Вольф-Паркинсон-Уайт синдромы. 1 страница

1. 2.

2. 1, 2, 5.

3. 1.

4. Нег. ауруы: Жедел гломерулонефрит, классикалық триадалық жайылма варианты (несептің патологиялық тұнбасы, бүйректік ісіну, нефрогенді АГ синдромдарымен).

Асқ.: ЖШФК_I.

5. 1.

Клиникалық жағдай N9

31 жастағы ер кiсi, инженер, қабылдау бөлiмiне өздігінен келді, шағымдары: басының сыздап ауыруы, белiнiң ауыруы, тез шаршағыштық.

Анамнезiнен: 13 жасында бүйрек ауруымен 2 ай стационарда емделген, 10 жыл бойына шағымдары болмаған. 23 жасынан басының ауруы, бас айналуы, АҚ 160-170/90-100 мм сын. бағ. дейiн жоғарылауы мазалаған, ЖДП қабылдауында болып, антигипертензиялық дәрмектермен жүйесiз, нәтижесіз емделген. Бала кезiнен баспасы бар, қатты суықтаудан кейiн соңғы 5 күнде жағдайы төмендеген. Қолындағы анализдерден – ШФ 88мл/мин.

Об-тi: терi жамылғылары қуқыл, бетi домбыққан, қабақтары iсiнген. Жүректiң шала тұйықтық шегiнің сол шегі сол бұғана орта сызығында, тондары тұйықталған, ырғақты, аорта үстiнде II тонның акцентi, жүрек ұшында систолалық шу. Пульсi 88 минутына, ырғақты, кернеуi жоғары. АҚ 170/110 мм сын. бағ. Қағу симптомы екi жағында да теріс.

 

1. Болжам диагнозын құрастырыңыз.Тексеру жоспары. Жетекші синдромдарына сүйеніп, дифференциялық диагнозын жүргізіңіз.

2. Ем тағайындаңыз, мамандармен кеңесіңіз, әрi қарайғы тактикаңыз.

3. ЖДП жiберген қателерiн талдаңыз.

N9. Жауаптары:

1. Нег. ауруы: Созылмалы гломерулонефрит, гипертензиялық варианты. БСА (ХБП) 2 сатысы (ШФ жылдамдығы 88мл/мин). ҚЖА (6 параметрлері мен ретикулоциттер, гипохромды эритроциттердің пайызы); креатинин, қан электролиттері, глюкозасы, протеинограмма, сары су темірі, ферритин, НЖА, Нечипоренко сынамасы, несеп белоктарының элетрофорезі, Кокрофт-Голт сынамасымен креатинин деңгейі, холестерин, ЭКГ, ЭхоКГ, УДДЗ, АҚТМ (СМАД), бүйрек биопсиясы. Жетекші синдромы – АГ, бала кезінен дамығандықтан бүйрек тамырларының патологиясын жоққа шығару керек (УДДЗ – ультрадыбыстық допплерлік зерттеу).

2. Бүйрек биопсиясына келіссе, стационарлық емге жіберіледі. Нефролог кеңесі керек, науқас өмір бойы емделуі керек: антигипертензиялық дәрмектерден ұзақ әсерлілерін (ААФ ингибиторларынан – периндоприл, рамиприл т.б.; кальций антагонистерінен – лаципил, верапамил т.б.); ГКС биопсия нәтижесі мен нефролог кеңесімен тағайындалады.

3. Гломерулонефриті бар науқастар АҚ, сұйықтық балансын есептеп жазып жүретін күнделік арнауы керек; БСА үшінші сатысына дейін терапевт, ЖДП емделетіндіктен ем нәтижелілігінің индикаторларын қолдану қажет: белокты тәуліктік жоғалтуы 1г/тәу. аз болуы; АҚ 140/90 мм сын. бағ. төмен; Нв деңгейі 130г/ артық; жалпы белогі 60г/л, альбумині 35г/ кем болмауы қажеттігін есептеп, осы көрсеткіштерге қол жеткізіп отыру керек.

Клиникалық жағдай N10

 

47 жастағы жұмысшы әйел стационарға келесi шағымдармен түстi: субфебрильдi қызба, бел аймағының оң жағының басым сыздап ауырсынуы, аузының құрғауы, кiшi дәретке жиi баруы, басының мезгiл-мезгiл ауруы.

Анамнезiнен: бала кезiнде жедел пиелонефритпен ауырған, күйеуге шыққан соң, несепке барғанда кесiп ауырсыну пайда болған, анализiнде белок пен лейкоциттер анықталған. Шөптердiң тұнбаларымен емделген.

Соңғы 5 жылда кезеңдермен белi ауырып, несепке отырғанда кесiп ауырсынулар, несепке тәулiгiне 10 шақты рет баруы мазаласа да, өздiгiнен бұлаулар жасап, ампициллин iшiп жүрген. Соңғы өршуi 3 апта бұрын басталған.

Об-тi: жалпы жағдайы қанағаттанарлық, терi жамылғылары қуқыл. Өкпесiнде везикулалық тыныс. Жүректiң сол шала тұйық дыбыс шегi сол бұғана орта сызығында. Жүрек тондары тұйықталған, ырғақты, ЖСС 78 минутына, АҚ 170/105 мм сын. бағ. Пульсi 78 мин., кернеуi жоғары. lшi жұмсақ, ауырсынусыз. Қағу симптомы екi жағында да оң.

Қан анализiнде: эр. 4,5х10¹²/л, гем. 110 г/л, ТК 0,9, лейк. 8,9х10⁹/л, эоз. 1%, т/я 6%, с/я 60%, лимф. 25%, мон. 8%, ЭТЖ 35 мм/сағ.

Несеп анализiнде: түсі лайланған, тығыздығы 1,008, реакциясы қышқыл, белогі 0,066 г/л, лейк. 20-30 к/а, жаңа эрит. 1-0 к/а, оксалаттар +++. Зимницкий сынамасы: тығыздық тербелiсi 1006-1014, күндiзгi диурезі 720 мл, түнгi диурезі 1040 мл, тәулiктiк диурезі 1760 мл.

Бүйректің УДЗ: екi бүйректiң де тостағанша-астауша кешендерiнiң кеңеюi, бiрлi-екiлi микролиттер анықталды.

 

1. Жетекші синдромдарын анықтаңыз, күдікті аурулар тізімін жасаңыз. Сәйкес тексеру жоспарын құрыңыз (гинеколог кеңесі қажет пе?). Дифференциялық диагнозы. Клиникалық диагноз.

 

2. Ем тағайындаңыз, әрi қарайғы тактикаңыз.

3. Мөлтектiк дәрiгердiң жiберген қателерiн талдаңыз.

N10. Жауаптары:

1. Несептің патологиялық тұнба синдромы, инфекциялық-қабынулық, созылмалы ағымды, несептің тығыздығының азаюы – бүйрек бүрісуінің белгісі болуы мүмкін. Нефрогенді АГ синдромы – ДАҚ жоғарылауы басым, никтурия мен гипо-изостенурия бүйрек бүрісуінің, сол себепті АГ РААЖ іске қосылуының дәлелдері. БСШ синдромы. Тексеру жоспарын хаттамаға сай жасаңыз, уролог, гинеколг кеңестері қажет. ДД созылмалы гломерулонефритпен жүргіземіз: УДЗ екi бүйректiң де тостағанша-астауша кешендерiнiң кеңеюi гломерулонефритті жоққа шығартады.

Нег. ауруы: Созылмалы екіншілік пиелонефрит, рецидивтеуші түрі, өршу фазасында.

Асқ.: Нефрогендік симптомдық артериялық гипертензия.

Фондық ауруы: Созылмалы цистит. Несеп қышқыл диатезі. Тынжы-тас ауруы?

2. Стационар алмастырушы – күндізгі стационарда емдеп, есепке алып, емдеу шараларының жоспарын құрамыз: ұзақ уақыттық ремиссияға қарсы (6 айдан 24 айға дейін) антибактериялық ем (әр айдың алғашқы аптасында); фитотерапиялық ем (әр айдың екінші декадасында), микроциркулянттар.

3. Актив кезінде науқасты есепке алу шараларынан өткізіп, жоспарлы ем жүргізсе, НСА асқынбас еді.

Клиникалық жағдай N11

48 жастағы әйел, клиниканың нефрология бөліміне келесi шағымдармен түстi: жалпы әлсiздiк, шөлдеу, аузының құрғауы, тәбетiнiң нашарлауы, басының ауруы мен айналуы, ентiгу, бетi мен аяқ-қолдарының iсiнуi.

20 жылдан бері өзiн қантты диабетпен науқас санайды. Эндокринологта инсулиннiң инъекциялық түрлерімен емделедi, қандағы қант деңгейi 6,2-7,0 ммоль/л деңгейiнде қадағаланған, соңғы 3 жылда несебiнде белок табылып жүрген. 6-8 ай көлемiнде жалпы жағдайы ауырлап, көңіл-күйі төмендеген, басы ауырып, қол аяқтарындағы өтпелi iсiнулердi, АҚ жоғарылауын, көз көруiнiң нашарлауын байқаған. Қанттың қандағы және несептегi деңгейi жоғарылап, инсулинмен ем жүргiзу қиындаған.

Об-тi: жалпы жағдайы орта ауырлықта, терi жамылғылары қуқыл, құрғақ. Бетiнде, аяқ басында iсiну. Өкпесiнде везикулалық тыныс, тыныс жиiлiгi 20 мин. Жүрек тондары тұйықтау, ырғақты. Пульсi 88 мин., толуы мен кернеуi қанағаттанарлық. АҚ 195/105 мм сын. бағ. lшi жұмсақ, бауыры қабырға доғасынан 4см төмен, жұмсақ консистенциялы, шетi доғал, ауырмайды.

Қан анализiнде: эр. 3,2х10¹²/л, Нв 100 г/л, түстiк көрсеткiшi 0,9, ЭТЖ 17 мм/сағ.

Несеп анализi: сабан сары, қышқыл реакциялы, мөлдiр, тығыздығы 1022, белогi 1,32 г/л, эпителий мен эритроциттерi 3-4 к/а, лейк. 5-7 к/а. Тәулiктiк несебiндегі (2100 мл) қант мөлшері – 0,5%.

Қан глюкозасы 7,2 ммоль/л, мочевинасы 8,3 ммоль/л, креатининi 134 мкмоль/л.

 

1. Жетекші синдромдарын анықтаңыз, күдікті аурулар тізімін жасаңыз. Сәйкес тексеру жоспарын құрыңыз. Клиникалық диагнозы.

2. Ем тағайындаңыз, әрi қарайғы тактикаңыз, болжамы.

N11. Жауаптары:

1. Гипергликемия, полидипсия, полиуриялық синдром; несептің патологиялық тұнба синдромы; нефрогенді АГ; БСА (ХБП), гепатомегалия. Бұл синдромдардың бір науқастағы топтамасы қантты диабеттің І типінен, диабеттік микроангиопатиядан күдіктендіреді. Бірақ глюкозуриясы бар жағдайларда созылмалы пиелонефриттің қосылуы заңдылық болғандықтан, созылмалы пиелонефритке де тексерулер қажет.

Нег. ауруы: Диабеттік нефропатия (гломерулосклероз), симптомдық артериялық гипертензия.

Фондық ауруы: Қантты диабет, I типті, ауыр барысты, декомпенсацияланған.

Асқ.: Диабеттік гепатопатия (майлы гепатоз).

2. Емді эндокринологпен, нефрологпен консилиум барысында тағайындау керек.

Клиникалық жағдай N12

24 жастағы науқас төс артындағы күштi, екi қолына тарайтын,сығып ауырсынуға шағымданады. Емханалық картасынан – аорта коарктациясы бар. АҚ екi қолында да 200/100 мм сын. бағ. тіркелген.

Об-тi: жалпы жағдайы ауыр, терi жамылғылары қуқыл, малшынып терлеген. Тыныс жиілігі 36 рет минутына, дене қызуы 37,2⁰С. Өкпесiнде везикулалық тыныс. Жүрек тондары әлсiзденген, ырғақты, аорта үстінде және жауырын арасында систолалық шу. АҚ оң қолында 150/100 мм сын. бағ., сол қолында 100/70 мм сын. бағ. Пульсі 100 рет минутына, ырғақты, екі қолында әртүрлi, сол қолында кiшкентай, жұмсақ, бос; оң қолында үлкен, толық, қатты. Аяқтарындағы АҚ 120/80 мм сын. бағ., пульстiк толқыны кешiгулi. Iшi жұмсақ, ауырсынусыз, бауыры, талағы үлкеймеген.

Қанның жалпы анализiнде: эритр. 3,5x10¹²/л, гемогл. 95 г/л, түстік көрсеткіші 0,8, лейк. 10,5x10⁹/л, т/я 3%, с/я 72%, лимф. 20%, мон. 5%, ЭТЖ 18 мм/сағ.

Несептің жалпы анализі патологиясыз.

Офтальмоскопияда көз түбiнiң гипертониялық ангиопатиясы.

1. ЭКГ: синусты ырғақ, R_І+S_III=28 мм; RV₅,V₆ 22 мм; RV₆>RV₅>RV₄. ЭКГ тұжырымды жасаңыз:

1. Сол қарынша гипертрофиясы

2. Жүректiң оң бөлiктерiнiң күштенуi

3. Қос қарынша гипертрофиясы

4. Гис будасының сол аяғының блогі

5. Атриовентрикулдік блок, I дәрежелi

 

2. Кеуде сарайының рентгенограммасында аорта көлеңкесiнiң ұлғаюы, қабырғалардың төменгi қырларының кертiлуi (узуры) анықталды. Қабырғалардың төменгi қырларының кертiлуi (узуры) келесi жағдайда болады:

1. Анкилоздаушы спондилоартритте

2. Аорта коарктациясында

3. Миеломлық ауруда

4. Идиопатиялық остеопорозда

5. Сүйектiк саркомада

 

3. Аортаграфияда аортаның контуры жұптасқан түрде. Аортаның жұптасқан контуры тән:

1. Аорта атеросклерозына

2. Такаясу ауруына

3. Аортаның асқынбаған аневризмасына

4. Аортаның қабаттары ажыраған аневризмасына

5. Сифилистiк аортитке

4. Келесi күнi АҚ 70/30 мм сын. бағ. дейiн үдемелi кемуi басталды. Аорта үстiнде диастолалық шу естiлдi. Артынша оң жақты гемиплегия, сол плевра қуысына сұйықтық жиналып, шок дамыды. Диагнозын жазбаша құрыңыз.

5. Асқынулар дамығанға дейiн қандай ем жүргiзілуi керек едi?

1. Бiр топты қан құю

2. Нейролептоанальгезия

3. Антикоагулянттар беру

4. Массивтi антибактериялық ем

5. Аортаның тарылған жерiн резекциялап, ұштарын тiгу немесе алынып тасталған жердi протезбен, болмаса, трансплантантпен ауыстыру.

N12. Жауаптары:

1. 1.

2. 2

3. 4.

4. Нег. ауруы: Аорта коарктациясы.

Асқ: Симптомдық гемодинамикалық (региондық) гипертензия, жүрек, ми тамырларының зақымдануымен. Аортаның қабаттары ажыраған аневризмасы, аневризманың жарылуы, гемоторакс. Ми қан айналымының сол гемисферадағы жедел бұзылысы. Ауырсынулық-геморрагиялық шок.

5. 5.

Клиникалық жағдай N13

29 жастағы ер кiсi емханаға келесi шағымдармен келді: дене қызуының 39⁰С көтерiлуi, балтыр бұлшықеттерiнiң ауыруы, iрi буындарындағы ауырсыну, парестезиялар, жүрек қағуы, физикалық күшке ентiгу, тәбетiнiң төмендеуi, қатты жүдеу, жалпы әлсiздiк.

Өзiн үш ай бойы науқас санайды. Жолсапарда жүргенде аяқтарында ауырсыну пайда болған, оны физикалық күшпен және суықтаумен байланыстырған. Жалпы әлсiздiк пайда болып, дене қызуы көтерiлген. Өз бетiнше ацетилсалицил қышқылын қабылдаған, дене қызуы 37,8⁰С төмендеген, бiрақ жалпы жағдайы ауырлай түскен. Жарты жыл бұрын жедел пневмониямен ауырған.

Объективтi: қарағанда науқас гипостеник, терiсi қуқыл, аяқтарындағы бұлшықетiнiң атрофиясы байқалады, сол аяқ басында сезiмталдық өте төмендеген. Қар (плечевая) артериясының бойымен майда түйiншелер пальпацияланады. Өкпесiнде әлсiз везикулалық тыныс. Жүрек шала тұйық дыбысының сол шегi 1 см кеңейген. Жүрек тондары әлсiреген, ырғақсыз, экстрасистолия. АҚ 190/100 мм сын. бағ. Пульсі 92 минутына, қанағаттанарлық кернеулi, толуы қалыпты. Бауыры мен талағы үлкеймеген.

Қанның жалпы анализiнде: Нв 115 г/л, эр. 3,3х10¹²/л, т/к 1,0, лейк. 10х10⁹/л, эоз. 11%, т/я 2%, с/я 60%, лимф. 24%, мон. 3%, ЭТЖ 40 мм/сағ.

Несептiң жалпы анализiнде: тығыздығы 1014, белогі 0,099 г/л, ескiрген эритроциттер 4-5 к/а, гиалиндi цилиндрлер 1-2 к/а.

ЭКГ: ырғақ көзi синусты, ырғақсыз, ЖСС 90 минутына, ЖЭӨ солға ығысқан, қарыншалық ЭС. Сол қарынша гипертрофиясы. Сол қарыншаның алдыңғы қабырғасының ошақты өзгерiстерi.

 

1. Клиникалық синдромдарды бөліп, күдікті аурулар тізімін жасаңыз. Тексеру жоспарын құрыңыз. Диагнозы.

2. Болуы мүмкiн асқынуларды атаңыз.

3. Мамандармен кеңесіңіз. Емiн жүргiзiңiз.

N13. Жауаптары:

1. Тамырлардың жүйелі зақымдану (жүйелі васкулит) синдромы: ұзақ уақыттық қызба; қабынулық; несептің патологиялық тұнба және САГ; жүрек ырғағының бұзылу синдромдары. Тексеру жоспары клиникалық минимумнан басқа протеинограмманы, иммунограмманы, ЭхоКГ, тамырлардан биопсияны қамтиды.

Негізгі ауруы: Жүйелі васкулит: түйінді периартериит, классикалық варианты (коронариит, миокардтың ошақты инфаркті, гломерулонефрит, несеп және АГ синдромдарымен, полиневрит, терілік-тромбоангиит), тез меңдейтін барысты, активті фазасы.

Асқ.: ЖШФК_II; БСШ_I; аяқ бұлшық еттерінің атрофиясы.

2. Миокардтың инфаркті, бүйрек инфаркті, ми қан айналымының бұзылыстары, бүйректің жедел және созылмалы шамасыздығы.

3. Ревматолог, кардиолог кеңестері қажет. Емі кешенді, негізінен стационарда басталып, ЖДП жалғасады: ЦТС жүйелі қабылдайды, экстракорпустық (плазмаферез), антикоагулянттар, антиагреганттар, ҚҚСЕД, симптомдық (антигипертензиялық, полиневриттің емі, коронарлы шамасыздықтың емі).

Клиникалық жағдай N14

 

20 жастағы науқас қабылдау бөліміне тыныш қалыптағы ентiгу, қан қақыру, қызуының 38⁰С көтерiлуi, жүрек айнуы, жалпы әлсiздiк шағымдарымен түстi.

Анамнезiнде: соңғы бiр жыл iшiнде екi рет пневмониямен ауырған. Қан қақыру, жөтел тоқтамаған соң туберкулезге тексерілген, дәлелденбеген. Үш ай бұрын тұмаудан соң жалпы жағдайы ауырлаған, жөтелі күшейген, қан қақыруы көбейген, ентiгу, қызба қосылған. Қан анализiнде анемия, ЭТЖ жоғарылаған, несеп анализiнде протеинурия, гематурия, цилиндурия анықталған. Антибиотиктермен ем нәтиже бермеген.

Объективтi: жалпы жағдайы ауыр, терiсi мен кiлегей қабаттары қуқыл. Бетi, аяқтары iсiнген. Тыныс жиiлiгi минутына 30 рет. Перкуссияда өкпе үстiнде өкпе дыбысы. Аускультацияда қатаң тыныс негiзiнде құрғақ сырылдар. Жүрек шектерi өзгермеген, тондары әлсiреген, барлық тыңдау нүктелерiнде систолалық шу. Пульсi минутына 104 рет, ырғақты. АҚ 150/80 мм сын. бағ. Бауыры қабырға доғасынан 3 см шығыңқы, ауырсынуы бар.

Кеуде сарайы органдарының жалпы шолу рентгенограммасында өкпе суретiнiң деформациясы, орта, төменгi бөлiктерiнде өлшемдерi 1-4 мм ошақты көлеңкелер, кей жерлерде (сливные) бiр-бiрiмен қосылған.

Қан мочевинасы 16 ммоль/л.

 

1. Клиникалық синдромдарды бөліп, күдікті аурулар тізімін жасаңыз.

2. Тексеру жоспарын құрыңыз. Дифференциялық диагнозды жүргiзiңiз. Диагнозын жазыңыз.

3. Болуы мүмкiн асқынуларды атаңыз.

4. Мамандармен кеңесіңіз. Емiн жүргiзiңiз.

N14. Жауаптары:

1. Өкпелік диссеминация (торлы-түйінді); қызба; ТШ; АГ; ЖШ; бүйрек шамасыздығы. Жүйелі зақымдану негізінен өкпе мен бүйрек тамырларын қамтығандықтан, Өкпелік-бүйректік геморрагиялық синдромнан (Гудпасчер синдромынан) күдіктенеміз. Әрине туберкулезді де жоққа шығаратын зерттеулер тексеру жоспарына қосылады.

2. Тексеру жоспары клиникалық минимумнан (қанның жайылма анализі) басқа протеинограмманы, қақырықты БК 3 рет тапсыру, иммунограмманы, ЭхоКГ, тамырлардан биопсияны қамтиды. Ревматолог, фтизиатр кеңестері қажет. ДД қиын емес, себебі, өкпедегі торлы-түйінді диссеминация мен бүйректің зақымдануының жұптасуы, ТШ мен бүйрек шамасыздығының үдемелілігі – осы аурудың дәлелі. Негізгі ауруы: Жүйелі васкулит. Гудпасчер синдромы (өкпе-бүйректік геморрагиялық синдром).

3. Бүйректің, тыныстың жедел шамасыздығы; қан қақыру, өкпеден қан кету.

4. Ревматологтың кеңесі қажет, емі стационарлық, соңынан есепке алып, хаттамаға сай жүргізеді.

Клиникалық жағдай N15

 

40 жастағы ер кiсi стационарға келесi шағымдармен келді: жүрегiнiң айнуы, кезеңдермен тағамға байланыссыз құсу, шөлдеу, терi қышуы, тәбетiнiң жойылуы. Сонымен қатар, бас ауыруы, физикалық күштенуде ентiгу мен жүрек қағуы, еңбекке қабiлетiнiң төмендеуi мазалайды. 18 жасында бүйрегi ауырған. 5-6 жылдан соң бел аймағының сыздап ауыруын, бас ауруын, көз астының ертеңгiлiктерде iсiнетiнiн байқаған. Аурудың өршуi ЖРВА мен суықтаулардан соң мазалаған. 10 жыл бойына АҚ тұрақты жоғары – 160/90-190/110 мм сын. бағ. Соңғы 1 жыл көлемiнде жағдайы үдемелi нашарлаған.

Об-тi: жалпы жағдайы ауыр, ұйқышыл, терi жамылғылары қуқыл, құрғақ, ақшыл шөгiндiлері, қасыну iздерi бар. Бетi домбыққан, тынысы шулы, терең, 25 рет минутына. Өкпесінде везикулалық тыныс, төменгі бөліктерінде тынысы әлсіреген. Жүректiң шала тұйық дыбыс шектерi солға ығысқан, тондары әлсiзденген, ырғақты, аорта үстiнде II тонның акцентi, жүрек ұшында систолалық шу. АҚ 200/120 мм сын. бағ. Пульсi 92 бір минутта, кернеуi жоғары. lшi жұмсақ, эпигастрий аймағында ауырсыну бар. Бауыры, бүйректерi сипалмайды.

 

Қан анализiнде: эр. 2,5х10¹²/л, гем. 66 г/л, ТК 0,79, лейк. 14,5х10⁹/л.

Несеп анализi: сабан сары түсті, қышқыл реакциялы, бұлыңғыр, тығыздығы 1005, белогi 1,32 г/л, лейк. 2-3 к/а, ескiрген эритроциттер 4-6 к/а, цилиндрлер 3-5 к/а.

Зимницкий сынамасы: күндiзгi диурезi 120 мл, түнгiсi – 180 мл, тәулiктiк диурезі 300 мл, тығыздығының тәулiктiк тербелiсi 1006-1010.

Креатининi 498 мкмоль/л.

 

1. Болжам диагнозын құрастырыңыз.

2. Ем тағайындаңыз, әрi қарайғы тактикаңыз, болжамы.

N15.

1. Нег. ауру: Созылмалы гломерулонефрит, терминаль варианты.

Асқ.: БСШ_III, уремиялық сатысы. БСА (ХБП) 5 сатысы.

2. Емі диализ сұрақтарын шешу үшін нефролог кеңесінен басталады.

Клиникалық жағдай N16

 

Науқас қыз 19 жаста, стационарға: жүрек соғуының жиiлеуi, қалтырау, терлеу, терісінің қуқылдануы, басының айналуы, жүрек айнуы, құсу, басының қатты ауруымен сипатталатын ұстамаға шағымданып келді.

Өзiн 1,5 жылдан берi дертті санайды. Алғашқыда ұстама 10-20 минуттарға созылған, кейiнгi кездерi 2-3 сағат және одан ұзақ уақытқа созылатын болды. Ұстама кезiнде артериялық қысымы өте жоғарылайды және ұстама аралық уақытында да жоғарылаған күйiнде қалады.

Науқас емханада тексерiлген, нейроциркуляциялық дистония қойылған. Жарты жылдан кейiн “Гипертонялық ауру II сатысы, бас миының зақымдалуымен” деген диагноз қойылған. Клофелин, допегит, капотенмен ем – нәтижесiз болған.

Об-тi: жалпы жағдайы қанағаттанарлық, терi жамылғылары қалыпты түсті. Жүрек ұшында әлсiз систолалық шу, аорта үстiнде II тонның акцентi бар. АҚ 150/100 мм сын. бағ. Бауыры қабырға доғасына сәйкес келедi. Бүйректі пальпациялау кезiнде науқастың жағдайы кенеттен нашарлап, қорқыныш сезiмi туды, терiсі бозғылттанды, аяқ-қолдарының салқындауы және треморы, жүрек айнуы, тершеңдік дамыды. Артериялық қысымы 250/140 мм сын. бағ. дейін көтерілді. Пульс кернеуі жоғарылады, минутына 120 болды.

Ұстама кезiнде түсірілген ЭКГ тахикардия, қарыншалық экстрасистолиялар тіркелді. Қанда лейкоцитоз – 11,2х10⁹/л.

 

1. Клиникалық синдромдарды бөліп, күдікті аурулар тізімін жасаңыз. Тексеру жоспарындағы шешуші зерттеуді таңдаңыз. Дифференциялық диагнозды жүргiзiңiз

 

2. Болуы мүмкiн асқынуларды атаңыз.

3. Мамандармен кеңесіңіз. Емiн жүргiзiңiз.

N16. Жауаптары:

1. АГ синдромы келесі ерекшеліктермен: пароксизмдік ағымды, бүйрек аймағының пальпациясы кризді арандатты. Сондықтан феохромоцитома, Конн синдромынан күдіктенеміз. Нег. ауру: Феохромоцитома. Криздік ағымды. Шешуші зерттеу – КТ және бүйрек үсті безінің селективті ангиографиясының диагноздық маңызы тең.

2. АҚ өте жоғарылағанда ми қан айналымының бұзылыстары, көз торына қан құйылулар, сол қарыншалық шамасыздық (өкпе шемені), т.б.

3. Емі операциялық, хирургтармен, онкологтармен кеңесу керек. Радикаль емге дейін антигипертензиялық дірмектерден – фентоламин, БАБ қолданылады.

 

Клиникалық жағдай N17