Жұлдызбаева С.Е., Тлеуова С.Т.
«Бейорганикалық заттардың химиясы мен технологиясы» пәнінен студенттердің өзіндік жұмыстары бойынша
ӘДІСТЕМЕЛІК НҰСҚАУ
Шымкент – 2012
Ф.7.03--03
ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
М.ӘУЕЗОВ атындағы ОҢТҮСТІК ҚАЗАҚСТАН МЕМЛЕКЕТТІК УНИВЕРСИТЕТІ
«Бейорганикалық заттардың химиялық технологиясы» кафедрасы
Жұлдызбаева С.Е., Тлеуова С.Т.
«Бейорганикалық заттардың химиясы мен технологиясы»
пәнінен студенттердің өзіндік жұмыстары бойынша
ДІСТЕМЕЛІК НҰСҚАУЛАР
050720- «Бейорганикалық заттардың химиялық технологиясы»
мамандығының студенттеріне арналған
Оқу түрі: күндізгі, сыртқы
Шымкент - 2012
ОӘД 678.4(075.5)
ББК35.72 73
Құрастырғандар: Жұлдызбаева С.Е. «Бейорганикалық заттардың химиясы мен технологиясы»пәнінен студенттердің өзіндік жұмыстары бойынша әдістемелік нұсқаулар.- Шымкент: М.Әуезов атындағы ОҚМУ, 2012.- 36бет.
Әдістемелік нұсқау оқу жоспары мен «Бейорганикалық заттардың химиясы мен технологиясы» пәнінің типтік оқу бағдарламасының талабына сай құрастырылған және пән бойынша студенттердің өзіндік жұмыстарын орындауға арналған барлық қажетті мәліметтерді қамтиды.
Әдістемелік нұсқау 050720- «Бейорганикалық заттардың химиялық технологиясы» мамандығының студенттеріне арналған.
«Бейорганикалық заттардың химиясы мен технологиясы» пәнінен дайындалған студенттердің өзіндік жұмыстарын орындауға арналған әдістемелік нұсқауда пәннің теориялық қағидалары мен концепцияларын талдау әдістеріне үйрету, сирек және асыл металлдар алу технологиясымен танысу және әр модуль бойынша коллоквиум сұрақтары мен өзін-өзі тексеруге арналған тест қарастырылған.
Пікір берушілер:
Колесников А.С.- т.ғ.к., доцент «Электротермиялық үрдістердің технологиясы және металлургия» кафедрасының меңгерушісі
Барлыбаев М.Р. – т.ғ.к., доцент «КазНИИХимпроект» ЖШС-нің бас инженері
Ажиметова А.Б.- ХГТУ, т.ғ.к., ЕТСС кафедрасының доценті
БЗХТ кафедрасының мәжілісінде (хаттама № 16.05.12ж.) және «Химико-Технологиялық факультетінің әдістемелік комиссиясында (хаттама №9 25.05.12ж.) қаралып, баспаға ұсынылған.
М.Әуезов атындағы ОҚМУ әдістемелік кеңесі баспаға ұсынған (хаттама № 20121ж.)
© М.Әуезов атындағы Оңтүстік Қазақстан мемлекеттік университеті, 2012.
Шығарылымға жауапты С.Е.Жұлдызбаева
Мазмұны
Кіріспе............................................................................................................4
1 Студенттердің өзіндік жұмысының мақсаттары мен міндеттері..............5
2 Студенттердің өзіндік жұмыстарының формалары....................................5
3 Студенттердің өзіндік жұмыстарының қорытындыларын шығару..........5
4 Коллоквиум бағдарламасы..................................................................6
5 Өзін-өзі тексеруге арналған тест сұрақтары........8
Қолданылған әдеби көздер тізімі...............................................................25
Қосымшалар.................................................................................................26
Кіріспе
Жоғары деңгейдегі маман даярлау процесі студенттердің оқулықтарды, анықтамаларды, ғылыми журналдарды және әдістемелік нұсқауларды өздеріне оқуына және үйренуіне көп байланысты. Әрбір пәндер бойынша оқу жоспарында студенттердің өздік жұмысына (СӨЖ) арнайы сағат белгіленген.
Студенттердің өздік жұмыстарының бағыттары:
-ғылыми және техникалық әдебиеттермен жұмыс істеуді үйрену, библиотекалық фондардан ақпаратты өзінше іздеу, зерттеуші және жасампаздық қабілеттілігін жетілдіру;
-өзінің жұмыс оқу уақытын жоспарлауды және ұйымдастыруды үйрену;
-өздік жұмыс істеуіне берілген тапсырмаларды (үйге берілген, колоквиумға және зертханалық жұмысқа дайындалу, курстық (дипломдық) жобаларды т.б.) орындауда ізденушілікті (жаңалықты ұсыну) көрсету.
«Бейорганикалық заттардың химиясы мен технологиясы» пәнін оқытып үйретудің мақсаты сирек және асыл металдарды өндіру және қолданудың экологиялық аспектілерін жақсы меңгерген жоғары білікті мамандарды дайындау болып табылады. «Бейорганикалық заттардың химиясы мен технологиясы» пәнінен студенттердің өзіндік жұмыстарын орындауға арналған әдістемелік нұсқауда пәннің теориялық қағидалары мен концепцияларын талдау әдістеріне үйрету, белгілі бір тақырыптағы есептерді шығару, технологиялық процестердің негізгі аппараттарына технологиялық есептеулер жүргізіп, таңдау, технологиялық процестер немесе сирек және асыл металдар шикізатын өңдеу схемаларын құрастыру және әр модуль бойынша коллоквиум сұрақтары мен өзін-өзі тексеруге арналған тест қарастырылған.
Студенттердің өзіндік жұмысының мақсаттары мен міндеттері
«Бейорганикалық заттардың химиясы мен технологиясы» пәні бойынша студенттердің өзіндік жұмысы курсты анағұрлым терең меңгеру үшін, студенттерге творчестволық, өзіндік жұмыстарды, ғылыми-техникалық, әдістемелік әдебиеттер және лекция конспектілерімен жұмыс істеу дағдыларын қалыптастыру мақсатында жүргізіледі.
Студенттердің өзіндік жұмысының міндеті осы бағытталған курстың жеке бөлімдерін үйренуден тұрады. Студенттердің өзіндік жұмысы студенттерді емтиханға дайындап және арнайы курстарды оқу үшін іргетасты базаны құруы қажет.
Осы пән бойынша білім алу үшін студенттер лекциялар, машықтану сабақтарының материалдарын жақсы меңгеруі және ең бастысы әдебиеттермен өз бетінше жұмыс істеулері есептеледі.
Оқытушы студенттерге өздік жұмыстарын орындауға керек уақытын жоспарлауға жәрдемдесуі керек, яғни студенттерге сабақтан бос уақытты жоспарлау үшін төмендегі жағдайларды ескеру керектігін үйретеді:
-сабақтан бос уақытты оқуға, спортқа, жеке басының мәдени дамуына т.б. жағдайларға жоспарлау;
-әрбір пәндер бойынша өздік жұмыстарды орындауға берген уақыт мөлшерін анықтауға көмектеседі;
-әрбір өздік жұмыстарды тапсыру уақытын белгілейді (пәндер тапсырмаларын бақылау графиктері бойынша (ГКЗ)).
-пәндердің өздік тапсырмаларын орындаудың күрделілігін ескеру.
Әрбір пәндер бойынша берілетін өздік тапсырмалардың көлемі мемлекеттік білім стандарты және оқу жоспары бойынша анықталуы тиіс.
Бұл өздік жұмыстар (СӨЖ және ОСӨЖ) көлемі әрбір пәннің оқу -әдістемелік комплексінде (силлабус) және оқытушының жұмыс жоспарында көрсетілуі керек.
Студенттердің өздік жұмысының көлемі және құрамы жылда ғылым және техника жетістіктеріне және стандарттағы (оқу жоспарындағы) өзгерістерге байланысты толықтырылуы өзгеруі мүмкін.
