октября.Среда. Прп. Кириа́ка отшельника

Служба прп. Кириака шестеричная, совершается вместе со службой Октоиха.

На вечерне кафизма 9-я (которая не была прочитана на утрене вторника).

На «Господи, воззвах» стихиры преподобного, глас 8-й:

Стра́сти победи́в теле́сныя / воздержа́ния уздо́ю, / чудоде́йственне Кириа́че, / безстра́стия во све́тлую, о́тче, оде́ялся еси́ ри́зу, / и всю зло́бу обнажи́л еси́ / дре́вле пра́отцы обнажи́вшаго, / и ны́не обита́еши в раи́, всегда́ веселя́ся, // Моли́ спасти́ся душа́м на́шим. (дважды)

Нося́ крест на ра́мех твои́х, / после́дствовал еси́ Христу́ невозвра́тным по́мыслом, / жите́йских сласте́й небре́г, Кириа́че, / и стра́сти умертви́в теле́сныя / спротяже́нными бде́нии и моли́твами, / благода́ть взял еси́, преподо́бне, / лечи́ти неду́ги. // Моли́ спасти́ся душа́м на́шим. (дважды)

В пусты́ню всели́лся еси́, преподо́бне, / пи́щу, Кириа́че, го́рькое бы́лие творя́, / и, чу́вство огорчева́я, / душе́вныя сла́сти / из ко́рене истерза́л еси́, блаже́нне, / тем тя Небе́сное наслажде́ние по кончи́не прия́т, / а́нгельски пожи́вша. // Моли́ спасти́ся душа́м на́шим. (дважды)

«Слава» – преподобного, глас тот же:

Мона́хов мно́жества / наста́вника тя почита́ем, о́тче наш Кириа́че, / твое́ю бо стезе́ю вои́стинну пра́во ходи́ти позна́хом. / Блаже́н еси́, Христу́ рабо́тав, / и вра́жию обличи́л еси́ си́лу, / Ангелов собесе́дниче, преподо́бных соприча́стниче и пра́ведных, / с ни́миже моли́ся Го́сподеви, // поми́ловатися душа́м на́шим.

«И ныне» – Крестобогородичен Минеи, глас тот же:

А́гница, А́гнца я́ко ви́де/ на Дре́ве просте́рта во́лею кре́стнем,/ вопия́ше Ма́терски,/ боле́знующи с пла́чем:/

Сы́не Мой, что стра́нное сие́ виде́ние?/ Всем жизнь дая́й, я́ко Госпо́дь,/ ка́ко умерщвля́́ешися, Долготерпели́ве,/ земны́м подая́ воскресе́ние?// Сла́влю Твое́ мно́гое, Бо́же Мой, снизхожде́ние.

Входа нет. Прокимен дня.

На стиховне стихиры Октоиха, глас 7-й:

Не ктому́ возбраня́еми есмы́ Дре́ва живо́тнаго, упова́ние иму́ще Крест Твой, Го́поди сла́ва Тебе́.

Стих: К Тебе́ возведо́х о́чи мои́, живу́щему на небеси́. Се я́ко о́чи раб в руку́ госпо́дий свои́х, я́ко о́чи рабы́ни в руку́ госпожи́ своея́: та́ко о́чи на́ши ко Го́споду Бо́гу на́шему,/ до́ндеже уще́дрит ны.

Пове́шен быв на Дре́ве Безсме́ртне, разруши́л еси́ се́ти диа́воли, Го́споди сла́ва Тебе́.

Стих: Поми́луй нас Го́споди, поми́луй нас, я́ко по мно́гу испо́лнихомся уничиже́ния: наипа́че напо́лнися душа́ на́ша поноше́ния гобзу́ющих/ и уничиже́ния го́рдых.

Неради́вше о всех земны́х святи́и му́ченицы, и на суди́щи Христа́ му́жески пропове́давше, возме́здия о му́ках от Него́ прия́сте: но я́ко иму́ще дерзнове́ние, Того́ умоли́те, я́ко всеси́льнаго Бо́га, ду́шы на́шя спасти́, притека́ющих к вам, мо́лимся.

«Слава» – преподобного, глас 6-й:

Преподо́бне о́тче, / во всю зе́млю изы́де веща́ние исправле́ний твои́х, / тем на Небесе́х обре́л еси́ мзду трудо́в твои́х, / де́монов разруши́л еси́ полки́, / Ангелов пости́гл еси́ чи́ны, / и́хже житию́ непоро́чно поревнова́л еси́. / Дерзнове́ние име́я ко Го́споду, // мир испроси́ душа́м на́шим.

«И ныне» – Крестобогородичен Минеи, глас тот же:

Ви́дящи Тя распина́ема, Христе́,/ Тебе́ Ро́ждшая вопия́ше:/ что стра́нное, е́же ви́жу, та́инство, Сы́не Мой?/ Ка́ко на Дре́ве умира́еши,/ пло́тию пове́шен,// жи́зни Пода́телю?

По Трисвятом – тропарь преподобного, глас 1-й:

Пусты́нный жи́тель, и в телеси́ Ангел, / и чудотво́рец показа́лся еси́, богоно́се о́тче наш Кириа́че, / посто́м бде́нием, моли́твою Небе́сная дарова́ния прии́м, / исцеля́еши неду́жныя и ду́ши ве́рою притека́ющих к тебе́. / Сла́ва Да́вшему тебе́ кре́пость, / сла́ва Венча́вшему тя, // сла́ва Де́йствующему тобо́ю всем исцеле́ния.

«Слава, и ныне» – Крестобогородичен по гласу тропаря, от меньших:

Твое́ предста́тельство иму́ще, Пречи́стая,/ и Твои́ми моли́твами лю́тых избавля́еми,/ Кресто́м Сы́на Твоего́ везде́ соблюда́еми,// по до́лгу Тя вси благоче́стно велича́ем.

На утрене на «Бог Господь» – тропарь преподобного, глас 1-й (дважды). «Слава, и ныне» – Крестобогородичен по гласу тропаря, от меньших: «Твое́ предста́тельство...».

Кафизмы 10-я, 11-я и 12-я. Малых ектений нет. Седальны Октоиха. Псалом 50-й.

Каноны: Октоиха 1-й со ирмосом, без мученичнов, на 4 (ирмосы единожды), 2-й на 4 и преподобного на 6.

Библейские песни «Господеви поем…».

Катавасия по 3-й, 6-й, 8-й и 9-й песнях – ирмосы канона Минеи.

По 3-й песни – ин кондак преподобного, глас 8-й; седален преподобного, глас 5-й (дважды). «Слава, и ныне» – Крестобогородичен Минеи, глас тот же.

По 6-й песни – кондак и икос преподобного, глас 2-й.

Конда́к, глас 2:

Чистото́ю душе́вною боже́ственно вооружи́вся / и непреста́нную моли́тву, я́ко копие́, вручи́в, кре́пко, / ссекл еси́ де́монская ополче́ния, // Кириа́че, о́тче наш: // моли́ся непреста́нно о всех нас.

На 9-й песни поем «Честнейшую».

По 9-й песни поется «Достойно есть». Ексапостиларий Октоиха. «Слава» – светилен преподобного, «И ныне» – Крестобогородичен Октоиха.

«Хвалите Господа с Небес…» и хвалитные псалмы.

Читается вседневное славословие.

На стиховне стихиры Октоиха, глас 7-й:

Влады́ка сый человеколю́бче Жизнода́вче, искупи́л еси́ Кресто́м Твои́м вселе́нную, Го́споди, сла́ва Тебе́.

Стих: Испо́лнихомся зау́тра ми́лости Твоея́, Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я. И при́зри на рабы́ Твоя́, и на дела́ Твоя́, и наста́ви сы́ны их.

На Кресте́ пригвозди́ся лоза́ и́стинная, и обима́ша язы́цы рай с разбо́йником: сия́ сла́ва церко́вная, сие́ бога́тство Ца́рствия. Пострада́вый нас ра́ди, Го́споди, сла́ва Тебе́.

Стих: И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.

Свети́ла яви́шася вселе́нней всехва́льнии страстате́рпцы Христо́вы, вопи́юще: Го́споди, сла́ва Тебе́.

«Слава» – преподобного, глас 5-й:

Преподо́бне о́тче, / не да́л еси́ сна́ твои́м очесе́м, / ни ве́ждом твои́м дрема́ния, / до́ндеже ду́шу и те́ло от страсте́й свободи́л еси́, / и тебе́ сама́го угото́вал еси́ Ду́ху жили́ще. / Прише́д бо Христо́с со Отце́м, / оби́тель у тебе́ сотвори́: / и Единосу́щныя Тро́ицы уго́дник бы́в, / великопропове́дниче, о́тче на́ш Кириа́че, // моли́ся о душа́х на́ших.

«И ныне» – Крестобогородичен Минеи, глас тот же:

Егда́ Гро́зда невсажде́нна,/ Его́же, я́ко розга́, прорасти́,/ узре́ на Дре́ве ви́сяща/ и копие́м пробода́ема Боже́ственная ре́бра:/ что се, глаго́лаше, Сы́не и Бо́же?/ Ка́ко, И́же неду́ги вся и стра́сти исцели́вый,/ Страсть прие́млеши,/ Безстра́стный по естеству́ сый Божество́м?/ Что Ти невозблагода́тнии лю́дие,/ Благоде́телю, сия́ возда́ша вме́сто благодея́ний?/ вопия́ше Пречи́стая./ Но Того́ Страстьми́ от страсте́й мя изба́вити/ моли́ся непреста́нно,// я́ко да сла́влю Тя.

По Трисвятом – тропарь преподобного, глас 1-й. «Слава, и ныне» – Крестобогородичен по гласу тропаря, от меньших: «Пречи́стая Богоро́дице...».

На часах – тропарь преподобного. Кондаки преподобного читаются попеременно.

На Литургии блаженны Октоиха – 4 и преподобного, песнь 3-я – 4.

По входе – тропари и кондаки:

В храме Господском – тропарь дня: «Спаси, Господи…», тропарь преподобного; кондак преподобного, ин кондак преподобного. «Слава» – «Со святыми упокой…», «И ныне» – кондак дня: «Вознесыйся на Крест…».

В храме Богородицы – тропарь дня: «Спаси, Господи…», тропарь храма, тропарь преподобного; кондак дня: «Вознесыйся на Крест…», кондак преподобного, ин кондак преподобного. «Слава» – «Со святыми упокой…», «И ныне» – кондак храма.

В храме святого – тропарь дня: «Спаси, Господи…», тропарь храма, тропарь преподобного; кондак дня: «Вознесыйся на Крест…», кондак храма, кондак преподобного, ин кондак преподобного. «Слава» – «Со святыми упокой…», «И ныне» – «Предстательство христиан…».

Прокимен, аллилуиарий и причастен – дня и преподобного.

Апостол и Евангелие – дня и преподобного.