Глава IV. О подпищикех, и которые печати поддельшают 3 страница

138. А будет которой ответчик учнет у пристава укрыватися, и во дворе у себя не учнет сказыватися, и приставу, взяв с собою товарыщей, стеречь у двора его день и два и три. Да как тот ответчик сам, или человек его, или дворник з двора сойдет, и того ответчика, или человека его, или дворника, приставу взяв, привести в приказ, и сказати про него судьям, судьям его по тому же ве-лети дати на поруки к суду.

139. А будет пристав по приставной памяти ответчика, или его людей поймает у ворот его, или где на улице, и станет по нем просити поруки к суду, или поведет его в город, и тот ответчик, или человек его у пристава отобьются, и приставу в том месте, где они у него отобьются, являти на них окольним лю-дем, и имена окольним людем записав, подати в приказе судьям за своею рукою. А судьям велети теми окольними людьми сыскати. Да будет окольныя люди в сыску скажут, что они то видели, как тот ответчик и люди его у пристава отбилися, и судьям по того ответчика послати подьячего от места доброго, да с ним того же пристава, кто по него ходил, и велети им, не доходя его двора, взяти с собою понятых, тутошних сторонних людей, сколько человек пригоже, и с теми понятыми велети им итти к нему на двор, и на дворе ему приставную память вычесть, и выговорити ему, что он то учинил негораздо, от пристава отбилъся, и по приставной памяти поруки по себе не дал; а выговоря ему, велети его по приставной памяти приставу дати к суду на поруки, а бес поруки его не отпускати. Да будет он поруки по себе не даст и в город не пойдет, и в свое место не пошлет, учинится приставу силен, И отбивъся от пристава, с Москвы събежит в вотчину или в поместье, и у него взяти з двора людей его или дворника, и велети их дати на поруку, что им того своего боярина по-ставити в приказе на срок, и в том им дати поверстной срок по указу. Да будет те люди по себе поруки съберут, и им велети быти до сроку за поруками. Да будет тот их боярин для их в приказе объявится, и на него исцу дати суд по челобитной, а что он государева указу не послушал, поруки не дал, и отбивъся у пристава, с Москвы бегал, и за то ему учинити наказание, вкинути на неделю в тюрму, да на нем же велети исцу доправити проести и волокиты с того числа, которое в приставной памяти написано, неделю спустя, да по то число, как он на Москве обьявится, по гривне на день.

140. А будет по тех людех, которые после его взяты будут в приказ з двора его, поруки не будет, и тех его людей держати в приказе до тех мест, как он сам обьявится. А будет он не обьявится долгое время, хотя тем исца своего изволочити, а истец учнет бити челом, чтобы по него в поместье его или в вотчину послати пристава. И по него в поместье его или в вотчину послати пристава, и велети его приставу привести ко ответу к Москве с собою вместе за поруками, а как пристав к Москве его привезет, и ему за ослушание учинити наказание, что государь укажет, а исцу на него дати суд, и по суду указ учинити, до чего доведется, да на нем исцу доправити проесть и волокиты по гривне на день без суда, с того числа, как по него приставная память подписана, неделю спустя, да по то число, как его привезут к Москве, да на нем же велети доправити неделыцику езд по указу.

141. А будет тот ответчик у пристава и в деревне ухорониться, или учиниться силен, и приставу в его место привести с собою человека, или его хри-стиянина за поруками же. А будет у кого людей и христиан нет и взяти ему с собою будет не кого, и приставу о том в приказе подати доезд свой за своею рукою. А судьям по той доездкой памяти по того ослушника послати в другие иного пристава, а к воеводе в тот город, где тот ослушник живет, послати государева грамота, чтобы воевода на того ослушника приставу дал стрельцов и пушкарей и затинщиков, сколько человек пригоже, чтобы приставу было с кем такова ослушника изымати. Да как пристав того ослушника изымав, к Москве приведет, и тому ослушнику за его ослушание учинити наказание, бити батоги, да на нем же доправити исцу проесть и волокиты по указу и неделыциков езд без суда, и отдати исцу; а в и(ы)ску на него исцу дати суд, и по суду указ учинити, до чего доведеться. А будет такой непослушник учинит такъже и в треть-ие у пристава ухорониться, или учиниться приставу силен, а опосле того он сыщеться, и на нем исцов иск и проесть и волокита по указу, а приставу езд доправити без суда, и отдати исцу, да его же бити батоги,, и вкинута на месец в тюрму.

142. А будет по которого ответчика по исцову челобитью послан будет пристав с наказною памятию, в которой город или в уезд, или кого ответчика велят судьи сыскати на Москве по приставной памяти, и поставити к суду, или для какова ни буди дела, или к кому пристав, или сын боярской послан будет с государевыми грамотами, о каком деле ни буди, и тот, по кого послан будет пристав с наказною и с приставною памятию, или тот, к кому пристав послан будет с государевыми грамотами, учнет того пристава, или сына боярского бити сам, или велит кому его бити мимо себя людям своим или християном, или кому ни буди, или у него наказную и приставную память, или государевы грамоты отоимет и извдерет, и тем он приказных людей, от которых тот пристав послан будет, обезчестит, а сыщется про то допряма, и такова непослушника за государеву грамоту бити кнутом, и посадити в тюрму на три месецы, а недель-щику велеть на нем доправити безчестие и увечие против окладу въдвое.

А будет с тем недельщиком будут в понятых сторонняя люди, и тот, по кого тот неделыцик послан будет, и сторонних людей учнет бити и безчестити, и на нем по тому же велети приставу и сторонним людем доправити безчестие, да убытки их въдвое по сыску, что у кого взято будет.

А кто неделыцика или понятых побиет досмерти, а сыщется про то допря- I ма, и того убойца самого казнити смертию же, а кабальныя долги побитых взя-1 ти с поместья его и с вотчин и с животов.

А будет приставу или понятым учинится какое безчестие, или бой от людей I и от християн того, по кого тот пристав и понятые посланы будут, а самого его I втепоры не будет, а пристав или понятые в том учнут на него бити челом на! самого, а не на людей, ни на християн его, а он учнет сказывати, что он про то I ничего не ведает, и им в том дати суд. Да будет по суду и по сыску про то дело I сыщется допряма, что его люди и християне того пристава и понятых били, и| тем его людем и християном за то учинити наказание, бити кнутом, да на них| же доправити битым приставу и понятым убытки их въдвое по сыску.

143. А будет пристав или понятые на тех людей, по кого они посланы бу-* дут, такое дело, что их били и безчестили, или скажут, что они учинилися сил-ны, затеют напрасно, и сыщется про то допряма, что им те люди, на кого они учнут бити челом, никакова безчестия не учинивали, и за такое затейное ложное челобитье пристава и понятых бити кнутом, да на понятых же за то взяти в

государеву казну пени по два рубли на человеке, чтобы на то смотря иным неповадно было ни на кого напрасно бита челом и затевати.

144. А хоженого неделыцику в городе имати десять денег. А будет недел-
щик послан будет по общую ссылку, и ему хоженого взяти с ысца десять денег,
а с ответчика десять денег же, а болши того неделыциком хоженоцо не имати
ни которыми делы, и от поруки им посулов и поминков не имати и к суду ста-
вити исцов и ответчиков безо всякия поноровки. '

145. А на службе в полках приставом имати хоженого по приставной памяти по две денги. А будет на службе же пристав, по чьему челобитью по кого послан будет в уезд, и ему езду имати на челобитчике на пять верст по две денги же.

146. А будет которой неделщик, норовя кому по посулом, или по дружбе, исцов с ответчики к суду вскоре ставити не учнет, или сверх указу возмет лишнее хоженое, и в том на него будут челобитчики, и сыщется про то допря-ма, и тому неделыцику за то учинити наказание, бити батоги нещадно, а лишнее хоженое велети на нем доправити, и отдати челобитчику. А будет он так сворует вдругие или в третьие, и его бити кнутом и из недельщиков выкинуть.

147. А бити неделыциком во всех приказех за крепкими поруками, а поруки велети по них збирати в том что им будучи у государева дела в неделыци-ках никаким воровством не промышляти, и челобитчиком продажи и убытков ни в чем не чинити, и колодников ис приказу и от себя з дворов без указу не отпускати, и никаких дел на скуп никому не отдавати.

148. А езду недельщиком имати на сто верст по полтине, а где будет верст больши, или менши того, и на те версты езду имати против того же по розчету. А будет послан будет неделыцик по общую правду, и ему езду имати половину с ысца, а другую с ответчика. А как судное дело вершится, и кто по тому делу виноват, и того езду другая половина взяв на виноватом, отдати правому. А ездити недельщиком с наказными памятьми и с приставными, и на поруки да-вати самим и товарищам их, кто кому верит, а людей своих с наказными памятьми не посылати. А от поруки им самим и товарищам их поклонного не имати ничего. А в котором городе неделыцик живет, и ему в тот город с наказными памятьми не ездити и в свое место товарищев своих не посылати. А сколько у которого неделыцика будет товарищев кому с кем в заговоре делати, и то дияком записывати в книги, чтобы неделыцики своих заговорщиков не отпиралися. А будет кто неделыцик, или его товарищи учинят кому какие убытки, а сыщется про то допряма, и то взяти на всех заговорщиках и отдати челобитчику, да того же, кто такое дело учинит, бити кнутом по торгом и вкинута в тюрму, на сколко государь укажет, а без заговорщиков недельщиком недель не делати.

149. А будет кто учнет бити челом государю о управе в обидных делех на бояр и на околничих и на столников и на дворян московских и на их людей, а они в то время будут в городех по воеводствам, и на тех воевод, которыя будут в городех опричь Астрахани, и Сибири, и Терка и опричь тех, которые будут на государеве службе в полкех, или в послех, или в посланникех, или в гонъ-цех, или кто послан будет куды ни буди для какова государева скорого дела, и для тоя скорые посылки государь пожалует его, велит ему отсрочить во всяких росправных делех, всяких чинов людем суд давати на Москве безсрочно, чтобы в таких делех никому волокиты не было. А отвечати за них велети братиям и детем и племянником, или людем их, которые после их будут на Москве, или друзьям их, кому они в том верят, а службою тем воеводам в таких делех не отговариватися по тому, что им та служба неполковая.

А будет кто в таких же росправных делех учнет государю бити челом на Москве же на воевод и на всяких приказных и служилых людей, которыя будут в Астрахане и в Сибире и на Терке или которыя воеводы и всякия служилыя люди будут на государеве службе в полкех на Украине или в ыных местех, и на тех воевод и всяких приказных и служилых людей в таких делах тем челобитчиком суд давати втепоры, как тем воеводам и служилым людем государева служба минется.

А будет меж служилыми людми какая обида учинится в полкех, и их в таких делех судити, и росправа межи ими чинити полковым воеводам или судиям, которым судиям полковыя воеводы прикажут. А будет кто на кого учнет бити челом в полкех в обидных делех, которыя межи ими учинилися напередь государевы службы в поместьях их, или в вотчинах, или инде где ни буди, а не в полъкех: и в таких делех в полкех никому ни на кого суда не давати, а судити их в таких делех на указныя сроки втепоры, как им государева служба минется по тому, что межи ими те обиды учинилися до государевы службы не в полкех.

150. А которые воеводы и дияки и всякия приказные люди, будучи у государевых дел в городех, учнут городским и уездным всяких чинов людем чинити продажи и убытки, и в том на них будут челобитчики, и сыщется про их продажи и про насилство допряма, и на тех воеводах по сыску взятое правити тем людем, кого они чем изобидят, да на них же имати на государя пеню, что государь укажет, смотря по делу.

151. А будет кто столники и стряпчие и дворяне московския и жилцы с суда ысцовых искех будут обвинены, и правити на них исцовы иски указаны, и правежныя выписи на них даны, и поручныя записи по них взяты, а они на правежь людей своих присылати не учнут для того, что им для службы будет отсрочено, а на службу они не поедут, а пошлют в свое место на службу детей своих, или братью, или племянников, или людей даточных, а сами учнут жиги на Москве и в деревнях, и на тех, которые на службе не будут, исцовы иски велеть правити безсрочно.

152. А будет кто, и городовые дворяне, и дети боярские на государеве службе сами не будут, а пошлют на государеву службу в свое место детей своих, или братью и племянников, или даточных людей, а сами учнут жить на Москве за своими делами и в деревнях, и на них исцовы иски, в которых они будут обвинены по тому же правити безсрочно.

153. А несудимых грамот в городы никому не давать для того, что от несудимых грамот в городех всяким людем чинятся продажи и обиды и убытки великие. А будет кому такие несудимые грамоты в городы даны в прошлых го-дех, и такие несудимые грамоты отставить, и у кого такие грамоты объявятся, и у тех людей те грамоты взять, и присылать к государю к Москве в те приказы, ис которых приказов те грамоты тем людем даваны.

154. А будет которой истец в ыску своем с суда обвинен, а ответчик его в том иску оправлен, или которой ответчик в чьем иску крестным целованием отойдет, или кто в своем иску с кем помирютца до суда, а после того на тех же людех учнет он того же своего иску вдругоряд искать, и ему в том иску суда не давать, да ему же за такое дело учинить наказанье, бить батоги, чтобы ему и иным таким, на то смотря, неповадно было так делать. А ответчику велеть на нем доправить проести и волокиты с того числа, как по приставной памяти взята по нем поручная запись, по гривне на день.

155. А которые люди ручаютца по ком к суду или с суда, а тот человек, по ком ручаютца, в поруке их выдаст, и исцов иск и пошлины доправят за него на

порутчиках, и тем порутчиком то все, что на них будет доправлено, взяти на том, по ком они ручаютца, да им же на нем велеть доправить проесть и волокиты по три рубли на месец, да убытки их по суду и по сыску. А править ис-цовы иски на порутчиках, которые порутчики будут в лицах.

156. А которые городовые всяких чинов люди по государевым зазывным грамотам в ысцовых искех в свое место пришлют к Москве к ответу детей своих, или братью, или племянников, или людей, а сами к Москве не поедут, и учнут жиги по домом, а по судным делам доведется про них в тех местех, где они учнут жить, быти обыску, и как про них учнут обыскивать, и их вте поры ис тех городов, где они живут, высылати в ыные городы, где у них поместья и вотчины есть, или к Москве, и сыскивать без них. А которые люди за них были в суде, и тем втепоры, как учнут сыскивать, быти на Москве, а с Москвы без указу не съежжать никуды, а съедет, и его тем обвинити.

157. А будет за кого учнут искати или отвечати дети и братия, и племянники, и друзья, и люди, и тем людем, кто будет в суде, с Москвы до вершенья суднаго дела не съежжати, а будет по судному делу быти обыску, и втепоры и тем людем, которых самих в суде не было, в те городы, где быти обыску, не съезжати же. А будет те люди, которых самих в суде не было, похотят куды ехати с Москвы в свои вотчины и в поместья в уезды иных городов, а не тех, где обыску быти, и им в те свои поместья и вотчины ехать волно, только бы в тех городех и в уездех не были, где быти обыску.

158. А будет кто учнет искати на ком нибудь иску на пятьдесят рублев, а с суда в том иску учнет слатися на стольников, и на стряпчих, и на дворян московских, и на городовых дворян, и детей боярских, и на голов стрелецких, и на гостей, и на дьяков, и на жилцов, и на дворовых людей, и на сотников стрелецких, и на подьячих по имяном на десять человек, а отвегьчик в том иску на тех людей слатися не учнет, или на тех людей ответчик учнет слатися, а истец слатися не учнет, и тому отводу не вериги, тех людей, которые будут в ссылках, допрашивати по государеву крестному целованию и вершити дело по скаске тех людей, на кого в том будет ссылка.

159. А будет кто с суда истец или ответчик учнет слатися гостиныя и су-конныя, и черных сотен и слобод на посадских людей, и на стрелцов, и на казаков, и иных чинов на служилых людей, и на ямщиков, и на монастырских служек, и на крестьян в дватцати рублех на десять человек и тех людей по тому же допрашивати, и вершити дело по скаске тех людей, на кого будет ссылка, а отводу не вериги же.

160. А будет кто в таких искех на таких людей, которыя писаны выше сего, пошлется из виноватых, а те люди по допросу скажут не против его ссылки, или и против его ссылки, да не все во одну речь, хотя един не по нем скажет, или они скажут, что про то дело ничего не ведают, и его тем обвинити по тому, что он на тех людей сам слался из воли, а они сказали не против его ссылки.

161. А которыя исцы всяких чинов люди учнут с суда слатися в повалной обыск на многих людей безимянно, а ответчики повалной обыск учнут отводи-ти, или отвегчики с суда учнут слатися в повалной обыск, а исцы повалной обыск учнут отводиги, и повалного обыску не отставливати, и посылати сыски-вати повалным обыском всяких чинов многими людьми безотводно, архимариты и игумены и старцы, по иноческому обещанию, а протопопы и попы и дияко-ны, по священству, а дворяны и детьми боярскими и всякими служилыми и посадскими людьми, и дворцовых сел, и черных волостей старосты, и целовал-ники, и крестьяны, и вотчинниковыми и помещиковыми прикащики и старосты, и целовалники, и крестьяны, и всяких чинов русскими людьми по госу-

дареву цареву и великого князя Алексея Михайловича всея Русии крестному целованию, а князи, и мурзы, и татары, и чювашею, и черемисою, и вотяки и всякими ясачными людьми по их вере по шерти. И обыскивати тех всяких чинов людьми с лица на лицо роспрашивая всякого человека порознь, и обыскные речи сыщиком велеть писать при себе, а заочно обысков и обыскных людей в обыск писать не велеть, и имати у них речи у русских людей за их и за отцов их духовных руками, а у Литвы и у Немец за их же руками, или кому они в свое место к тем обыскам велят руки приложить, а у князей и у мурз и у татар, которые татарской грамоте умеют, обыски имати за руками же, а которые фа-моте не умеют, и у тех и у ясачных людей имати обыски за их знамяны.

А велети обыскные речи писати обыскным людем самим. А у дворян и у детей боярских обыскные речи имать особные, а с людми бы и со крестьяны своими дворяне и дети боярьские в одне обыскные речи не писалися. А которых людей кто учнет на суде из повалнаго обыску отводить, и тем отводным людем на суде подаст имянную роспись, а напишет в росписи род и племя, и друзей многих людей, и тому отводу не верить, обыскивать всеми. А про то сыщиком сказывати обыскным людем имянно, чтобы они сказывали во обыску прямо вправду, никого не бояся, и никому не норовя никоторыми делы.

А будет они обыскные люди во обыску скажут не по правде, и им за то бы-ти от государя в великой опале и в казни. Да и сыщиком о том приказывать накрепко, и в наказные памяти писать им с великим подкреплением, чтобы они обыскивали вправду, по государеву крестному целованию, другу не дружили, а недругу не мстили, и того бы смотрили и берегли накрепко, чтобы обыскные люди семьями стакався во обыскех не лгали. А которые люди учнут семьями во обыске* лгати, а им обыщиком про то учинится ведомо, или которые люди учнут ослушатца, обыскных речей давать не учнут, и они бы сыщики о том писали к государю, кто имяны обыскные люди семьями во обыскех учнут сказывати не вправду, и кто обыскных речей давать не учнет, и присылали бы они сыщики тем людем к государю имянные росписи за своими руками.

А будет они сыщики учнут сыскивати не по правде для своей корысти, или они учнут в сыску другу дружити, недругу мстити, или которые люди учнут в обыскех лгати семьями, а иные обыскных речей давати не учнут, а они обы-щики о том к государю писати не учнут, норовя исцу или ответчику, а государю про то ведомо будет мимо их, и им сыщиком за то от государя быти в великой опале и в казни. Да будет в обыскех обыскные люди учнут говорити разныя речи, одне скажут по исце, а другие по ответчике, и с которую сторону в обыскех обыскных людей будет больши, и по тому обыску того и оправити, по ком обыскных людей скажет больши.

162. А будет истец или ответчик, которой по тем обыском будет обвинен, учнет государю бита челом на обыскных людей на большую половину, и скажет, что те обыскные люди больший половины в обыску солгали, а меньшая половина обыскных людей в обыскех сказали вправду: и по тому челобитью ис тех обыскных людей, из обеих половин взяти ис посадских людей, а из служилых людей, и их дворцовых сел, и ис патриарших, и из митрополичих, и из архиепископлих, и из епископлих, и из монастырских вотчин, и из боярских, и окольничих, и думных людей, и столников, и стряпчих, и дворян московских, и жильцов, и городовых дворян, и детей боярских, и всяких помещиков и вотчинников ис поместей и из вотчин лутчих людей изо ста человек по два человека, а где будет менши ста человек, и ис тех людей по человеку, и дати им очную ставку, и сыскивати про них всякими сыски накрепко, которая половина в обыскех солгала. Да будет челобитчик и обыскныя люди меньшая половина

обыскных людей большую половину чем уличат, что они обыскные люди больший половины в обыскех солгали, и на тех обыскных людех большия половины имати на государя пени за лживыя обыски: с архимаритов по пятидесяти рублев с человека; с ыгумнов и с келарей по сороку рублев с человека; с казначеев и с строителей и с соборных старцов по тритцати рублев с человека; с рядовые братии по пяти рублев с человека; с служек монастырьских болших монастырей по дватцати рублев с человека, а менших монастырей с служек и з детенышев всех монастырей по пяти рублев с человека; с протопопов по сороку рублев с человека; с протодияконов по тритцати рублев с человека; с попов по дватцати рублев с человека; з дияконов и с церковных диячков по десяти рублев с человека; с столников, и с стряпчих и з дворян московских, и з жильцов, и з городовых дворян, и детей боярских, и на ослушниках, которые обысков давати не учнут, по тритцати рублев с человека; с посадских старост по дватцати рублев с человека; с посадских людей и с ямщиков, и с вотчиниковых и с помещиковых прикащиков по десяти рублев с человека; с старост и с цело-валников по пяти рублев с человека; с крестьян и з бобылей по рублю с человека; да ис тех же обыскных людей, выбрав прикащиков и крестьян лутчих людей десятого человека бита кнутьем; а архимаритов и игуменов и попов и дияконов, которые в обыску солжут, отсылати для смирения к патриарху и к митрополитом и ко архиепископом и епископом, кто в чьей области будет. А что кому исцу или ответчику от лживых обысков учинится убытка и пробеги и волокиты, и то все велети доправити на тех же людех, кто в обыску солжет, и отдати тому, кому те убытки учинятся. А будет которые люди по таким лживым обыском будут пытаны, и тем пытаным людем велети на тех людех, кто в обыску солжет, правити бесчестье и увечье вчетверо, чтобы впредь не лгали.

163. А будет обыскные люди меншие половины большую половину обыскных людей во лживых обыскех ничем не уличат, и сыскати будет нечем, а учинится межь ими спор, и учнут они меж себя иматися за пытку, и их в том розымати пыткою. Да будет которые люди в таком деле будут пытаны, и сыщется про то допряма, которая половина обыскных людей солгали, и на тех обыскных людех правити на государя пеня, и чинити наказание, как о том писано выше сего, да на них же велети пытаным правити бесчестие и увечье вчетверо. А судное дело вершити по тому сыску и по обыском, которые люди сказали правду.

164. А которые люди в обыскех учнут говорити, что они про то дело, про которое будет обыск, ничего не ведают, а иные люди их в том уличат, что они про то дело ведают, и сыщется про то допряма, и на тех людех за ложныя их речи по тому же правити на государя пеня, и наказание им чинити против того же, как о том писано выше сего.

165. А будет которые обыскные люди про которое дело в обыску скажут, что они не ведают, а улики на них в том никакие не будет, и им того в вину не ставить.

166. А будет которые люди в обыскех в одном деле скажут двои речи, и тем людем чинити указ против тогоже, что указано чинити за лживыя обыски, как писано выше сего.

167. А посылати повальным обыском сыскивати по таким делам, в которых делех у исца с ответчиком не будет ближних опчих ссылок. А будет истец с ответчиком на суде пошлются оба на опчюю правду, хотя на одного человека, и по опчей ссылке дело и вершити. А сверх тоя опчия ссылки повалным обыскам сыскивати не посылать, чтобы от того исцу и ответчику лишние проести и волокиты не было.

168. А будет истец и ответчик оба пошлются на кого из виноватых, а после того в том же суде, сверх тоя опчия ссылки, учнут подавати иные ссылки, и судьям у них тех последних ссылок не приимати, а вершити дело по первой опчей ссылке.

169. А будет в какове деле истец и ответчик оба пошлются по одной ссылке на опчюю же правду на трех человек, и ис тех людей один учнет сказывать ложно, а два учнут его уличать, что он говорит ложно, и в таком деле верить двум, а одного отставить.

170. А будет которая опчая ссылка по посулом, или почему нибудь преступив закон божий, солжет и оговорит кого не по вине, и в том на тое опчюю ссыпку от того, кого оговорят без вины, будет челобитье, и сыщется про то допряма, что та опчая ссылка солгала, и той опчей ссылке за то учинить жестокое наказанье, бить кнутом нещадно, и убытки того, кого оговорят без вины, велеть доправить, и отдать челобитчику.

171. А будет кто учнет на опчюю ссылку бить челом государю, и скажет, что та опчая ссылка оговорила его не по вине ложно, а во лжи тое опчие ссылки ничем не уличит, и на нем велеть опчей ссылке доправить бесчестье, да ему же за то учинить по тому же жестокое наказание, велеть его бить кнутом нещадно, чтобы на то смотря иным неповадно было так делать.

172. А будет которая ссылка по допросу скажет, что он про которое дело слышал от людей, а сам того дела не ведает, и та ссылка не в ссылку.

173. А будет где доведетца в обыску или в допросе спрашивать боярских людей, или крестьян, или женской пол; и их во всяких делех допрашивать по государеву крестному целованью пред образом божиим для того, чтобы они сказывали правду, как им стать на страшном суде Христове.

174. А будет кто холопа своего или рабу по какому нибудь случаю от себя отпустит на волю, а после того на том, кто того холопа или рабу на волю отпустит, или на его сыне учнет кто чего искать и в ыску своем учнет слатца на того отпушенаго холопа или на рабу, и тех отпущеных холопа и рабу по такой ссылке не допрашивать, и в ссылку их не ставить.

175. А будет на суде истец пошлетца в повалной обыск на многих людей без имянно, а ответчик того повалного обыску отводить не учнет, а после того ответчик же учнет слатца из виноватых ис того повалного обыску поимянно человека на два, или на три, или на четыре, или на пять, или на шесть, или на десять, или на дватцать, и про то дело велеть сыскивати по первой ссылке всеми людьми, которые в повалном обыску будут без выбору.

176. А будет на суде ответчик пошлется на исцова отца, или на матерь, или истец пошлется на ответчикова отца, или матерь, и по тем ссылкам отца и матерь допрашивати, а никому отца и матери на суде не отводити, и дело вершить отцовою и матернею скаскою.

177. А будет на суде ответчик пошлется на исцову жену, или истец пошлется на ответчикову жену, и по таким ссылкам жены не допрашивати.

178. А будет кто учнет чего искати на боярском человеке, а боярской человек учнет отвечати за боярина своего, и на суде истец из виноватого пошлется ответчика своего на самого боярина, и хочет тем прав и виноват быти, или будет кто ответчик на суде пошлется из виноватого исца своего на самого боярина, и по таким исцовым и ответчиковым ссылкам самих бояр не допрашивати, а вершити дело по суду, до чего доведется.

179. А будет кто кого похочет испродати напрасно, умысля воровски, приставит к кому в малом иску в грабежу в рубле, или в дву, и с суда учнет в том своем малом иску слатися на кого по стачке, а ответчик, не хотя в таком по-

клепном малом иску душевредства учинити, на ту ссылку пошлется же, и положит на то, будет та ссылка его и безвинна оговорит, и он такой малой иск заплатит, и тот его истец лукавъством не сходя с суда учнет на нем искати по другой челобитной большого иску, и с суда в том своем большом иску учнет слатися на ту же первую опчюю ссылку, а ответчик его на ту первую опчюю ссылку в том большом иску учнет слатися в послушество, и учнет бите челом, что ему на ту первую опчюю ссылку в том большом иску слатися не мочно, потому, что над ним истец его то учинил лукавством, слался на тое ссылку в первом своем малом иску, а он на тое ссылку в том малом иску слался же, положа на то, хотя бы та их опчая ссылка, не бояся бога, в том малом иску его и безвинно оговорит, и он тот малой иск заплатит, а в большом иску ему на тое первую опчюю ссылку слатца не мочно, по тому, что над ним истец его то учинил нарядным делом, по стачке с тою ссылкою, и тое ссылки в последнем большом иску не допрашивать, и ответчика тем, что он на тое первую ссылку в другом иску не шлетца, не винить, а вершить судное дело по суду, до чего до-ведетца.

180. А будет истец и ответчик в суде в большом иску пошлютца на кого из виноватых оба, а после того не сходя с суда во встрешном суде кто из них один тое первую опчюю ссылку учнет отводить, и станет слатца в послушество, и его тем во встрешном иску обвинить, а первой суд вершить по опчей ссылке.