Вариант
I. Хоньна Михаилын «Улан бадм болхув» гидг үүдәврин тасрха айслулҗ умштн.
Кемр намаг
уга болсн цагт,
Күүкд мини,
медтн: би һазрт
Төрүц кевтшгов.
Хавртнь нарнур девшхүв,-
Теегин улан
бадм цецг болхув.
Кемр, намаг
уга болсн цагт,
Күүкд мини,
медтн: нанур хаврт,
Таньл, үзлән
дахулад иртн, күләнәв,
Теегин улан
бадмин нүдәр үзнәв.
II. Сурврмудт хәрү өгтн:
1. Хоньна Михаил кезә төрсмн?
2. Хоньна Михаилын төрсн һазр - усна нер чикәр заатн.
3. Эн үүдәврмүдин жанринь йилһтн:
«Адуч»
«Чи медхмч, Смоленскин һазр»
«Элст – Таңһчимм хотл»
«Эцкимм һазр»
«Миша Черный гиснь – бив!»
4. Хоньна Михаилын түрүн шүлгин неринь заатн.
5. «Чи медхмч, Смоленскин һазр» гидг үүдәвртән түүрвәч ямаран төр босхҗана?
5. «Эцкимм һазр» гидг үүдәврин учр-утхинь цәәлһтн.
III. «Бамб цецг» гидг төрәр ахр текст тогтатн, амн үгәр келҗ өгтн.
1. Бамб цецгин тускар тадн ю меднт?
2. Хальмг билгтнрәс кен, ямаран үүдәвр бамб цецгт нерәдҗ бичсмн?
3. Тадн хаврт өрк-бүләрн теегт һарч бамб цецгиг һәәхдвт?
Гч класс. Хальмг утх-зокъял
Вариант
I. Сән-Белгин Хасрин «Өнчн бөк» гидг үүдәврин тасрха айслулҗ умштн.
Өнчн бөк диилхд
Өмнәснь ицәд агслав,
Өргәд цоксна хөөн
Өврн бахтҗ зогслав.
Үрсд диилсн бөкин
Үнн һатлх зөвтә.
Түүг шүүгдсн улс
Түүмһҗ һутх лавта.
Сәәчүд дотрас босад
Сөрсәҗ Инҗр келв:
- Махсҗ ирсн, нохад
Мөрән өгхшив,- болв.
- Мөрн нанд керго.
Марһа авсм болх!
Диилсндм цуһар ханҗ,
Делкән арнзл унулх.
Делкән хурдн арнзлас
Давдг мөрн бәәхий?
Олнас босгсн бөкиг
Отгар нурһдад диилхий?
II. Сурврмудт хәрү өгтн:
1. Сән-Белгин Хасркезә төрсмн?
2. Сән-Белгин Хасринтөрсн һазр - усна нер чикәр заатн.
3. Эн үүдәврмүдин жанринь йилһтн:
«Өнчн бөк»
«Дольган»
«Бичкн ялч»
«Бурата һол деер»
«Харуңһуһас һарлһн»
4. «Өнчн бөк» гидг үүдәврин һол дүринь заатн.
5. «Өнчн бөк» гидг үүдәвртән түүрвәч ямаран төрмүд босхҗана?
6. «Ах-дү хойр» гидг үүдәврин учр-утхинь цәәлһтн.
III. «Хальмг улсин бөк бәрлдән» гидг төрәр ахр текст тогтатн, амн үгәр келтн.
1. Хальмг улсин бөк бәрлдәнә тускар тадн ю меднт?
2. Хальмг баатрмудын кезәңк марһана тускар хальмг бичәчнрәс кен, ямаран үүдәвртән бичсмн?
3. Тадн бөк бәрлдәһәр соньмсдвт?
Гч класс. Хальмг утх-зокъял
Вариант
I. Сусен Аксена «Теегин үрн» гидг үүдәврин тасрха айслулҗ умштн.
«Ааку гидгчн - өвәрц,
Акад күн. Көшхш.
Киитн күчр гиҗ
Көл, һарнь даархш.
Цаста ус уучкна.
Цохднь цаң буучкна.
Сувсн өңгтә «шуһрмг»
Сахлын үзүртнь шавшлдна.
Халун, күчтә чавчлданд
Хойр үлд авчкна.
Нег үлдәрн чавчна,
Нег үлдәрн хатхна.
Дөрвдгч дивизин толһач -
Дурта теегин үрн.
Мөрн корпусин дундан
Маңна нүүртнь йовна.
Харцх шовуна хәләцтә,
Харадан җивр сахлта,
Бүргд шовуна шүүрлһтә,
Барана занчнь делсәтә…
II. Сурврмудт хәрү өгтн:
1. Сусен Аксенкезә төрсмн?
2. Сусен Аксенатөрсн һазр - усна нер чикәр заатн.
3. Эн үүдәврмүдин жанринь йилһтн:
«Зөргин хаалһар»
«Теегин үрн»
«Юрий Клыков»
«Төрскн тег»
«Хомутниковин туск ухаллһн»
4. Сусен Аксена нуувч неринь заатн.
5. «Теегин үрн» гидг үүдәврин һол төрнь заатн.
6. «Юрий Клыков» гидг үүдәврин учр-утхинь цәәлһтн.
III. «Теегин алдр үрд» гидг төрәр ахр текст тогтатн, амн үгәр келҗ өгтн.
1. Залу-зөргәрн алдршсн хальмгбаатрмудын тускар ю меднт?
2. Залу-зөргәрн алдршсн баатрмудт нерәдгдсн үүдәврмүд заатн.
3. Баатр улсин туск ямаран тууҗс өрк-бүлдтн хадһлгдна?
Гч класс. Хальмг утх-зокъял
Вариант
I. Шугран Веран «Делгә Эрднь» гидг үүдәврин тасрха айслулҗ умштн.
Тең һол харсач
Теегин үрн Эрдни,
Зун баатрла әдл,
Зөргтә гисн сержант.
Мергн хаһач төвлв,
Немшин машин шатв,
Мана Эрдни давтв,
Нитгрҗ утан бүслв.
Бүркг хар теңгрәс
Бомб күрҗңнҗ унна,
Баатр Эрдни немшүр
Болд суман илгәнә.
Коммуна партин даалһвр
Коммунист Эрднь күцәв.
Энүг Алтн Одар
Эк - Төрскнь ачлв.
II. Сурврмудт хәрү өгтн:
1. Шугран Веракезә төрсмн?
2. Шугран Верантөрсн һазр - усна нер чикәр заатн.
3. Эн үүдәврмүдин жанринь йилһтн:
«Мини Төрскн»
«Улан өөдм»
«Делгә Эрднь»
«Түрүн хоңх»
«Хальмг күүкн»
4. Шугран Веран бичсн ямаран дуд тадн меднәт?
5. «Мини Төрскн» гидг үүдәврин чинр-утхинь цәәлһтн.
6. «Мини балһсна уульнц» гидг хураңһуд ямаран үүдәврмүд орсмн?
III. «Хальмг Таңһчин частр» гидг төрәр ахр текст тогтатн, амн үгәр келҗ өгтн.
1. Хальмг Таңһчин частрин үгинь кен бичсмн?
2. Хальмг Таңһчд ямаран белгдлмүд бәәнә?
3. Хальмг улс бийән «Улан залатнр» гиҗ юн учрар нерәднә?
Гч класс. Хальмг утх-зокъял
Вариант
I. Эльдшә Эрднин «Зая-Пандит, эс гиҗ Әдстә Ном» гидг үүдәврин тасрха айслулҗ умштн.
Зая – Пандит:
Ээҗин келнәс дотань
Эн орчлңд бәәхий?
Һарлцсн келнәс эңкрнь
Һазр деер олдхий?
Бичг ясрулхин тускар
Урднь кесгтән ухаллав.
Белдврин көдлмш ода
Урмдтаһар күцәҗ бәәнәв.
Хуудм келнд орчулсан
Хәрү ясх кергтә.
Деернь чигн орчулх
Дала зокъялмуд бәәнә.
Адһҗ, эркн орчулх
Үнтә зокъялмуд заахла:
«Алтн герл», «Дорҗ җодв»,
«Үлгүрин дала», «Зуңкван тууҗ» …
II. Сурврмудт хәрү өгтн:
1. Элдшә Эрднькезә төрсмн?
2. Элдшә Эрднинтөрсн һазр - усна нер чикәр заатн.
3. Эн үүдәврмүдин жанринь йилһтн:
«Аавин һанз»
«Улан өөдм»
«Зая-Пандит, эс гиҗ Әдстә Ном»
«Хавр»
«Ээҗин зовлң»
4. Элдшә Эрднин түрүн дегтрнь яһҗ нерәдгднә?
5. «Зая-Пандит, эс гиҗ Әдстә Ном» гидг үүдәвртән түүрвәч ямаран төрмүд босхҗана?
6. «Эээҗин зовлң» гидг үүдәврин учр-утхинь цәәлһтн.
III. «Зая-Пандит – алдр номт» гидг төрәр ахр текст тогтатн, амн үгәр келҗ өгтн.
1. Зая-Пандитын тускар тадн ю меднт?
2. Зая-Пандитын дүр хальмг билгтнрин альк үүдәврмүдт үзүлгдсмн?
3. Өөрд-хальмгин тууҗд тод бичг ямаран чинр зүүнә?
