БОЛАШАҚ» БАҒДАРЛАМАСЫ

Біз, осы заманғы білім беру жүйесін белсенді түрде дамытып, білікті мамандар даярлап шығаруымыз қажет. «Болашақ» бағдарламасының қол жеткізген табыстары негізінде, елімізге шет елдің ең үздік деген мамандарын тартумен қатар, шетелде оқитын Қазақстандық студенттеріміздің білім алуын қамтамасыз ететін ұзақ мерзімді мемлекеттік бағдарламаларды іске асыру мәселесіне ерекше назар аударуымыз керек.

Бізге Қазақстанды алға бастайтын, бүгінгі заман талабына сай білімді азаматтар қажет. Сонымен қатар, бізге әлемнің ең беделді оқу орындарын бітіріп, сол елдің тілін жетік меңгерген, халқымен еркін байланыс құра білетін түлектер керек. Олар еліміздің дамуы үшін жаңа технология жүйесін әкеледі. Бізге жаңа ғылым қажет, бізге білімді адамдар қажет. 21 ғасыр – бұл білім бәсекелесі, сондықтан мен тәуелсіздігіміздің алғашқы күндерінен бастап-ақ, «Болашақ» бағдарламасын құруды жөн деп шештік. Бүгінде 800 жуық жас қыздарымыз бен жігіттеріміз шетелдерден бітіріп келіп, еліміздің экономика саласында қызмет атқаруда.

Мемлекетіміз тарапынан қолдау көрсеткен жағдайда ғана, жастарымыз тұрақты, әрі өмірдегі орны мен бағытын нақты анықтай алады. Жастарға өте сапалы шетелдік білім беруге жағдай жасау- мемлекеттік жастар саясатының басым бағыты болуы тиіс.

1993 жылдың 5 қарашасында Қазақстан Республикасы Президенті Н.Ә.Назарбаевтың жарлығымен халықаралық «Болашақ» шәкіртақысы бекітілді. Бұл бағдарламаны құрудың негізгі мақсаты-дарынды жастардың сапалы білім алуын қамтасыз етіп, шетелде алған білімдерін елдің жарқын болашағы үшін жұмсауына мүмкіндік туғызу.
1994 жыл мен 2004 жылдары аралығында «Болашақ» бағдарламасы шеңберінде 800 шәкіртақы тағайындалды. Бұл «Болашақ» түлектерінің қызмет сатысындағы жетістіктері мен кәсіби шеберлілігін арттыруды қамтамасыз етті. Бұған бағдарлама бойынша оқуын бітіріп келген, бүгінде мемлекеттік қызметте, жергілікті және орталық қызмет атқару органдарында, халықаралық мекемелер мен өкілдіктерінде, түрлі ұлттық компанияларда, акционерлік және қаржы, білім саласында қызметін өткізуді ұйымдастыру шараларын, 2005 жылғы Елбасымыздың бүкіл халыққа арнаған жолдауын жүзеге асыру мақсатындағы Қазақстан Республикасы Үкіметінің №301 жарлығымен 2005 жылдың 4 сәуірінде құрылған «Халықаралық бағдарламалар орталығы» қамтамасыз ете бастады.
Алғашқы рет жоғарғы арнаулы білім мен бакалавриат дәрежесінде білім алғысы келетін үміткерлер үшін шәкіртақы бөлінді. Сонымен қатар, бірінші рет бағдарламаның білім беру аясы кеңейді. Үміткерлер енді АҚШ, Ұлыбритания, Германия, Ресей, Австралия, Австрия, Венгрия, Дания, Испания, Италия, Канада, Китай, Малайзия, Нидерланды, Жаңа Зеландия,

Норвегия, Польша, Сингапур, Финляндия, Франция, Чехия, Швеция, Швейцария, Оңтүстік Корея мен Жапония жоғарғы оқу орындарында білімдерін жетілдіре алады.

Қазақстан Республикасы Президенті Н.Ә. Назарбаев

 

Тапсырмалар.

1. Мәтінді оқып аударыңыз.

2. Төмендегі сөз тіркестерін орыс тіліне аударыңыз.

Білім беру жүйесі, білікті мамандар, мемлекеттік бағдарлама, заман талабына сай,

жетік меңгерген, байланыс құру, түлектер, білім бәсекелесі, жастар саясаты, дарынды жастар, кәсіби шеберлік.

3. Мәтінге жоспар құрыңыз. Жоспар негізінде мәтінді ауызша баяндап беріңіз.

4. Мәтін мазмұнын түсінгеніңізді дұрыс жауабын «шын» немесе «жалған» таңдай отырып, дәлелдеңіз.

ЭКОЛОГИЯ

Экология - (гректің olkos - үй, тұрақ, тұрғын орын және logos - ілім деген сөздерінен шыққан) - тірі организмдердің айналадағы ортамен қарым-қатынасы туралы ілім. Экология - ортаның өсімдіктер мен жануарлар организміне, сондай-ақ олардың ортаға тигізетін әсерін зерттейді. Экология орман өсіру, ауыл шаруашылығы, балық аулау, аңшылық шаруашылықтарының проблемаларын шешуге жәрдемдеседі. Экология - практикамен тығыз байланыста дамиды (егіншілікті дамыту, тың жерлерді игеру, егін қорғау алқаптарын өсіру, селекция, топырақ эрозиясына қарсы күрес, су көздерін таза сақтау). Экологияның бір бөлімі - табиғат қорғау.

Тапсырмалар.

1. Мәтінді оқыңыз, жаңа сөздерге көңіл бөліңіз.

2. Мәтін бойынша бірнеше сұрақтар құрастырыңыз.

3. Септеулік шылауларды конспектілеңіз.

 

Ұсынылатын әдебиеттер:

1. Күзекова З. С. Қазақ тілінің практикалық курсы (гуманит). Алматы: Ғылым, 2001.

2. Бектұров Ш.К., Бектұрова А.Ш. Қазақ тілі (Ана тілі деңгейінде үйрету құралы). Алматы, 1998.

3.Түймебаев Ж. Қазақ тілі (Грамматикалық анықтағыш). Алматы, 1991.

4. Аяпова Т. Қазақ тілі (Негізгі оқулық, үй кітабы, мұғалім кітабы). Алматы, 1998.

 

СӨЖ арналған бақылау тапсырмалары (5-тақырып) [қосымша14,15,17, 20]

1. «Қазақстанның білім беру жүйесі» тақырыбына шығарма жазу.

2. «Болашақ» бағдарламасы тақырыбына әңгіме жазу.

3. Экология тақырыбына реферат жазу. Слайд жасау.