зева своего. Господи, буди мой помощник и заступник, не закосни.

Молитва 10

Яко на Тя Господи, уповаю, не погибну во век. Егда будеши судити люди Твоея, и вси удаляющыяся от Тебе погибнут, да не отвержен буду аз уничиженный бедный. Праведен бо еси Судия, смиряеши и возносиши. Страшен еси: и кто постоит противу Гнева Твоего; Ты еси Бог, творяй велия чудеса Един.

Молитва 11

Господи, яко же люди Твоея препитал еси хлебом в пустыни, и желания Своего не лишил их, тако и мене алчущаго да насытит Благодать Твоя, и скоро предварит Милость Твоя. Защитниче мой, посли мне хлеб слезный и горесть печали во время благопотребно и даждь от камене сладость меда, да восприиму внутрь мене услаждение. Боже, все смотряй и ведай праведных и грешных, Един Вышний, Сущий над всеми языки, помилуй мя и благослови мя, Законоположителю наш.

Молитва 12

Господи, остави нечестия сердца моего, и отпусти вся грехи моея, и спаси мя раба Твоего, Боже мой, уповающего на Тя. Боже, утвердивый церковь Твою на горах святых, приклони ухо Твое к молению моему. Рука Твоя да поможет мне, да не отвержен буду во смирении, но сохрани мя от сети ловящих, и от падения и беса полуденнаго.

Молитва 13

Боже мой, Царь Велий над всею землею, да процвету, яко финикс, насажден в Доме Господни, и яко кедр, иже в Ливане, умножуся в долготу дний: буди мне прибежище и помощь упования моего. Егда будеши судити землю в правости и люди Твоея в истине Твоей, да насыщуся Вечнаго Света со святыми, и веселия с правыми сердцем: да сохранит мя Десница Твоея и Мышца Святая твоея. Седай на херувимех, сотвори мя бытии пред Лицем Твоим во святыни и в веселии, да прихожду в незлобии сердца моего посреде дому моего, да не прильпне мне сердце строптиво, но да будут очи моея на верныя святыя Твоея, и да сяду с ними ходяй по пути непорочну, егда погубиши по суду от Града Твоего вся делающыя беззаконие.

Молитва 14

Господи, услыши молитву мою, и вопль мой к Тебе да приидет. Не отврати Лица Твоего от мене: в день оскорбления моего приклони ко мне Ухо Твое: милостив буди ми во всех делех моих и избави от погибели душу мою, исполни во благих желание мое.

Молитва 15

Презираяй на землю, и творяй ю трястися, изведый люди Твоея в радости, и избранныя Твоея в веселии, сотвори мене сохраняти суд и правду на всякое время. Изведи мя из тьмы и сени смертныя, да готовым сердцем воспою и пою Тебе. Сотвори со мною знамение во благо, ради Милости и Имене Твоего, да во светлостях святых в совете праведных и в сонме правых правда моя пребудет в век века, и рог мой вознесется в славе.

Молитва 16

Господи, внегда повелиши ми убогому возстати от земли, от гноища воздвигнеши нищаго, тогда благоугожду Тебе в стране живых и благословлю Тебе от ныне и до века. Разреши оковы моея и утверди мя в Щедротах Своих. Егда в скорби призову Тя Господи, услыши мя и даруй ми простор.

Молитва 17

Господи, положи мне Закон, да живу, и пути Правды Твоея взыщу выну. Вразуми мя и испытаю Закон Твой и сохраню его всем сердцем моим. Заблудих, яко овча погибшее, взыскав, сохрани душу мою.

Молитва 18

Сохрани, Господи, вхождение и исхождение мое от ныне и до века: да во Дворех Твоих станут нозе мои, во храме Иерусалима. К Тебе возведох очи мои и душу мою, к живущему на небеси: исхити душу мою от сети ловящих, да не простру к беззаконию рук моих. Исполни радости уста моя и язык мой веселия. Исполни желание мое во благо и благослови мя от Сиона, да вижу благая Иерусалима. Удали мя от беззакония, да будут Уши Твои, Господи, внемлющыя гласу моления раба Твоего. Да не вознесется сердце мое в гордости, ниже вознесутся очи мои: но да буду во смирении, дондеже обращу Место Господеви, селение Богу Иаковлю, идеже заповедал еси благословение и живот до века.

Молитва 19

В Селении Твоем, Господи, вознесу руце мои во святая, и благословлю Тя, судящаго люди своея и веселящагося о рабех Своих. Боже Богов и Господи Господивей, искуси мя, рыдающаго и молящагося ко храму святому Твоему, и испытай сердце мое, виждь мя и познай стези моея, и введи мя в живот вечный. Сохрани мя, Господи, и изми из руки грешнаго от всех беззаконий моих избави мя. Да исправится молитва моея, яко кадило пред Тобою. Изведи из темницы душу мою исповедатися Имени Твоему. Услыши мя, Господи, в Правде Твоей и не вниди в суд с рабом Твоим. Скоро услыши мя, Господи, да не оскудеет и да не исчезнет дух мой: зане ты еси Бог мой, Милость моея, и Прибежище мое и Заступник мой.

Молитва 20

Зиждай Иерусалима, яко велий еси и хвален зело и величия Твоего несть конца, возстави мя падшаго, разреши связаннаго, просвети темнаго. Егда же укрепиши вереи Врат Твоих, внутрь с сынами Твоими да водворюся. Яко же хвалят Тя Ангели и вся Силы Твоея в Царствии Небеснем, тако и аз, с ними веселяся со славою во Дворех Твоих Святых, тамо восхвалю и прославлю в кимвалях восклицания Имя Твое Святое, Хвальное и Царствующее в безконечныя веки веков. Аминь.

 

 

Для записи поминания своих имен

___________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Июль