велöдöй та уджö.  «Качöд вай, мотор, да дыр, кыпыд горöн сьылігтыр, Ог шу уна кыв – вуджа гöра йыв, еджыд каля ногöн вуджа саридз вомöн». Лётчиклы лöсьыд, а матрослы – бурджык. Бур матросöн лоа ме – велöдöй та уджö. Менам шапка мышкын лента, сойын – мича якöр эм. Паськыд океанъяс веніг, ветлі таво гожöм ме.   Небöг видлалан кор тэ, аслыд юрад кольöд: став удж бур и лöсьыд, дерт, бöрйы – кутшöм колö!   В. Маяковский серти

 

? Кодöн тэ кöсъян лоны?

Мый колö вöчны, медым кöсйöмыд збыльмис?

 

…удж. Лыддьы, гöгöрво текстсö. Сет ним. Лöсьöд юалöмъяс. Текст серти да юалöмъяс отсöгöн лöсьöд висьт ас уджын водзмöстчысь морт йылысь.

…

Денис Рожков чужлöма 1976 воын Москваын. 1058 номера шöр школа помалöм бöрын пырöма велöдчыны МХАТ бердса театр-студияö Олег Табаковлöн мастерскöйö. Велöдчöмсö помалöм бöрын Денис заводитöма петкöдчыны том драматургъяс, режиссёръяс да актёръяс дорын. Удайтчöма ворсны Владимир Ленскийöс да Алёша Карамазовöс.

Том мортлы ковмöма уджавны телевидениеын корреспондентöн, монтажёрöн. Киноын карьераыс заводитчылöма мöд планса рольяссянь. Медводдзаысь киноын петкöдчöма 1990 воясö «Слепой» сериалын. «Глухарь» сериалын ДПС-ын уджалысь Денис Антошин роль ворсöм бöрын Денис Рожков лоис паськыда нималана актёрöн. Та бöрын ворсіс «Моя прекрасная няня», «Взрослые игры» киноясын, «День хомячка, или Русское счастье» да «Чайная церемония» спектакльясын. Актёрлöн удж том мортлы зэв ёна кажитчö.

Денис öти местаын дыр пукавны оз вермы, зэв варов да сибыд морт. Радейтö видзöдны важ сöветскöй кинояс, весиг чукöртö найöс. Радейтö лыддьысьны, торйöн нин А.С.Пушкинлысь, Ю.Лермонтовлысь, Н.Гогольлысь, М. Булгаковлысь, Ф. Достоевскийлысь да Д.Хармслысь гижöдъяс. Зэв ёна тöждысьö котыр вöснаыс.

Том актёр мöвпалö выль рольяс йылысь.

«Йöлöга» газетысь

 

… удж. Сетöм юалöмъяссö тэч сьöрсьöн-бöрсьöн, артмöд план. Сы серти гиж ас гижöд «Менам радейтана удж (профессия)».

Кöні велöдöны тайö уджас?

Мый вöчö тайö профессияа мортыс?

Кутшöм удж тэныд кажитчö?

Кутшöмöн колö лоны, медым уджавны …öн?

Мыйла воö сьöлöм вылад тайö уджыс?

Коді тіян котырысь уджалö …öн?

Кутшöм предметъяс колö бура велöдны школаын?

 

…удж. Лыддьы текстсö, юк абзацъяс вылö, комиöд да сет ним.

…

    Сыктывдинское общественное движение детей и молодёжи «Зарни зэр» работает с 25 сентября 2008 года. В это движения входят 552 человека. «Зарни зэр» помогают в работе Управление образования, Управление культуры, Сыктывдинская центральная библиотека, Центр народных ремёсел «Зарань», Ассоциация детских организаций Республики Коми. Они предоставляют общественному движению помещение, материально-техническую базу, помощь специалистов. А члены «Зарни зэр» проводят различные мероприятия, акции. Членами «Зарни зэр» разработана программа «Свой мир мы строим сами», основной целью которой является вовлечение молодёжи в социокультурную работу. Ребята из «Зарни зэр» участвовали в проекте «Школа лидеров», в конкурсе «Лидер 21 века», реализовывали собственные проекты. В «Зарни зэр» создан молодёжный пресс-центр, создаётся районная молодёжная газета «ПАЗЛ» и бесплатно распространяется по учебным заведениям и библиотекам района.

 

    П Дасьты да дорйы «Вöвлытöм удж» ичöт проект.

Проектлöн юкöнъяс:

I. Мöвпышт вöвлытöм удж.

II. Дасьты висьт план серти:

1. Кутшöм нимыс тайö уджыслöн?

2. Мый кутасны вöчны тайö удж вылас?

3. Кöні сійö ковмас?

4. Кутшöмöн колö лоны уджалысьыслы?

5. Мый бурыс и лёкыс тайö уджас?

6. Кутшöм тайö уджыс?

III. Лöсьöд вöзйöм (серпас, юöр, корöм).

IV. Дасьтысь дорйыны уджтö.

 

… удж. Лыддьы да гöгöрво кывбурсö. Вочавидз юалöмъяс вылö. Аддзы кывбурысь шусьöгъяс.

Эн кодкö вылö надеяöн ов …

Вын-эбöс мортлысь ошкывлісны тан,

И мичлун вöлі зарни серти дона,

Но медся вылö пуктывлісны коми

Шань киподтуй да кужöмлун, да сям.

 

Мед кусыньтіг эз баръёвтчы додь сюв,

Эз тшынöд пачыд, туисыд эз вияв,

Мед дозмöр кыйны сьöла лэч эн сиав,

Мед чер пусьыд эз чурвидз дойдан ув.

 

Мый вöчин, мöдысь вöчны мед эз ков.

Эн кодкö вылö надеяöн ов –

Стрöг синмöн ассьыд киподтуйтö аддзин.

А.Ванеев

? Мый серти донъялöны мортöс коми йöз?

Кутшöм тöдчанлуныс кывбурö пыртöм шусьöгъяслöн?

 

…удж. Лыддьы да гöгöрво висьтсö. Дасьты висьт аслад радейтана удж йылысь.

     Танюк велöдчö öкмысöд классын. Сылöн медрадейтана удж – ас киöн вöчасьöм. Нывка велöдчöм бöрын вöчö гортса удж, отсасьö мамыслы пусьыны да пыр жö пуксьö кысьыны.

Кутшöм сöмын кыöмтор Танялöн абу: и серпаса кепысьяс, и уна рöмöн мичмöдöм носкияс, и кыöм шапкаяс. Но медся ёна нывка радейтö кыны ковтаяс.

Медводз Таня дасьтö кажитчана шöрт, сiйöс позьö ньöбны вузасянiнысь. Нывкалы медъёна кажитчöны небыд югыдлöз да пемыдгöрд рöмъяс. Сiдзжö колö бöрйыны лöсялана сер, лыддьыны, уна-ö ковмас шöртыс. Нёль-ö- вит рытöн нывка кыö водзсö, шойччан лунö кыö мышсö, некымын лунöн – сосъяссö. Медбöрын став юкöнъяссö öтлаöн вурö. Со и вöчöмтор дась, позьö новлыны.

Автор?

…удж. Лыддьы да комиöд текст. Нöшта кутшöм чуймöдана да гежöда паныдасьлысь профессияяс йылысь тэ тöдан.

В современном мире насчитывается более сорока тысяч профессий. Ежегодно появляется пятьсот новых, и столько же исчезает. А велдь есть такие профессии, о которых мы даже не догадываемся.

Вот, например, профессия – слушатель.

В Японской столице Токио проживают около 30 миллионов людей.    Многие чувствуют себя одинокими. Видимо слишком быстрый темп современной жизни не оставляет времени на разговоры даже с близкими людьми. Это вызвало появление необычной профессии – слушатель. На углах некоторых улиц Токио сидят люди, которые готовы бесплатно внимательно выслушать монологи о наболевшем, не давая никаких полезных советов. К «слушателям» подходят смаые разные люди, в том числе психологи и даже священники.

     А в Антарктике есть очень редкая, но очень добрая профессия – переворачиватель пингвинов. В Антарктике рядом с аэродромами пингвины так сильно задирают голову на звук летящего самолёта или вертолёта, что некоторые из них падают на спину и встать самостоятельно не могут.

Для помощи любопытным птицам и появился «переворачиватель пингвинов». Он после каждого взлёта или посадки вертолёта ходит вокруг аэродрома и ставит бедных пингвинов на ноги.

         

…удж. Лыддьы да гöгöрво висьтсö.Сет ним. Дасьты некымын юалöм.

Ирина Александровна Степанова ичöтсяньыс зэв ёна радейтö понъясöс. Гортса Витта нима понйыскöд ветлöдлöмны Лесозавод посёлокса пон видзан клубö тренируйтчыны. Сíдз ныв велöдчöма кинологö. Пединститут помалöм бöрын босьтчöма уджавны Сыктывкарса аварийно-спасательнöй котырын кинологöн. Аварийно-спасательнöй котырö оз быд понйöс босьтны. Медводз сíйöс колö велöдны-дасьтыны. А тайö ыджыд да сьöкыд удж. Сэсся колö на и петкöдлыны ассьыд сямтö. Ирина велöдö ассьыс понъяссö корсьны уна судтаа киссьöм керкаысь да вöрын вошöм мортöс, отсавны сотчысь керкаысь петны йöзлы.

                                                                            М.Ладанов серти

 

… удж.