Білім ордам – ҚазМАТУ

АР-НАМЫСЫ КОДЕКСІ

Университетте оқитын әр студент құқылы:

- мемлекеттік жалпы білім беру стандарттарына сәйкес білім алуға;

- мемлекеттік және орыс тілінде өзара қарым-қатынас жасауға;

- кітапхана, ақпараттық қорлар, оқу, ғылыми, емдік және басқа да университет бөлімшелері қызметтерін тегін пайдалануға;

- оқу орнындағы тәрбие жұмыстары немесе студенттердің демалуы аясында ұйымдастырылған іс-шараларға баруға;

- моральдық немесе материалдық сыйақы және марапат алуға, оның ішінде атаулы стипендия иегері атануға (ҚР Президентінің және т.б.);

- өзін азамат, тұлға, білім беру үрдісінің субъектісі ретінде құрметтеуге;

- жоғары оқу орынындағы оқуды кескіндейтін, сондай-ақ жекелеген нормативті-құқықтық ережелермен танысып түсінуге, заң туралы актілермен хабардар болуға;

- білім беру үрдісінде кез келген қатысушының құқыққа қарсы әрекеттері туындаған жағдайда құқықтық жағынан қорғануға;

- университеттің ғылыми кеңесі, студенттік өзін-өзі басқару органдары құрамы болып сайлануға;

- білім беру үрдісі және бос уақыт пен тұрмыстық жағдайды жетілдіру мәселесін шешуге қатысуға;

- қолданыстағы заңнамаға сәйкес академиялық демалыс алуға;

- қолданыстағы жоғары кәсіптік білім беретін білім беру органдарында оқитындарды басқа оқу орнына ауыстыру және қайта қабылдау ережесіне сәйкес басқа оқу орнына ауысуға және қайта қабылдануға;

- оқу-тәрбие үрдісінің бұзылу фактілері туралы ақпарат беру кезінде (студенттің сұрауы бойынша) құпиялы болуға;

- оқудан тыс қолы бос уақытта және сапалы білім алуды меңгергенде, ректор мен декан өкімдерін бұлжытпай орындаған жағдайда оқуды жұмыспен қосымша атқаруға;

- жұмысқа орналастыру және еңбек нарығы қажеттілігі туралы бар ақпаратты білуге;

- жатақханадан белгіленген тәртіп бойынша орынмен қамтамасыз етілуге.

 

Университетте оқитын әр студент міндетті:

- ҚазақстанРеспубликасының мемлекеттік рәміздерін білуге және оларға құрметпен қарауға;

- студенттің басты міндеті болып саналатын оқуға жауапкершілікпен қарауға;

- университет жарғысы ережелерін, С.Сейфуллин атындағы ҚазАТУ студенттерінің ар-намысы кодексін, оқу-тәрбие үрдісін кескіндейтін бұйрықтарды және басқа да нормативті-құқықтық құжаттарды білуге және оны сақтауға;

- ішкі тәртіп ережелерін және жатақханада тұру ережелерін сақтауға;

- адамдық қадір-қасиетті, оқу орнында оқитын студенттің, оқытушының, қызметкердің ой-пікірін құрметтеуге және басқа тұлғалардың пікіріне төзімділік танытуға;

- өз мінез-құлқы салдарынан туындаған біреуге күш көрсету арқылы қорқыту немесе ұрып-соғуға, бірін-бірі балағаттауға және дөрекелік танытуға, өзгенің мүлкін ұрлауға, басқаның және оқу орнының жеке мүлкіне қасақана залал келтіруге, бұзақылық немесе басқыншылық әрекеттер жасауға (дөрекі мінез-құлқын көрсету, айқайлау, түкіру, былапыт сөйлеу және т.б.) жол бермеуге;

- студент академиялық адалдығын сақтауға, ақпараттарды алу кезінде бір-бірінен көшіріп алуға, шпаргалка және басқа да заңсыз әдістерді пайдалануға жол бермеуге;

- құжаттарды немесе мәліметтерді боямалап, жасанды жасауға, өтірік және басқа да фактілерді бұрмалауға жол бермеуге;

- шұғыл мән-жайлар бойынша сабаққа қатыспаған жағдайда, сол мән-жайды растайтын құжаттар арқылы (студенттің ауырып қалуы, отбасы және басқа жағдайларға байланысты кенеттен жол жүруі қажеттігі жөнінде) деканатты (бірнеше сағат өткен соң) уақытылы хабардар етуге;

- оқу ақысытуралы Шарт ережелерін міндетті түрде сақтау;

- университеттегі әлеуметтік-мәдени және жеке тұлғаның даму мүмкіндігін толықтай пайдалануға, қоғамдық өмірге белсенді түрде қатысуға;

- оқу тәртібін сақтап, сабаққа кешікпей келуге;

- астаналық жоғары оқу орны мәртебесін өзінің тиімді тәртібімен, оқу және қоғамдық жетістіктерімен бекітуге, мәдени тәртіп сақтап, мұнтаздай таза болуға;

- университет дәстүрін қадірлеп, оны саналы түрде құнттап сақтауға және келесі буын студенттерге тапсыруға;

- ұлттық алауыздықтың, экстремистік ықпал ету және адам құқығын бұзатын әрекеттердің айқындалуына жол бермеуге;

- өз ойын нормаға сәйкес тілмен жеткізуге және былапыт сөз қолдануды болдырмауға;

- салауатты өмір салтын құруға, құрбы-құрдастарының арасында салауатты өмір салтын насихаттауға және қолдауға;

- жүйелі түрде флюорографиялық тексерістен өту;

- университет мүлкін құнттап, оның сақтығына мүмкіндік туғызуға;

- университеттің және оның басқа аймақтарын аббаттандыру және көгалдандыру бойынша іс-шараларға белсенді түрде қатысуға;

- оқу-тәрбие үрдісінің бұзылу фактілері туралы дұрыс және уақытылы ақпарат беруге;

Quot;С.Сейфуллин атындағы Қазақ агротехникалық университеті студентінің ар-намысы кодексі" ережелері бұзылған жағдайда студент жауапқа тартылуы мүмкін, ал аса дөрекелік танытып немесе бірнеше рет өрескел құқық бұзса студент университеттен шығарылады.

Таныстым, сақтауға міндеттімін:

С.Сейфуллин атындағы Қазақ агротехникалық университеті _____________________________

^{(факультет)}

_____________________________________________________ студенті ___________________

___________________________________________________________________ ___________
^{(аты-жөні толығымен) (қолы)}

Білім ордам – ҚазМАТУ

муз. Марат Сарбупеев сл. Марат Сарбупеев, Мейіржан Алиакбаров

аранж. Арман Мукашев

1. Білім отын жаққан,

Жастық жалын атқан,

Киелі Ақ орда бесігім.

Таңғы арманым,

Бақыт жолын тапқан,

Көкке қанат қаққан,

Бастайды ілімге қадамдарын.

Қайырмасы: Сәлем, алтын ордам

Өнер, білім жанған

Сәкен бабам қолдап,

Өмір жолын жалғап,

Жұлдыздай жарқырай бер мәңгі!

Сәлем, алтын ордам

Өнер, білім жанған,

Ұл қыздарың бақыт,

Жұлдыздарың жаһұт.

Қырандай самғай бер сен мәңгі.

2. Из года в год, друзья,

Торопимся сюда.

Как прежде соединяет всех нас Астана.

Мелодии слова

Поет сама душа,

На праздник нас зовет КазГАТУ.

3. Жылдан жылға жалғап,

Сағынышын жолдап,

Ән болып теңіздей тербеткен – Ақ орда.

Баба жыры туған.

Арман оты жанған,

Ұшырған биікке ҚазМАТУ.