Акционерлік қоғам
| АЛМАТЫ ЭНЕРГЕТИКА ЖӘНЕ БАЙЛАНЫС УНИВЕРСИТЕТІ |
Электртехниканың
теориялық негіздері кафедрасы
ЭТН-2. ҮШ ФАЗАЛЫ ЭЛЕКТР ТІЗБЕКТЕРІН ЖӘНЕ СЫЗЫҚТЫ ЭЛЕКТР ТІЗБЕКТЕРІНДЕГІ ӨТПЕЛІ ПРОЦЕСТЕРДІ ЕСЕПТЕУ
№ 1-3 есептік - сызбалы жұмыстарға арналған әдістемелік нұсқаулар мен тапсырмалар
5В071800 - электр энергетика мамандығының студенттері үшін
Алматы 2014
Құрастырушылар: М.М. Аршидинов, А.И.Нурова. ЭТН 2. Үш фазалы электр тізбектерін және сызықты электр тізбектеріндегі өтпелі процестерді есептеу. № 1-3 есептік - сызбалы жұмыстарға арналған әдістемелік нұсқаулар мен тапсырмалар - (бакалвриат, 5В071800 -электр энергетика мамандығының студенттері үшін) Алматы: АЭжБУ, 2013 15 –б.
Есептік – сызбалы жұмыстарында ЭТН2 курсындағы мынандай тақырыптар бойынша: «Үш фазалы тізбектер» және «сызықты электр тізбектеріндегі өтпелі процестер» әдістемелік нұсқаулар мен тапсырмалар келтірілген. Есептік – сызбалы жұмыстар екінші курс студенттеріне арналған, 5В071800 – Электроэнергетика бакалавриат мамандықтары үшін.
Без. 54, кесте. 9, библиогр. - 5 атау.
Пікір жазған: АЖЖАӨҚ кафедрасының профессоры, техн.ғыл.докторы К.К.Жумагулов
Алматы энергетика және байланыс университетін 2014 жылғы жоспары бойынша басылады.
©Алматы энергетика және байланыс университеті, 2014ж.
МАЗМҰНЫ
Кіріспе......................................................................................................................4
1 №1 тапсырма. Статикалық жүктемелі үш фазалық токтың тізбегінің симметриялы және симметриялы емес режимдерін есептеу......................................................................................................................5
2 №2 тапсырма. Үш фазалық тізбектің симметриялы емес режимдерін симметриялық құрастырушылар тәсілімен есептеу …….……….……………..8
3 №3 тапсырма. Сызықты электр тізбектеріндегі өтпелі процестерді
есептеу......……………………………............................................................….11
Әдебиеттер тізімі...................................................................................................14
Кіріспе
«Электротехниканың теориялық негіздері» (ЭТН) курсын оқығанда есептік - сызбалы жұмыстар (ЕСЖ) оның маңызды компоненті. ЕСЖ-ң орындау студентке теориялық жағдайларды практикалық есептеу жасағанда қолдануға, электр тізбегін өз бетінше талдап үйренуге, ал олар ЭТН курсын жақсы меңгеруге көмектеседі.
Есептік - сызбалы жұмыстарын орындағанда мына шарттар орындалуы керек:
- міндетті түрде өз нұсқаңды таңдап алуы керек, нұсқаны таңдап алу үшін студенттің студент кітапшасының соңғы екі санымен тегінің бірінші әріпі қажет, тапсырманың тексін ЕГЖ-ның түсініктемесінде қысқартусыз көшіріп жазылуы керек;
- ЕСЖ-ның әр тарауына атау беру керек, жұмысты қағаздың бір жақ бетіне орындау керек;
- түсініктемеде есептеу формулалары мен соңғы нәтижесін ғана емес, сонымен бірге оларды тексеруге мүмкіндік беретін арасындағы есептеулерді де көрсету керек;
- титулды бетте студенттің аты-жөні, тобы және нұсқасыміндетті түрде көрсетілуі керек;
- есептеліп отырған параметрлер үшін сәйкесінше өлшем бірлігін жазу керек, комплекстің үстіне нүкте қою қажет;
- түйіндердің, параметрлердің, резисторлардың, индуктивтіктердің, сыйымдылықтардың аттарын, тоқтың және кернеудің оң бағыттарын өзгертпеу керек;
- лездік шамалардың қисығы, векторлық, топографиялық, шеңберлік диаграммалар қосымша жабыстырылған миллиметрлік немесе торлы қағазда орындау керек;
- графикте көрсетілген шамалардың аттарын жазу керек. Масштабты графикпен немесе диаграммамен жұмыс істеу ыңғайлы болатындай етіп таңдау керек. Түсініктемеде сұлбаларды сызғыш, циркулді қолдана отырып, қарындашпен орындау керек;
- қолданылған әдебиеттің тізімін келтіру керек.
тапсырма. Статикалық жүктемелі үш фазалық ток тізбегінің симметриялы және симметриялы емес режимдерін есептеу
Фазалық ЭҚК-і ЕФ, әр сымының кедергісі Zпр болатын үш фазалық симметриялық генераторға фазалық кедергілері Z1-мен жұлдызша жалғанған, ал фазалық кедергі Z2-мен үшбұрышты жалғанған екі симметриялық қабылдағыш қосылған. (1.1 сурет) Генератордың фазалық ЭҚК мәндері және тізбектің параметрлері 1.1, 1.2, 1.3 кестелерінде келтірілген.
Келесі тапсырмаларды орында:
а) сұлбада (1.1 сурет) бүкіл үш фазалық тізбектің активті қуатын есептеу үшін екі ваттметр қосу
б) Берілген нұсқаға сәйкес есепте: жүйенің сымдарындағы және қабылдағыштардың фазаларындағы тоқтарды; қабылдағыштардың фазалық кернеулерін; ваттметрлердің көрсетулерін және активті, реактивті, толық қуаттарды; үш фазалық тізбектің үш жұмыс режимі үшін векторлық диаграмма құр:
1 симметриялық режим;
2 жүйе сымының біреуі үзілгенде;
3 қабылдағыштың бір фазасы үзілгенде.
 |
1.1 - сурет
