Ouml;тувтчылісны финн(йöгра) том войтыр

Коми муысь том йöз ветлöмаöсь финн(йöгра) том войтырлöн «Созидание – 2012» лагерö. Мордовияын тайö лагерыс котыртчывлö дас(сизим) во чöж нин.

Лагерь öтувтлöма сё(гöгöр) том мортöс. Ныв(зон) волöмаöсь Марий Элысь, Комиысь, Перым муысь, Санкт-Петербургысь, Эстонияысь, Финляндияысь да Мордовияысь.

Финн(йöгра) войтыр уна(тор) тöдмалöмаöсь том йöзöс гажöдöм могысь. Нöшта и ассяньыс выль(тор) вöзйöмаöсь. Комиысь том йöз нуöдöмаöсь этнодискотека, ворсöдöмаöсь коми ворсöмъясöн, тöдмöдöмаöсь Россияса финн(йöгра) культура шöр(инлöн) уджöн, выль петасъясöн, удж(тасъясöн), проектъясöн. Таысь кындзи дасьтöмаöсь да дорйöмаöсь финн(йöгра) войтырлы сиöм презентацияяс. А мед(бöръя) луннас «Ми» котыр öтувтöма финн(йöгра) кывъяс вылын юргысь паськалöм сьылан(кывъяс) да нуöдöма шоу.

Ветлöмыс, дерт жö, ёна кажитчöма. Медся(ёна) сы вöсна, мый татшöм ногöн аддзан выль ёртъясöс, видзöдлан, кыдзи уджалöны тэнад тшöтшъяясыд, да вöчан кыв(кöртöд) аслад уджыдлы, пуктан ас водзад выль могъяс.

«Йöлöга» газетысь

 

? Кутшöм удж нуöдöны тіян школаса (сиктса) том войтыр?

Кытчö тэ пуктін ассьыд пайтö?

 

…удж. Лыддьы текстсö, сет сылы ним. Гöгöрвоöд коми кывлысь вежöртассö.

…

Окота тöдны, мыйла коми йöз асьнысö тадзи шулöмаöсь.

Учёнöйяс тöдмалöмаöсь, мый 5-6 сюрс во сайын комияс абу на вöвлöмаöсь кыдз торъя кывъя йöз. Сэки вöлöма öтласа финн-угор кыввъя войтыр. Бöрынджык найö кутöмаöсь разöдчыны.

Артмöма öнія финн-угор семьяса йöз: венгръяс, финнъяс, карелъяс, эстонецъяс, мордва, удмуртъяс, мариецъяс, хантъяс, манси да коми.

Найö ас сёрниын мужичöйясöс да ай пемöсъясöс войдöр шулöмаöсь öти кывйöн – ком. Öні на хантъяс мужичöйяссö шуöны комöн, манси – хум, венгръяс ай пемöсъясöс шуöны – хим (хим кутё – ай пон, хим юх – ай ыж).

Коми кывйыс артмылöма ком кыввужйысь да - и суффиксысь. Öні на финн-угор кывъясын да и комиын - и суффикс артмöдö кывбердъясöс эмакывъясысь. Шуам, венгерскöйын: хаз – керка, хазі – керкаса; эстонскöйын: коол – школа, коолі – школаса. Кор разалісны финн-угор кывъя котырыс, миян пöльяс асьнысö кутісны шуны коми войтырöн – морт чукöрöн.

Е. Игушев серти

 

…удж. Лыддьы да вуджöд.

Нянь кыв ми кылам ичöтсянь, радейтам сійöс. Чайтам сійöс дзик коми кывйöн. Но удмуртъяс няньсö няньöн жö шуöны, хантъяс да манси и ненецъяс – няньöн жö. Шöр Азияын олысь войтыр: каракалпакъяс, таджикъяс, узбекъяс няньсö нимтöны миян ног жö.

Кык да джын сюрс во сайын тайö кывйыс веськаліс лунвывсянь кöдзыд войвылö. Сійöс вайисны пермяналы ветлысь-мунысь йöз – скифъяс, кодъяс волісны Шöр Азияысь да овмöдчылісны Волга пöлöн. Скифъяс волысьöмаöсь миян пöльяскöд, велöдöмаöсь найöс нянь быдтыны, гортса пемöсъясöс видзны-рöдмöдны. Мöс, ыж, порсь, курöг, вурун, турун, сюр да мукöд кывъяс шусянног боксяньыс матынöсь иранскöй, таджикскöй, афганскöй,осетинскöй кывъяс дінö. Скифъяс, матысса рöдвуж иранецъяслы, бöрынджык Волга дорсянь мунісны Кавказö и вочасöн пöрисны осетинецъясö.

Е. Игушев серти

 

…удж. Лыддьы, гöгöрво да вочавидз юалöм вылö.

Войпель

Йöзкостса поэзияысь миянлы ичöтсянь тöдса Войпель, кодöн нимтылöмаöь миян войтыр кöдзыдсö. Войпель вайлöма му вылас тöв, лым, турöб. Войпель нимын воддза слогыс тöдчöдö «войвыв» вежöртас. Но абу гöгöрвоана мöд юкöныс – пель.

Войпель важысянь нин нималö коми йöз сёрниын кыдзи мифса геройлöн ним. Нимыс артмöма кык слогысь – «Вой» + «пель». Важöн бöръя слогас небыд согласнöйкöд орччöн вöлöма - ö шыпас, коді вуджöма - э шыпасö. Сідзкö, ёна важöн Войпель пыдди шулöмаöсь Вой пöль – пöрысь морт, коді вайö кöдзыдсö войвывсянь.

 

? Кыдзи артмöма Войпель кыв? Гöгöрвоöд кывйыслысь вежöртассö.

 

Ногакыв. Деепричастие

Ногакыв петкöдлö шöр действиеыскöд мунысь содтöд действие, вочавидзö кыдзи? кор? уна-ö? юалöмъяс вылö. Артмö кадакывйысь суффиксъяс отсöгöн. Сёрникузяын лоö обстоятельствоöн.
К А Д А + К Ы В	Деепричастие с суффиксом –иг, -игöн  указывает на одновременное действие.	Ветлыны – ветлiгöн Аддзылi Венгрияö ветлiгöн – видел во время поездки в Венгрию
	Деепричастие с суффиксом –игчöж  указывает на добавочное действие, которое совершается одновременно с основным.	Мунны – мунiгчöж Мунiгчöж сералiм – шли смеясь (смеялись всю дорогу)
	Деепричастие с суффиксом –öмöн  указывает на сопутствующее действие.	Чуймыны – чуймöмöн Кывзi чуймöмöн – слушал удивляясь
	Деепричастие с суффиксом –тöг указывает на отрицательное действие.	Шойччыны – шойччытöг Мунны шойччытöг – идти не отдыхая
	Деепричастие с суффиксом –тöдз (рус. до) указывает на последующее действие.	Пöтны – пöттöдз Сёйны пöттöдз – наесться досыта.
	Деепричастие с суффиксом –мöн  указывает на меру и степень.	Тöдчыны – тöдчымöн Содiс тöдчымöн – заметно прибавилось

 

…удж. Лыддьы да гöгöрво удмурт мойд. Кутшöм шусьöгъяс лöсялöны тайö мойдыслы? Корсь текстысь да гиж ногакывъя сёрникузяяс, вуджöд роч кыв вылö.

Айкаа-зятя

(удмурт мойд)

Мöдöдчис зять видлыны айка-тьöщассö. Керкааныс пыртöдз видзöдліс öшиньö. Аддзис, кыдзи айкаыс тэрыба лэптіс пач вылас сур лагун, тьöщаыс жаритöм чипансö бöр пачас сюйис, шаньга чукöрсö лабич улö дзебис, куштöм чипансö водздöранас вевттис.

Зять пырис, пуксис лабичö. Виччысьö гöститöдöм, чайтö, вердтöг оз кольны. А айка да тьöщаыс оз и кöсйыны сійöс вердны-юктавнысö. Эз кутчысь зятьыд, пуксис айака дінö матöджык да шуис:

- Тіянö локтігöн мыйсö сöмын эг аддзыв. Туй вомöн ыджыд кый (змей) вуджис, кызсьыс-кыз, сур лагуныд кызта, коді паччöрад сулалö. Ме эг повзьы, босьті из, жаритöм уткаыд ыдждаöс, коді тай пачад да лямöді кыйтö сэтшöма, мый сійö шаньга кодь лои, коді тай лабич уланыд. Онö кö эскöй меным, нетшкöй менсьым юрсиöс, ме лоа куштöм чипанаыд кодь, коді тай тьöща водздöра улын.

Гöгöрвоисны пöль да пöч: быдтор тай аддзылöма зятьыс, ковмис налы сійöс гöсьтитöдны.

 

… удж. Бöрйы вежöртас серти лöсялана суффикс, гиж артмöм сёрникузяяссö.

Тшактö сёйöны	пуны	- игöн
Мамö видзöдǐс телевизор шыд		- тöг
Бать кыйöма черисö		- öмöн
Войвылын кöр яйтö сёйöны		- игчöж
Манка роктö колö гудравны		- мöн

 

…удж. Лыддьы текстсö. Содты шöркывъяс да ногакывъяс дорö колана суффиксъяс. Вуджöд текстсö.

Селянка

Мордва войтырлöн радейт(-öм, -ана, -ысь) сёяныс – селянка. Вундал(-ан, -тöм, -öм) мус, ты, сьöлöм да яй тэчöны гырничö. Содтöны посньöдл(-öм, -ана, -тöм) лук да морков. Солалöны да пöжöны пачын яй небзьы(-мöн, -тöдз, -тöг). Сёй(-öмöн, -игчöж, -игöн) торйöн сетöны маринуйт(-ысь, -тöм, -öм) öгуреч.

 

ﯕ Тöдмав, мыйысь да кыдзи дасьтöны селянкасö коми войтыр?

 

… удж. Сетöм кадакывъясысь артмöд ногакывъяс, лöсьöд наöн сёрникузяяс, гиж.

Сьывны, серавны, ветлыны, ёртасьны, велöдчыны, вöчны, видзöдны, тэрмасьны.         

 

… удж   Видзöдлы серпассö, лыддьы да комиöд текстсö. Вочавидз юалöмъяс вылö.

Венгрияса пöрт «бограчын» шыд-гуляш

Старинное венгерское национальное блюдо - суп-гуляш. Его готовили в небольшом котелке  над открытым огнем. Это жидкий суп с кусочками баранины и перцем.

Нужно разогреть немного жира и обжарить лук, нарезать кусочками мясо, посыпать солью и красным перцем, нарезать картофель, добавить воду, помидоры и варить. Перед подачей к столу в гуляш кладут сваренное тесто в виде клецек - так называемых «чипетке».

Для приготовления гуляша необходимо 100 г говядины, 50 г лука, 2 г красного перца, 100 г картофеля, один помидор или одна чайная ложка томат-пасты, 400 мл воды. Для «чипетке» 40 г муки, одно яйцо, соль по вкусу.

Зданович Л.И. Кулинарный словарь.

? Кутшöм национальнöй сёян-юан эм венгръяслöн?

Кутшöм национальностя йöз нöшта тадзи пуöны сёян-юансö?

 

… удж. Видзöдлы серпасъяссö. Видлы тöдмавны, кутшöм серпас лöсялö водзö мунысь текстлы. Подулав вочакывтö.

 

… удж. Комиöн лöсьöд юалöмъяс текст дорö.

Традиционный костюм мужчины состоит из рубашки, длинных брюк или бриджей до колена, жилета, жакета или пальто, шляпы или кепки, шарфа, носков и ботинок. Традиционная финская женская одежда состоит из блузы, полосатой юбки, лифа или «киртла», передника, жакета, головного убора, ботинок и носков. Замужние женщины носили льняной или кружевной чепец. Кроме этого женщины носили пояса и платки, украшали костюм драгоценностями.

 

…удж. Лыддьы да гöгöрво текстсö. Юксьöй чукöръяс вылö, лöсьöдöй да вöзйöй öта-мöдыдлы текст серти уджъяс.

Йöгра вокъяс

Из сайын, Коми мусянь неылын, Ямал ненеч да Ханты-Манси автономнöй кытшъясын олöны йöгра: хантъяс да манси. Найöс наукаын нимтöны обьвывса йöграöн, медым торйöдны Дунай юбердса йöграысь – венгръясысь.

Венгръяслöн да обьвывса йöгралöн – хант да манси войтырлöн – кывныс öта-мöд дінаныс матын, кöть тайö войтырыс ёрта-ётрсяньыс öні зэв ылынöсь. Венгръяс – Европа шöрынöсь, а обьвывса йöгра – Сибирынöсь. Но ёна важöн, кык сюрс во сайын, найö овлöмаöсь öтлаын, сёрнитлöмаöсь öтласа кывйöн.

И öні кöть мöда-мöднысö венгрыд ханткöд да мансикöд оз нин гöгöрвоны, унатор найö сёрниын öтласа на, торъя кывъяслöн юрганногыс да вежöртасныс шензьöдана матынöсь.

Коми	Хант	Манси	Венгр
Син Вöв Чери Пон Ныв	Сэм Ло  Холл Эб Нö	Сэм Лув Хул Амп Нэ	Сам Лов Хул Амп Нэ

    Кык сюрс во чöж торйöн олігöн венгр кыв кутiс нимавны мир пасьтала. Сійöс велöдöны Европаса да Америкаса университетъясын, венгр кывйöн сёрнитöны учёнöйяс ыджыд чукöртчылöмъясын (конгресс-конференция дырйи), венгр кывйöн сувтöдöны спектакльяс, снимайтöны кинофильмъяс.

 

…удж.

    Коми кыв чужлöма финн-угор кывъяс семьяын, кытчö пырöны венгерскöй, финскöй, эстонскöй, карельскöй, мордовскöй, мари, хант, манси, удмурт кывъяс. Финн-угор нимöн условнöя тайö кыв семьясö шуöны сы вöсна, мый татчö пырö кык уна морта йöз котыр: финнъяс (5 миллион морт) да венгръяс (угоръяс, йöгра) – 15 миллион морт.

Финн-угор кывъя йöз мöда-мöдсьыныс торъялісны квайт сюрс во сайын. И öні найö сöвмöны-олöны ёрта-ёртсьыныс бокын, мукöд кывъя войтыр кытшын. Хантъяс да мансияс (йöгра) олöны Обь ю пöлöн, Урал из сайын. Налöн медматысса рöдвужыс – венгръяс олöны Рытыввыв Европа шöрын, Дунай ковтысын. Финнъяс – Скандинавияын, а налöн матысса рöдвуж – мордва да мари – Волга шöр юкöнын.

Та ылнаö да татшöм дыр торъялöмыс вайöдіс сэтчöдз, мый торъя финн-угор кывъя йöз мöда-мöднысö оз нин гöгöрвоны, либö гöгöрвоöны омöля.

Комилы финн-угор кывъяс пиысь медматын коми-пермяцкöй да удмуртскöй кывъяс. А медся ылісаöн лыддьысьö венгерскöй кыв. Венгръяс важöн нин торъялісны комиысь и олöны медся ылын. Но век жö коми да венгр кывъяс костын öтувъялуныс тыдовтчö и фонетикаын, и морфологияын, и синтаксисын, и лексикаын. Эмöсь кывъяс, кодъяс коми да венгр сёрниын öтмоз шусьöны да кутöны öткодь вежöртас.

 

… удж. Серпас серти тöдмав, кыдзи шусьö нималана коми сьыланкыв, кодöс ёна радейтöны сьывны Финляндияын. Велöдчы сьывны сiйöс финн кыв вылын.

Pioni

Шыладыс В.Мастеницалöн

Кывъясыс Г.Юшковлöн

Вуджöдiс Паула Кокконен

1. Laskee jokeen puronen, puronen, puronen

Kasvaa siella pioni, pioni, pioni.

Pioni ja pioni, pioni ja pioni.

2. Helmiin tarpeen kolme on, nelja on, kolme on

Kukkasista pionin, pionin, pionin.

Pionin ja pionin, pionin ja pionin.

3. Armahani odota, odota, odota

Kahden löytyy pioni, pioni, pioni.

Pioni ja pioni, pioni ja pioni.

4. Kotiin saavun kilisten,helisten, kilisten

Mukana tuon pionin, pionin, pionin.

Pionin ja pionin, pionin ja pionin.

5. Vaan kovasti en kertoile, kertoille, kertoille

Kenen kanssa taittelin pionin, pionin.

Pionin ja pionin, pionin ja pionin.

 

…удж. Лыддьы да гöгöрвоöд шусьöгъяссö. Корсь öткодь вежöртаса шусьöгъяс.

Финнъяслöн:

1. Ас муыд – оз, мöд муыд –сьöд вотöс.

2. Шудтöмлун содтö вежöр, а оз озырлун.

3. Коді нинöм абусьыс лöгасьö, козинтöг бурасьö.

 

Венгръяслöн:

1. Коді водз чеччö, зарни аддзö.

2. Сёяныс сизим кывйöн сёрнитö (сэтшöм чöскыд).

3. Восьтлы вомтö, и ме висьтала, коді тэ.

 

Удмуртъяслöн:

1. Кöк век öтитор кöкö.

2. Надзöн мунан – водзджык воан, тэрмасян кö, мудзан да колян.

3. Чужан кывтö кö вунöдан – и мамтö вунöдан.

 

Комияслöн:

1. Бура кö уджалан, ылöдз и нималан.

2. Дышлуныд став чöскыд сёянсö сёйö.

3. Шедтöм кöчтö сьöкыд кыйны.

 

Эстъяслöн:

1. Ош кутö эн вузав ошсö кыйтöдз.

2. Ставыс, мый дона, - абу на зарни. Зарниысь на донаджык ас муыд.

3. Капустаысь öтдор кö сёйны нинöм, тайö тшыгйыслöн джынйыс на. Капустаыс кö бырас, сэки ина тшыгъялöм лоас.

 

… удж. Лыддьы да тöдмав нöдкывъяссö.

Удмурт:

Öти шырлöн кык бöж. Нёльöн кекöначасьöны, а сюрсöн йöктöны. Вомыс эм, а оз сёрнит, синмыс эм, а оз куньтырав.

Рис. Ноги и хвост лошади, рыба, шнурки.

 

Венгерскöй:

Керкаыс öшиньясöд петіс, а кöзяйкаыс пытшкас коли. Еджыд-еджыд ныв, да платтьöыс вир-яй пытшкас. Кодлöн пельыс мышкас?

Рис. Свечка, рыба в неводе, печная заслонка с ручкой

 

Финскöй:

Öти вöнь, дас пом, ни öти гöрöд абу. Ыджыд лэбач надзöникöн öвтчö, бордъяссьыс ва виялö. Коді кывтöг вочавидзö?

Рис. Эхо – деревъя, слово А-ууу!, лодка с вёслами, рукопожатие

 

Коми:

Вöлыс кöртысь, бöжыс шöртысь. Биын оз сотчы, ваын оз вöй. Кык вок öта-мöднысö некор оз аддзывны.

Рис. Глаза, лёд, иголка с ниткой.

 

Коми-пермяк:

Нэмыс ичöт, а сё паськöм пасьталöма. Абу би, а сотö. Потшöс сайсянь дзор вöв видзöдö войнас.

Рис. Луна, капуста, крапива

 

Мари:

Мамыс еджыд, пиыс гöрд, нылыс сьöд. Мый быдмö вужтöг? Оз сотчы биын,оз вöй ваö,оз керась черöн.

Рис. Гриб, в печи огонь и угли, тень.

 

ﯕ  Öткодяв нöдкывъяссö. Вочавидз юалöмъяс вылö.

Кутшöм сёрникузяясöн вöдитчöмаöсь нöдкывъяс лöсьöдігöн?

Кутшöм образъяс отсöгöн петкöдл

 

… удж Тöдмась текстöн. Лöсьöд план. Дженьдöд текстсö да гиж изложение.

 

Гортыд быдöнлы муса

    Найö олiсны кыкöн: Улляна пöч да сы кодь жö пöрысь Дорофей кань. Олiсны, нинöмысь эз шогсьыны. Улляна пöч ачыс на бергöдiс горт гöгöрсö, а кань гажöдiс сылысь öтка олöмсö.

    Но лёкыд тай кортöг ни виччысьтöг волö.

    Вöлi йирым тöлысь. Корсюрö трачкöдчис нин кöдзыд. Он и тöдлы, пуксяс кузь тöв. Татшöм öти кöдзыд войö и лои неминучаыс. Улляна пöч каньыскöд чöскыда узисны шоныд паччöрын, кор пыдi жырсяньыс öзйöма керканыс.

    Улляна пöжар казялöм бöрын повзьöмысла öдва вермис лэччыны джоджöдзыс. Кватитiсдзöран кияснас каньсö, мыйсюрö аслас кöлуйысьда петкöдiс ывлаö. Кöсйис на мöдысь пыравны, но вöлi сёр нин. Сук тшыныс потшис сылысь туйсö.

    Недыр мысти воисны кусöдчан машинаяс. Час джынйöн бисö вöлi венöма. Но Улляна пöч да Дорофей кань воштiсны шоныд познысö, кöнi олiсны уна во.

    Пикö воöмаяс недыр олiсны орчча керкаысь тöдсаяс ордас, а сэсся пöрысь мортлы сетiсны олан жыр вит судта выль керкаысь. Танi вöлi шоныд и югыд, пöсь и кöдзыд ва воис, газ и. Ов да нимкодясь! Но Улляна пöч некыдз эз вермы вунöдны воддза гортсö. Ёна гажтöмтчис и Дорофей. Сiйö нинöм эз сёй, вошöма моз шöйтiс выль оланiнöд либö пукалiс öдзöс дорас да лёкаысь нявзiс, вöзйысис ывлаö. Улляна эз вермы видзöдны каньлысь шогалöмсö, лэдзис сiйöс ывлаö. Лэдзис и воштiс.

    Дорофей öти лун абу, мöд лун гöлöсыс оз кыв. Вель унаысь Улляна петавлiс ывлаö, чуксалiс каньсö, но весьшöрö. Коймöд луннас пöчö мöдöдчис видзöдлыны важ оланiнсö. Воис керка дорас, да ёкнитiс сьöлöмыс: öшиньясыс жугласьöмаöсь, öдзöсыс гурйыв восьса, гажтöма чурвидзö пач трубаыс. Эз на удит Улляна видзöдлыны жугалöм öшиньöд керка пытшкас, кыдзи паччöрсьыс чеччыштiс бубуля кодь сьöд Дорофей да пуксис öшинь вылас. Кань кургис-леститчис, быттьö прöша корис, но кор Улляна кöсйис сiйöс босьтны моздорас, пыр жö чеччыштiс-кайис паччöрас.

    Кыдзи сöмын эз кор пöчö каньöс, мед сiйö мунас выль оланiнас. Пемдыны нин мöдiс, но Дорофей эз и лэччы паччöрсьыс. Ковмис Улляналы ветлыны матысса лавкаö, ньöбны мыйкö мында посни чери да нуны асныра каньлы. Та бöрын пöчö быд лун волывлiс сотчöм керка дорас, вайлiс Дорофейлы сёян. Думнас пыр на кöсйис нуöдны аскöдыс. Но кань сiдзи эз и кывзысь. Сёяс вайöмторсö, кургыштас-аттьöалас Уллянаöс, сэсся крукыльтас бöжсö да вошö керка пытшкö.

                             И. Коданев серти