Арапайым математикалық ұғымдарды қалыптастыру. Жиынтық сапасы бойынша әртүрлі заттардан тұратындығы туралы түсініктерін жетілдіру.

Жиынтық

Жиынтық сапасы бойынша әртүрлі заттардан тұратындығы туралы түсініктерін жетілдіру.

Осы заттардың сыңарларын қою негізінде салыстырып, теңдігін немесе теңсіздігін анықтау іскерліне жаттықтыруды жалғастыру.

Сан және есеп

5-ке дейін тура және кері санауды жетілдіру.Теңдікті кем топқа үстемелей отырып немесе артық топтан бір затты алып тастай отырып, екі тәсілмен орнатуға, «Қанша еді?»,

«Қаншасы қалды?» сұрақтарына жауап беруге үйрету. Топтарды салыстыру негізінде сандық мәндерді дұрыс талдап қорыта білуді дамыту.

Әртүрлі сезім мүшелерінің көмегімен санау дағдысын дамытуды жалғастыру(көру, есту, иіс сезу).

Көлем

Ұзындығы, ені, биіктігі, жуандығы бойынша беттестіру және тұстастыру арқылы екі қарама-қарсы және бірдей заттарды салыстыру дағдысын бекіту.

Геометриялық пішіндер

Геометриялық пішіндерді; шеңбер, шаршы және үшбұрыш тану және атау, пішіндердің пішінін сипап-сезу және көру тәсілдерімен зерттеу.

Кеңістікте бағдарлау

Өзінің дене бөліктерінің орналасуын бағдарлау дағдыларын бекіту, өзіне тікелей жақын кеңістік бағыттарын анықтау.

Уақытты бағдарлау

Тәуліктің қарама-қарсы бөліктерін анықтау және тану дағдыларын қалыптастыру.

Күтілетін нәтижелер:

- тәулік бөліктерін: таңертең, күндіз, кеш, күндер: бүгін, кеше, ертең, жылдам, баяу ұғымдарын атайды;

- өзіне қатысты кеңістіктегі заттардың орналасуын анықтай алады;

- жасалған әрекеттердің көмегімен түрлі мәселелерді шешудің әдістерін табады, қарапайым байланыстарын анықтай алады.

 

Растыру

Құрылыс материалдарынан құрастыру

- құрылыс материалдарының негізгі бөліктерін, олардың бөлшектерін атауға үйрету, оларды көлемі, түсі бойынша ажырата білуге баулу;

- құрастыру кезінде сәйкес белгілері бойынша біріктіре білу және онымен ойнай отырып шығармашылық қиялдау дағдыларын қалыптастыру.

Ұжымдық құрастыруға баулу

Дағдыларды бекіту:

- олардың құрылымдық қасиеттерін ескере отырып пайдалану, құрылыс бөлшектерін ажырату және атау;

- жеке және ұжымдық іс-әрекет дағдыларын бекіту, құрылысты жалпы оймен біріктіру;

- құрдастар арасында міндеттерді бөлісу;

- қағаздан орамдар, жиектер, кесектер жасау;

- бөлшектерді өзара желімдеу, композиция құрастыру;

- әртүрлі «пластик» түріндегі үлгілер жасау;

- қағаздан «оригами» типі бойынша қарапайым пішіндер құрастыру.

Табиғи және қалдық материалдардан құрастыру

Балаларды қалдық материалдардан бұйым жасауға баулу. Бөліктерді біріктіру үшін желімді пайдалану. Шығармашылық қиялдауды дамыту, көрнекілікке сүйене отырып зат жасау.

Конструктор бөліктерінен құрастыру

Конструктормен ойындар үшін құрылыстарды құру дағдыларын жетілдіру, бөлшектерді бекіту мен құрылыстарды құру тәсілдерін жетілдіру.

Күтілетін нәтижелер:

- заттарды атайды және ажыратады, олардың көлемін, түсін, пішінін, жасалған материалын анықтайды, оларды топтастыра алады;

- құрылыс бөлшектерін ажырату және атау, олардың құрылымды қасиеттерін ескере отырып пайдаланады;

- өзінің құрылыстарын тұрғызып, ойнайды.

 

Жаратылыстану

Өлі табиғат заттары мен құбылыстары.

Табиғат құбылыстары туралы түсініктерін қалыптастыру, өлі табиғат нысандары туралы білімдерін байыту.

Табиғаттағы маусымдық өзгерістер

Көктем,қыс,жаз,күз мезгілдерінде табиғатты бақылау дағдыларын дамыту.

Табиғаттағы ауа райының жағдайларын бақылау және бақылаулардың нәтижелерін табиғат күнтізбесіне белгілеу дағдыларын жетілдіру.

Өсімдіктер әлемі

Балабақша ауласындағы және маңайдағы өсімдіктер туралы білімдерін бекіту, оларды ажыратып,атауға үйрету.

Көкөністер мен жемістердің 4-5 түрін, бөлме өсімдіктерін, ағаштар мен бұталарды танып, атай білу дағдыларын бекіту.

Білімдерін қалыптастыру:

- көктем мезгілінде өсімдіктердің тіршілігі туралы;

- шөптесін өсімдіктер (4-5 түрін), жидектер, саңырауқұлақтар туралы;

- орманда, бақшада, далада өсетін өсімдіктер туралы;

- пияздың және шөптің бөлме жағдайында өсуі туралы;

- өсімдіктер әлеміне қамқорлықлық жасауға баулу.

Жануарлар әлемі

Үй және жабайы жануарларды ажыратып, атай білу дағдыларын бекіту. Табиғат бұрышындағы тірі нысандар мен өсімдіктерге күтім жасау дағдыларын жетілдіру.

Көктем, жаз мезгілінде жануарлардың тіршіліктері туралы түсініктерін жетілдіру. Жәндіктердің түрлері, олардың тіршіліктері туралы түсініктерін кеңейту.

Кейбір бауырымен жорғалаушылар туралы түсініктерін қалыптастыру; қос мекенділер туралы білімдерін бекіту.

Табиғатта өзін ұстай білу ережесі

Табиғатта өзін ұстай білу ережесімен таныстыруды жалғастыру және табиғат бұрышындағы жануарлар мен өсімдіктерге күтім жасауға көмектесуге ынталандыру.

 

Күтілетін нәтижелер:

- үй жануарларын және олардың төлдерін, кейбір жабайы жануарлардың түрлерін атайды;

- бөлме өсімдіктерінің маңызы туралы түсініктерге ие;

- табиғаттағы маусымдық өзгерістерде қарапайым байланыстарды орната алады;

- өсімдіктерді көлеміне, пішініне, жапырақтарының түсіне, сабақтарының құрылымы бойынша салыстыра алады;

- көкөністер мен жемістердің 4-5 түрін, бөлме өсімдіктерін, ағаштар мен бұталарды біледі,үй және жабайы жануарлардың сыртқы ерекшеліктерін, ересектер мен сәбилердің мінез- құлықтарын біледі;

- табиғат бұрышындағы тірі нысандар мен өсімдіктерге күтім жасай алады;

- көктем, жаз мезгілінде жануарлардың тіршіліктері туралы түсініктерді игерген;

- жәндіктердің түрлерін, кейбір бауырымен жорғалаушылардың түрлерін ажыратады және атайды, олардың тіршілік етуі жайлы біледі;

- табиғатта өзін ұстау ережесін біледі.