октября.Понедельник. Обре́тение мощей свтт. Гу́рия, архиеп. Казанского, и Варсоно́фия, еп. Тверского.

Приводим порядок совершения славословной службы свтт. Гурия и Варсонофия в соединении со службой Октоиха.

На вечерне кафизмы нет.

На «Господи, воззвах» стихиры на 6: свт. Гурия, глас 5-й:

Преда́нием прилежа́в приле́жно, / я́же прия́л еси́ от Спа́са на́шего Христа́ Бо́га, / и святы́х Его́ учени́к, / и вселе́нских учи́телей, / ве́рою и благопокоре́нием к наказа́телю своему́, / и дости́гл еси́ слове́сное наказа́ние, / и соверше́нное позна́ние Свяще́нных Писа́ний / и того́ ра́ди избра́ннаго Христо́ва ста́да оте́ц / и учи́тель явля́ешися, святи́телю Гу́рие, / Христа́ Бо́га моли́ спасти́ся на́м, // ве́рою приходя́щим к ра́це моще́й твои́х.

К три́десятем два́ ле́та / земле́ю покрове́но бы́сть честно́е те́ло твое́, святи́телю Гу́рие, / и обре́теся ра́ка моще́й твои́х / полна́ ми́ра благово́ннаго, / гро́б же и погреба́льная но́ва бя́ху, / кре́постию же но́вых крепча́йша: / те́ло же твое́ честно́е а́ки гу́ба верху́ ми́ра ноша́шеся: / ча́сти же от чудотво́рнаго твоего́ те́ла, / ни еди́ней погруже́нней бы́вшей, це́лости ра́ди. / Те́мже мо́лим тя́, святи́телю Гу́рие: // моли́ Христа́ Бо́га, спасти́ся душа́м на́шим.

Мона́ха два́ подви́гшася к Бо́гу до́бре, / Ио́на и Некта́рий, еди́н еди́наго роди́вый, / тебе́ же послужи́вша в ми́ре ве́рно, / и по сме́рти твое́й ве́ру к тебе́ держа́ста несумне́нну, / и хра́мину ка́менну над гро́бом твои́м согради́ста: / в то́йже и са́ми бли́з тебе́ погребо́шася святи́и ти́и, / мно́гим нетле́нием от Бо́га почте́ни бы́вше: / моли́ с ни́ми, святи́телю Гу́рие, Христа́ Бо́га, // дарова́ти на́м ми́р и ве́лию ми́лость.

и свт. Варсонофия, глас тот же:

Святи́телю преди́вный Варсоно́фие, / споспешеству́й на́м, ча́дом твои́м, / на ви́димыя и неви́димыя враги́ на́ша: / и́маши бо на сие́ от Бо́га да́нную тебе́ си́лу, / и́стинный Бо́жий уго́дниче: / моли́ изба́витися на́м от вся́ких бе́д, // твои́ми, свя́те, моли́твами.

Восхоте́в по Христе́ жи́ти, / показа́лся еси́ целому́дрен, святи́телю Варсоно́фие, / и мно́гим пу́ть показа́в ко спасе́нию, / ко Христу́ приве́л еси́ твоему́ Влады́це. / Име́я к Нему́ дерзнове́ние, / за чту́щия тя́ моли́, / да изба́вимся бе́д и печа́лей, // да вси́ тебе́ велича́ем.

Со усе́рдием слове́с Бо́жиих послу́шатель бы́в, / и благоче́стно и пра́ведно, благоуго́дно житие́ пожи́в, / святи́телю Варсоно́фие, / Христа́ любя́, и Христо́м люби́мь бы́в, / и ве́чных бла́г насле́дник бы́л еси́. / Моли́ Христа́ Бо́га, преподо́бне, // спасти́ и просвети́ти ду́ши на́ша.

«Слава» – святителей, глас 4-й:

Духо́вною благода́тию отъе́млете неду́ги и стра́сти, / и отго́ните ду́хи лука́выя, и исцеля́ете стра́сти неисце́льныя, / и просвеща́ете ве́рныя, и неве́рных в ве́ру претворя́ете, / блиста́нии чуде́с ва́ших, отцы́ преподо́бнии. / Те́мже дне́сь гла́сы немо́лчными / воспева́ем ва́шу па́мять пресве́тлую, и мо́лим ва́с: / моли́те Христа́ Бо́га, // спасти́ся душа́м на́шим.

«И ныне» – догматик, глас тот же:

И́же Тебе́ ра́ди богооте́ц проро́к Дави́д/ пе́сненно о Тебе́ провозгласи́/ вели́чия Тебе́ Сотво́ршему:/ предста́ Цари́ца одесну́ю Тебе́./ Тя бо Ма́терь, Хода́таицу Живота́ показа́/ без отца́ из Тебе́ вочелове́читися благоволи́вый Бог,/ да Свой па́ки обнови́т о́браз, истле́вший страстьми́,/ и, заблу́ждшее горохи́щное обре́т овча́,/ на ра́мо восприи́м, ко Отцу́ принесе́т, и Своему́ хоте́нию/ с Небе́сными совокупи́т Си́лами,/ и спасе́т, Богоро́дице, мир// Христо́с, име́яй ве́лию и бога́тую ми́лость.

Входа нет. Прокимен дня.

На стиховне стихиры святителей, глас 3-й:

Христо́ву ве́ру я́ко све́т на све́щнице поста́висте, наста́вницы, / и просвети́телие гра́да Каза́ни яви́стеся, / и мно́ги от неве́рия ко Христу́ приведо́сте, // отцы́ преподо́бнии.

Сти́х: Свяще́нницы Твои́ облеку́тся в пра́вду, / и преподо́бнии Твои́ возра́дуются.

Красу́йся гра́де Каза́не, / име́я в себе́ мо́щи преподо́бных святи́телей, / Гу́рия и Варсоно́фия, отгна́вших от тебе́ тьму́ неве́рия, / и просвети́вших тя́ све́том Богоразу́мия: // и́же и мо́лятся Христу́ за вся́ лю́ди в тебе́ живу́щия.

Сти́х: Восхва́лятся преподо́бнии во сла́ве, / и возра́дуются на ло́жах свои́х.

Ве́лие чу́до о ва́с зри́тся, отцы́ преподо́бнии, / и у́жаса испо́лнено, / ка́ко по погребе́нии во мно́га ле́та неруши́ма соблюдо́шася блаже́нная телеса́ ва́ша, // судьба́ми, и́миже ве́сть, ва́с Са́м прославля́яй.

«Слава» – святителей, глас 6-й:

Иже пре́жде те́мный, / ны́не же све́тлый гра́д Каза́нь красу́ется и весели́тся, / име́я в себе́ нетле́нныя мо́щи ва́ша, святи́и чудотво́рцы: / источа́ют бо на́м неоску́дна исцеле́ния, / с ве́рою приходя́щим к ра́це моще́й ва́ших. / Мы́ же веселя́щеся, мо́лим, и те́пле зове́м: / моли́те, святи́и Христа́ Бо́га, спасти́ся на́м, // святу́ю па́мять ва́шу почита́ющим.

«И ныне» – Богородичен, глас тот же:

Богоро́дице, Ты еси́ лоза́ и́стинная, возрасти́вшая нам плод Живота́, Тебе́ мо́лимся моли́ся Влады́чице, со святы́ми апо́столы, поми́ловатися душа́м на́шим.

По Трисвятом – тропарь святителей, глас 3-й.

Пе́рвии учи́телие пре́жде те́мному, / ны́не же све́тлому и новопросвеще́нному гра́ду Каза́ни, / пе́рвии возвести́телие пути́ спаси́тельнаго, / и́стиннии храни́телие апо́стольских преда́ний, / столпи́ непоколеби́мии, благоче́стия учи́телие, / и правосла́вия наста́вницы, Гу́рие и Варсоно́фие, / Влады́ку все́х моли́те, / ми́р вселе́нней дарова́ти, // и душа́м на́шим ве́лию ми́лость.

«Слава, и ныне» – Богородичен воскресный по гласу тропаря:

Тя хода́тайствовавшую Спасе́ние ро́да на́шего, / воспева́ем, Богоро́дице Де́во; / пло́тию бо от Тебе́ восприя́тою Сын Твой и Бог наш, / Кресто́м восприи́м страсть, // изба́ви нас от тли, я́ко Человеколю́бец.

На утрене на «Бог Господь» – тропарь святителей, глас 3-й (дважды). «Слава, и ныне» – Богородичен воскресный по гласу тропаря: «Тя, хода́тайствовавшую...».

Кафизмы 4-я, 5-я и 6-я.

Примечание. При славословной службе (с пением Октоиха) стихословие третьей рядовой кафизмы на утрене не отменяется ¹. По 1-м и 2-м стихословии – малые ектении и седальны святителей (по дважды); по 3-м стихословии – малой ектении нет ², седальны Октоиха. Существует также мнение, что на утрене при славословной службе, по аналогии с полиелейным богослужением, должны стихословиться только две рядовые кафизмы, а третья должна переноситься на вечерню следующего богослужебного дня и читаться вместо 18-й кафизмы.

Псалом 50-й.

Каноны: Октоиха 1-й со ирмосом на 6 (ирмосы единожды), свт. Гурия на 4 и свт. Варсонофия на 4.

Библейские песни «Господеви поем…» (см. Типикон, 23 сентября, 1-е «зри»).

Катавасия «Отверзу уста моя…».

По 3-й песни – кондак и икос свт. Варсонофия, глас 6-й; седален святителей, глас 4-й (дважды). «Слава, и ныне» – Богородичен Минеи, глас тот же.

Конда́к Варсоно́фия, гла́с 6:

Воздержа́нием те́ло ду́ху порабо́тив, / ду́шу же равноа́нгельну сотвори́л еси́: / сего́ ра́ди святи́тельства са́ном поче́тся, / чи́сте Чисте́йшему предстои́ши. / Моли́ Христа́ Бо́га, святи́телю, / спасти́ лю́ди твоя́, свя́те, / да вси́ вопие́м ти́: / ра́дуйся, о́тче преподо́бне Варсоно́фие, // гра́ду на́шему Каза́ни похвала́ и утвержде́ние.

По 6-й песни – кондак и икос свт. Гурия, глас 4-й.

Конда́к Гу́рия, гла́с 4:

Чу́вственныя стра́сти победи́в, чистото́ю я́ко со́лнце возсия́л еси́, / чи́сто житие́ до конца́ сохрани́в, и от неве́рия в ве́ру мно́гих ко Христу́ приве́л еси́: / и Того́ ра́ди от Бо́га нетле́нием почте́н бы́л еси́, и чудесы́ удивля́емь. / Мо́лим тя́, святи́телю Гу́рие, моли́твами твои́ми от бе́д изба́ви на́с, да зове́м ти́: // ра́дуйся, о́тче преди́вный, гра́ду Каза́ни похвала́ и утвержде́ние.

На 9-й песни поем «Честнейшую».

По 9-й песни «Достойно есть» не поется. Светилен святителей (дважды). «Слава, и ныне» – Богородичен Минеи.

«Всякое дыхание…» и хвалитные псалмы.

На хвалитех стихиры святителей, глас 2-й:

Тобо́ю освяти́л е́сть Госпо́дь, святи́телю Гу́рие, / гра́д вели́кий неве́рием погруже́нный, / тобо́ю наста́ви неве́рныя лю́ди позна́ти ве́ру и́стинну. / Тобо́ю же приведо́шася ко Христу́ мно́жество неве́рных. / И неиму́щим неоску́дное подава́ние, / а́лчущим корми́тель и пита́тель, и в беда́х помо́щник, / и все́м к тебе́ прибега́ющим бога́тное приобре́тение, // Гу́рие преподо́бне.

Тобо́ю, преподо́бне святи́телю Варсоно́фие, / пе́рвая и вели́кая оби́тель Спа́сова свята́го Преображе́ния, / в новопросвеще́нном гра́де Каза́ни соста́вися. / И тобо́ю я́ко древеса́ добропло́дна, и я́ко са́д присноцвету́щий, / и я́ко пло́д красе́н мно́жество мона́хов твоему́ Влады́це Христу́ принесо́шася: / тобо́ю же мно́жество ве́рных, мона́шеская натрижне́ния и труды́ возлюби́ша, / и мно́жество неве́рных от тьмы́ вознико́ша, / и к све́ту Христу́ Бо́гу притеко́ша, // и уче́нием твои́м мно́зи спасо́шася.

Вы́ у́бо в ми́ре се́м на́ши нача́льницы и наста́вницы, / и учи́тели ко спасе́нию на́м яви́стеся: / о́в у́бо нача́льный па́стырь, и святи́тель гра́ду Каза́ни бы́л е́сть, / о́в же о́бщему житию́ соста́витель, и мона́хом учи́тель и па́стырь бы́сть: / ку́пно же уча́ще и наказу́юще Бо́жия лю́ди пути́ вводя́щу в Ца́рство Небе́сное, / вку́пе же и во еди́н ча́с обрето́шася святы́я ва́ши мо́щи нетле́нны, / и чуде́с да́р прия́ли есте́ от Бо́га, // исцеле́ние подава́ете неоску́дно приходя́щим к ва́м с ве́рою.

По достоя́нию у́бо не мо́жем ва́с похвали́ти, отцы́ преподо́бнии: / и по сме́рти у́бо, не я́ко во сне́, но на я́ве стра́ждущему от бесо́в явля́етеся, / и мно́жество духо́в злы́х от обурева́емаго отго́ните, / и глаго́лати подае́те, от бесо́в язы́ку отре́заемому. / Моли́те Христа́, преподо́бнии святи́телие, / и о на́с чи́сто чту́щих святу́ю ва́шу па́мять, // да спасе́т ду́ши на́ша.

«Слава» – святителей, глас 8-й:

Яко зве́зды пресве́тлыя / во страна́х Восто́ка яви́стеся: / поне́же от ю́ности своея́ плотска́я мудрова́ния преоби́десте вся́: / впери́вше же у́м ва́ш к жела́емому Христу́ Бо́гу, / и сконча́сте тече́ние до́брое посто́м, и моли́твою, / и ми́лостынею и бде́нием, и чистото́ю теле́сною. / И отве́рзеся ва́м Ца́рство Небе́сное, / и ви́дите, я́же ви́дят Ангели, / и воздая́ние трудо́в прие́млете, / Бо́г бо ве́сть прославля́ти своя́ уго́дники, и подава́ти венцы́ нетле́нныя. / Мы́ же мо́лим ва́с: / моли́те, святи́и чудотво́рцы и о на́с непреста́нно Христа́ Бо́га, // спасти́ся душа́м на́шим.

«И ныне» – Богородичен по гласу «Славы», от меньших:

Небе́сная пою́т Тя,/ Обра́дованная, Ма́ти Безневе́стная,/ и мы славосло́вим/ неизсле́дованное Твое́ Рождество́, Богоро́дице,// моли́ спасти́ся душа́м на́шим.

Великое славословие. По Трисвятом – тропарь святителей, глас 3-й. «Слава, и ныне» – Богородичен воскресный по гласу тропаря: «Тя, хода́тайствовавшую...».

На часах – тропарь святителей. Кондаки свт. Варсонофия и свт. Гурия читаются попеременно.

На Литургии блаженны от канона свт. Гурия, песнь 3-я – 4 (со ирмосом) и свт. Варсонофия, песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь святителей; кондак свт. Гурия. «Слава» – кондак свт. Варсонофия, «И ныне» – кондак храма.

В храме святого – тропарь храма, тропарь святителей; кондак храма, кондак свт. Гурия. «Слава» – кондак свт. Варсонофия, «И ныне» – «Предстательство христиан…».

Прокимен, аллилуиарий и причастен – дня и святителей.

Апостол и Евангелие – дня и святителей.