Знайдзіце адгадку на малюнках у падручніку. Назавіце іншых жывёл — герояў казкі. Ці ведаеце вы падобную казку?

Урок 12

Тэма урока: Я і мае сябры Беларускія гульні

Мэты:

· выпрацоўваць вымаўленчыя навыкі, пазнаёміць са словамі і выразамі па тэме,

· фарміраваць уменні асэнсаванага ўспрымання беларускай мовы на слых;

· выхоўваць сяброўскія адносіны паміж вучнямі класа.

Абсталяванне: падручнік, сшытак, каляровыя алоўкі, фламастары.

Ход урока

І. Маўленчая размінка

1) Паслухайце словы. Паўтарайце іх за мной хорам:

вочы, круціць, стракаты, шоўк, уночы, хадзіць, кураняты, пеўнік.

— Як трэба вымауляць гук [р]? Як трэба вымауляць гук [ў]? Паўтарыце словы з гукам [ў] (хорам і індывідуальна).

Як трэба вымауляць гук [ц']? Паўтарыце гук [ц'] (хорам і індывідуальна).

Паслухайце верш. У якую гульню гулялі куркі?

Захацелі куркі пагуляць у жмуркі.

Раніцай за хатаю бегаюць стракатыя.

Завязалі пеўню вочы

шоўкавай травою,

стала цёмна, як уночы,

круціць галавою.

Ходзіць певень каля хаты

і ўздыхае горка:

зніклі нават кураняты

некуды з падворка.

С. Грахоўскі.

— Як называецца гульня, у якую гулялі куркі? Каму завязалі вочы? Чаму ўздыхаў певень?

3) А цяпер вывучым першыя чатыры радкі. Паўтарайце хорам. (Паўтарэнне вучнямі чатырох першых радкоў верша ўслед за настаўнікам.)

II. Лексічная праца

Дамінуючы лексічны матэрыял: гульня, хованкі, карагод, бегчы, спяваць, хавацца, вадзіць, жмурыцца, лічылка.

1) Які занятак у дзяцей самы любімы?

Вось сёння і пагаворым, ці ўмееце вы гуляць і ў што вы гуляеце. Якія гульні (игры) вы ведаеце?

Разгледзьце малюнкі ў сшытку (на дошцы)? У якія гульні гуляюць дзеці? Па якіх прыметах вы пазналі гэтыя гульні? Раскажыце, як гуляюць у хованкі? У карагод? Малюнак, на якім намалявана гульня ў карагод, абвядзіце зялёным алоўкам. Малюнак, на якім намалявана гульня ў жмуркі, абвядзіце сінім алоўкам. Малюнак, на якім намалявана гульня ў хованкі, абвядзіце чырвоным алоўкам.

2) Каго спачатку выбіраюць, калі гуляюць у жмуркі? Што трэба ведаць, каб выбраць жмурку? Хто з вас ведае лічылку(считалку)? Паслухайце лічылкі:

Выпалі з сумкі

Пятро, Пятро,

салодкія гумкі

Падай вядро.

Хто знойдзе —

Карове піць —

Той жмурыць пойдзе.

Табе жмурыць.

— Вывучым адну з лічылак. Палічыцеся ў парах.

3) Давайце пагуляем у беларускую народную гульню «У ката». Спачатку лічэннем выбіраецца кот (адзін з вучняў, вызначаны настаўнікам, лічьщь дзяцей, выкарыстоўваючы вывучаную лічылку). Потым усе дзеці становяцца ў адзін рад, а насупраць стаіць выбраны лічэннем кот. Усе скачуць і прыгаворваюць:

Тра-та-та, тра-та-та,

Не баімся мы ката!

Кот робіць выгляд, што не звяртае на дзяцей увагі, а потым раптоўна робіць выпад у іх бок. Усе заміраюць на месцы. Хто зварухнецца ці засмяецца, пераходзіць да ката.

Гульня «У мядзведзя ў бары». Аднаго з удзельнікау гульні лічэннем выбіраюць «мядзведзем». «Мядзведзь» ходзіць па сваім лесе, шукае, хто яму робіць шкоду (вред). Дзеці прыходзяць у лес па ягады, грыбы. Яны ходзяць і разам спяваюць (поют) песню:

У мядзведзя на бару

Грыбы, ягады бяру.

Мядзведзь рычыць,

На нас глядзіць.

Дзеці могуць некалькі разоў праспяваць сваю песню. «Мядзведзь» выбірае зручны момант, каб кінуцца на іх. Ён бяжыць за дзецьмі, стараецца каго-небудзь злавіць. Хто будзе злоўлены першым, той становіцца «мядзведзем». Гульня працягваецца да тага часу, пакуль дзецям не надакучыць бегаць.

III. Аўдзіраванне

Гульні не толькі прыносяць радасць дзецям, але і дапамагаюць у складаных умовах (абставінах). Пра гэта вам дапаможа даведацца казачнік Бай.