Тексты для выполнения задания. 1. Наказание от отца к сыну

”Домострой” *

1. Наказание от отца к сыну. Благословляю аз грешный, имя рек, и получаю, и наказую [учу, поучаю, наставляю], и вразумляю сына своего, имя рек, и его жену, и их чад домочадцев: быти во всяком христианском законе, и

во всякой чистой совести и правде; с верою творящие волю божию и храняще заповеди его; себе утверждающие во всяком страсе божии и храняще заповеди его; себе утверждающие во всяком страсе божии и в законном жительстве; и жену поучающе, такоже и домочадцев своих наказующе; не нужею, ни ранами, ни работою тяжкою; имеющие яко дети, во всяком покое; сыты и одены, и в теплом храме, и во всяком устрое. И вдаю вам християнскому жительству писание се на память и вразумление: вам и чадам вашим. Аще сего моего писания не внемлете и наказания не послушаете, и потому не учнете жити, и не тако творити, яко же есть писано, сами себе ответ дадите в день страшного суда; и аз вашим винам и греху не причастен, кроме моея души; аз о сем всяком благочинии благославлял, и плакал, и молил, и поучал, и писание предлагал вам; и еще воспримете сие мое худое учение и грубое наказание, и сие со всею чистотою душевною; и прочитай, прося у бога помощи и разума, порелику возможно, как бог вразумит вас; и начнете делом творити вся си: будет на вас милость божия, и пречистыя богородицы, и великих чудотворцев, и наше благословение, отныне; и до века, и дом ваш, и чада ваша, и стяжание ваше, обилие ваше, что вам бог подаровал от нашего благословения и от своих трудов, да будет благословенно, исполнено всяких благ, во веки, аминь. [...]

15. Како детей своих воспитати во всяком наказании и страсе божии. А пошлет бог, у кого дети, сынове или дщери, ино имети попечение отцу и матери о чадех своих: снабдити их и воспитати в добре наказании; и учите страху божию и вежеству и всякому благочинию; и, по времени и детем смотря и по возрасту, учити рукоделию; матери дщери, а отцу сынове, кто чего достоин, каков кому просуг [дарование, способность] бог даст; любити их, и беречи, и страхом спасати. Уча и наказуя, и рассуждая раны возлагати; наказуй дети во юности, покоит тя на старость твою; и хранити, и блюсти о чистоте телесней, и от всякого греха, отцем чад своих, яко же зеницу ока и яко своя душа. Аще что дети согрешают отцовым и матерним небрежением, им о тех гресех ответ дати и день страшного суда. А дети, аще небрегомы будут, в ненаказании отцов и матерей, аще что согрешат или что зло сотворят, и отцем и матерем, с детьми, от бога грех, а от людей укор и посмех, а дому тщета, а себе скорбь и убыток, а от судей продажа и соромота. Аще у богобоязливых родителей, и у разумных и благорассудных, чада воспитани в страсе божии, и в добре наказании, и в благорассудном учении, всякому разуму и вежеству, и промыслу, и рукоделию, и те чада с родители своими бывают от бога благословены, а от добрых людей хвалими;

а егда будут в совершене возрасте, добрые люди, с радостию и с благодарением, женят сыновей своих помиловани, а от священнаго чину по своей версте [соответственно своему положению], по суду божию; а дщери за их дети замуж выдают. И аще от таковых, которое чадо бог возьмет, в покаянии и с причастием; то от родителю бесскверная жертва к богу приносится, и в вечные кровы вселяются; а имеют дерзновение у бога милости просити, и оставление грехов и о родителях своих. [...]

17. Како дети учити и страхом спасати. Казни сына своего от юности его, и покоит тя на старость твою, и даст красоту душе твоей. И не ослабляй, бия младенца: аще бо жезлом биеши его, не умрет, но здравее будет, ты бо, бия по телу, душу избавляеши от смерти. Дщерь ли имаши: положи на них грозу свою, соблюдеши я от телесных; да не посрамиши лица своего, да в послушании ходит; да не свою волю приимши, и в неразумии сотворится знаем твоим в посмех, и посрамят тя перед множеством народа; аще бо отдаси дщерь свою без порока, то яко велико дело совершиши, и посреди собора похвалишися; при концы не постонеши на ню.

Любя же сына своего, учащай ему раны, да последи о нем возвеселишься. Казни сына своего измлада, и порадуешися о нем в мужестве: и посреди злых похвалишися, и зависть примут враги твои. Воспитай детище с прещением [в строгости] и обрящеши о нем покой и благословение. Не смейся к нему, игры творя: в мале бо ся ослабиши, в велице поболиши, скорбя; и после же яко оскомины твориши душе твоей. И не дажь ему власти во юности, но сокруши ему ребра, донележе растет, а, ожесточав, не повинет ти ся; и будет ти досажение, и болезнь души, и тщетна домови, погибель имению, и укоризна от сусед, посмех пред враги, пред властию платеж и досада зла. [...]

Антология педагогической мысли Древней Руси и

Русского государства ХIV — XVII вв.

/Сост. С.Д.Бабишин, Б.Н.Митюров.

– М., 1985. – С.223–225.