Священномученику Киприану и мученице Иустине Глас 4 Песнь 1

 

Ирмос: Моря чермную пучину /невлажными стопами/ древний пешествовав Израиль /крестообразныма Моисеовыма рукама/ Амаликову силу в пустыни победил есть.

С премирными чинми ныне водворялся, о священная ти божественная главо, /с Небесе призри на лагочестно поющия тя/ и твоими молитвами сохраняй.

Припев: Священномучениче Киприане и мученице Иустино, молите Бога о нас (или: о мне).

Во мраце неведения, преподобие, люте одержим / и душегубными страстьми плоти невоздержанием ты разжигаем, /преложение преславно обрел еси внезапу, всеблажение.

Слава: Голубителей убо на седалище прежде, отче, седел еси /и на седалищи пресвитеров паки Христа прославил еси,/ изменився явленоо Владычнею Божественною благодатию.

И ныне: Дева по Рождестве пребыла еси: /Самаго бо рождши Творца всех и Господа,/ необычно и странно нам явльшася телом/ Богородительнице Мати Приснодево.

 

Песнь 3

 

Ирмос: Веселится о Тебе Церковь Твоя, Христе, зовущи: /Ты моя крепость, Господи,/ и прибежище, и утверждение.

Яко Павел, ко Христу душевную любовь преложив, Киприане всемудре, /того ученик был еси. Обучает ти Христос,/ вместо риз страстных одеяние славы даруя и возрождения одежду.

Слава: Поустник постнический прежде бывый терпелив/, послежде, Киприане всехвальне,/ свидетель Истины был еси.

И ныне: Господственно и истинно Тя, Богородицу, вернии почитаем,/ Ты бо Бога родила еси, плоть бывша, Всенепорочная.

 

Седален, Глас 8

 

Подобен: Премудрости:

Наказан в прелести прилежно /яко Павел, зван бысть с Небес/. Крестом натавляем к свету знания / честныя бо девы любовию разжигаем/, тоя ради сочетался еси Зиждителю человеков. /Тем обличив немощь вражию/, с нею сподобился еси лику мучеников, /Киприане, архиерев удобрение/, моли Христа Бога грехов оставление подати/ чествующим любовию святую память твою.

Слава, и ныне:

В напасти многоплетенныя впад, /от враг видимых и невидимых,/ бурею одержим безчисленных согрешений моих, /и яко к теплому заступлению и покрову моему, Чистая/, ко пристаницу притекаю Твоея благости/. Тем же, Пречистая, из Тебе Воплощенному без семене /молися прилежно о всех рабех Твоих/, непрестанно молящихся, Богородице Пречистая, /молящи Его присно согрешений оставление даровати/ воспевающим достойно славу Твою.

 

Песнь 4

 

Ирмос: Вознесена Тя видевши Церковь на Кресте, /Солнце праведное/, ста в чине своем, /достойно взывающи:/ слава силе Твоей, Господи.

Возбнув, богогласе, от неистовства перваго, /демонскую лесть и душетленную прелесть всю обличил еси / и радуясь, взывал еси: /слава силе Твоей, Господи/.

Доблественно Иустина укрепляема /и Чистую Деву и Обрадованную зелю молящи/, сетей избеже и козней же вражних.

Слава: Укрепляема верою твоего Жениха /и крестною силою одеяна/, демоны неятна, вопиющи, пребыла еси: /слава силе Твоей, Господи.

И ныне: Иже естеством свободен сый, / образом раба обнища богатством благости, Мати Приснодево,/ из Тебе по Ипостаси все прием человечество.

 

Песнь 5

 

Ирмос: Ты, Господи, мой свет /в мир пришел еси/ Свет Святый, обращали из мрачна наведения /верою воспевающая Тя.

Поборщицу имущи яве Чистую Богоматерь, обогащшися, Иустино/ честное девство сохранила еси невредно.

Одушевленный Христов и крестнейший образ, почтим Иустину/, сокровенную доброту и некрадомое возложение.

Слава: Невеста Христова присная и нескверная, / страданием и пощением восприемши, праведно сугуб венец носит.

И ныне: Ум ангельский и человеческий не может сказати/ неистраченного и преславного чудесе Рождества Твоего, Всечистая.

 

Песнь 6

 

Ирмос: Пожру Ти со гласом хваления, Господи,/ Церковь вопиет Ти,/ от бесовския крове очищшися/ ради милости от ребр Твоих/ истекшею Кровию.

Злобы дна преисподняго дошел еси,/ и крайнейшей же паки добродетели, отче, возшел еси на высоту,/ преславно изменивши Божественным крещением.

Был еси служитель демонов первее,/ но Христов богоявленый ученик показался еси,/ присною любовию желание возлюбив последнее.

Слава: Многия ты Владыце привел еси мученики, / куплей величайшую являя,/ кровию малейшую Царство Небесное, богомудре, купити.

И ныне: Расторгни моя пленицы согрешений, Богоневесто, греховнаго закона,/ Жизни законом свободу дарущи,/ Владыку закона рождшая.

 

Кондак, глас 1

 

Подобен: Лик ангельский:

От художества волшебнаго обратився, богомудре,/ к познанию Божественному,/ показался еси миру врач мудрейший,/ исцеления даруя чествующим тя, Киприане со Иустиною,/ с неюже милися Человеколюбцу Владыще/ спасти души наща.

 

Икос:

 

Целений твоих, святе, дарования мне низпослав,/ и недущее мое сердце гноем греховным/ молитвами твоими исцели,/ яко да слово пения от скверных устен моих ныне принесу ти/ и воспою болезни твоя, яже показал еси, священномученице,/ покаянием добрым и блаженным и Богу приближающимся./ Того бо удержан рукою,/ направился еси, яко по лестнице к небесным,/ непрестанно моляся спасти души наши.

 

Песнь 7

 

Ирмос: Спасый во огни авраамския Твоя отроки / и халдеи убив,/яже правда праведно удовляще,/ препетый Господи,/ Боже отец наших, благословен еси.

На священноначальство вшед,/ священнейший образ священноначальником себе и правило явил еси, взывая: /препетый Господи, Боже отец наших, благословен еси.

Живоначальная тебе десницы истинно изменение, отче, нашедшее,/ мудра тя сотвори боговещателя, поюща:/ препетый Господи, Боже отец наших, благословен еси.

Слава: Оружие непобедимое нам на противнаго, блаженне, ты явился еси,/ того обличая лести, поющим:/ препетый Господи, Боже отец наших, благословен еси.

И ныне: Небесный лицы и пренебеснии собори/ песнословят из Тебе, Богородице, Рожденнаго, зовуще: / препетый Господи, Боже отец наших, благословен еси.

 

Песнь 8

 

Ирмос: Веселися, Иерусалиме, /торжествуйте, любящии Сиона: / царствуяй бо во веки, Господь сил прииде,/ Да благоговеет вся земля от лица Его/ и да вопиет: / благословите, вся дела Господня, Господа.

Премудро еллинская мудрости небрел еси, славне, / апостолив же Божественное вещание, Духом брацаемо, отче,/ и огненными языки ясно изглашаемо, вопиял еси: /благословите, вся дела Господня, Господа.

Востекл еси на высокая и премирная светло селения, /Христу кровию, яко жертвою непорочную, приносим, отче, / заколение живо, приятно и благоугодно, воспевая: / благословите, вся дела Господня, Господа.

Слава: Побеждаеми от в тебе вселыпиеся благодати, богомудре, /демонстии полцы отгоняются и отбегают страсти недугующих, богомудре,/ вернии же Божественнаго света насыщаемся, вопиюще: /благословите, вся дела Господня, Господа.

И ныне: Ликуют со ангельскими, Пречистая, силами о Рождестве Твоем, Богомати,/ и Богородицу верою Тя имеющии:/ Ты бо Владыку и Избавителя нам родила еси, Емуже поем: /благословите, вся дела Господня, Господа.

 

Песнь 9

 

Ирмос: Ева убо недугом преслушания/ клятву вселила есть,/ Ты же, Дево Богородице,/Прозябением чревоношения/ мирови благословение процвела еси,/ тем Тя вся величаем.

Свыше нас, благочестно поющих тя, назираюши Божественною благодатию,/ твоими молитвами богоглагольнице, и оружием благоволения,/ мир и спасение даруй нам, яко священноначальник божественнейший.

Течение исцелений обильно персть твоя любящим тя воздает:/ тебе же, Киприане, жены богоносны/ яко Божественно сокровище приемлют и усердно являют сокровеннаго, /да вси тебе насладимся.

Слава: Направити нашe ко Христу, пребогате, шествие/ деянием, и богоугодным житием, и чистейшим очищением/ сущо Божию тихость умоли, яко иерарх сострадательнейший.

И ныне: Укрепи нашу душевную немощь, Богомати, силою Твоею,/ разреши тяготу, Пресвятая, налагаемую рабом Твоим,/ миру правды Солнце несказанно возсиявшая.

 

Светилен

 

Подобен: Жены, услышите:

В волнах несосужденна и единаго пребольша,/ пременшаго нрав и попалившаго книги, наставляющия ко прелести,/ и свидетельства венец страннолепно приемшаго,/ Киприана пахвалим, страдальцев зерцало.

Слава, и ныне:

Дровле божества надеждою прельстивый мя злокозненный, / плотным предложением премудренно паки прельщается от Девы Возсиявшаго:/ и сице осуждение плотное плотию разрешися,/ смерти умертвившейся.

 

Акафист