октября. Среда. Апостола Фомы́.

По Уставу, служба апостола Фомы – полиелейная.

На великой вечерне «Блажен муж» – 1-й антифон.

На «Господи, воззвах» стихиры апостола, глас 4-й:

Ребру́ прикосну́вся, всеблаже́нне, Влады́чню, / до́брых пости́гл еси́ кра́йнейшее: / я́ко бо гу́ба во́ды отту́ду поче́рпл еси́ / исто́чник благи́х и жизнь ве́чную / и напои́л еси́ изсо́хшая сердца́ неве́дением, // Боже́ственнаго Богове́дения источа́я догма́ты. (трижды)

Ве́рным неве́рствием твои́м ве́рных извести́л еси́, / я́ко Бо́га и Го́спода всея́ тва́ри наче́н Богосло́вити, / плоть поне́сшаго нас ра́ди земны́х / и Крест же, и смерть претерпе́вшаго, / и пронзе́ние гвозде́й, и копие́м ребр прободе́ние, // от ни́хже жизнь почерпа́ем. (трижды)

Фома́ чу́дный исто́чник отве́рзе догма́тов, Влады́ко Богому́дрым: / ребру́ бо прикосну́вся Твоему́, / сугу́бу де́йству, существы́ сугу́быми подо́бно научи́вся и возопи́: / Ты Бог мой еси́ и Влады́ка, / Ты и Госпо́дь Сла́вы, // мене́ ра́ди плоть быв. (дважды)

«Слава» – апостола, глас 6-й:

Яко слуга́ Сло́ва и неизрече́ннаго воплоще́ния Его́, / глубину́ му́дрости поче́рпл еси, Фомо́ апо́столе: / тро́стию бо креста́ возводя́ из глубины́ пре́лести, ду́ши улови́л еси́. / Отню́дуже мре́жею твои́х догма́тов всю просвети́л еси́ вселе́нную / и све́том зна́ния инди́ан помраче́нныя ду́ши просвети́л еси́. / Тем Сла́вы Христо́вы све́тло наслажда́яся, // Того́ моли́ поми́ловати ду́ши на́ша.

«И ныне» – догматик, глас тот же:

Кто Тебе́ не ублажи́т, Пресвята́я Де́во?/ Кто ли не воспое́т Твоего пречи́стаго Рождества́?/ Безле́тно бо от Отца́ возсия́вый Сын Единоро́дный,/ То́йже от Тебе́, Чи́стыя, про́йде,/ неизрече́нно вопло́щься,/ естество́м Бог сый/ и естество́м быв Челове́к нас ра́ди,/ не во двою́ лицу́ разделя́емый,/ но во двою́ естеству́ несли́тно познава́емый./ Того́ моли́, Чи́стая, Всеблаже́нная,// поми́ловатися душа́м на́шим.

Вход. Прокимен дня. Паримии апостола – 3.

На стиховне стихиры апостола, глас 4-й:

Якоже би́сера тя́, из пучи́ны изъя́т мирска́го смуще́ния / Христо́с Человеколю́бец, тобо́ю обогати́в обнища́вшия, / и нището́ю лю́тых одержи́мыя, Фомо́ апо́столе. / те́м тя́ ублажа́ем, и всепра́зднственную па́мять твою́ во хвале́нии сла́вим, // благоче́стно тя́ почита́юще.

Сти́х: Во всю́ зе́млю изы́де веща́ние и́х, / и в концы́ вселе́нныя глаго́лы и́х.

Инди́йскую просвети́л еси́ всю́ зе́млю, свяще́ннейше, и Богови́дче апо́столе: / просвети́в бо вся́, сы́ны соде́лал еси́ све́та и дне́ те́х в Ду́се, му́дре. / Идольския же хра́мы низложи́в, / воздви́гл же еси́ благода́тию Бо́га в сла́ву и хвалу́, Це́ркви, блаже́нне // моли́твенниче о душа́х на́ших.

Сти́х: Небеса́ пове́дают сла́ву Бо́жию, / творе́ние же руку́ Его́ возвеща́ет тве́рдь.

Руко́ю любопы́тною / Боже́ственныя ре́бра испыта́в, и гвозде́й я́звы, / я́же Безсме́ртный на́с ра́ди подъя́т, / и неве́рие преложи́в ра́достне во благове́рие, / Фомо́, возопи́л еси́: / Ты́ еси́ Бо́г и Госпо́дь, и Тя́ сла́влю Человеколю́бче, // Страстьми́ источи́вшаго ве́рным безстра́стие.

«Слава» – апостола, глас 6-й:

Боже́ственныя ви́дя Христо́вы му́дрости, / у́мный показа́лся еси́ крати́р та́инственно, Фомо́ апо́столе, / в не́мже ве́рных ду́ши веселя́тся: / Боже́ственною бо мре́жею Ду́ха лю́ди возвле́кл еси́ из глубины́ отча́яния. / Те́мже от Сио́на, я́ко река́ благода́ти, изше́л еси́, / твоя́ источа́ющая Боже́ственныя догма́ты во всю тварь. / Тем Христо́вым страсте́м подо́бяся, в ре́бра прободе́н был еси́, / во мрак вшед нетле́ния. // Того́ моли́ спасти́ся душа́м на́шим.

«И ныне» – Богородичен, глас тот же:

Богоро́дице, Ты еси́ лоза́ и́стинная, возрасти́вшая нам плод Живота́, Тебе́ мо́лимся моли́ся Влады́чице, со святы́ми апо́столы, поми́ловатися душа́м на́шим.

По Трисвятом – тропарь апостола, глас 2-й:

Учени́к Христо́в быв, Боже́ственнаго собо́ра апо́стольскаго соприча́стник, / неве́рствием бо Христо́во Воскресе́ние извести́в / и Того́ Пречи́стую Стра́сть осяза́нием уве́рив, Фомо́ всехва́льне, // и ны́не нам проси́ ми́ра и ве́лия ми́лости.

«Слава, и ныне» – Богородичен воскресный, глас тот же:

Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго; // Того́ моли́ спасти́ся душа́м на́шим.

На утрене на «Бог Господь» – тропарь апостола, глас 2-й (дважды). «Слава, и ныне» – Богородичен воскресный, глас тот же: «Вся па́че смы́сла...».

Кафизмы 10-я и 11-я. Малые ектении. Седальны апостола (по дважды).

Полиелей. Величание апостола и избранный псалом. Седален апостола по полиелее, глас 3-й (дважды). «Слава, и ныне» – Богородичен Минеи, глас тот же. Степенна – 1-й антифон 4-го гласа. Прокимен апостола, глас 4-й: «Во всю зе́млю изы́де веща́ние их и в концы́ вселе́нныя глаго́лы их»; стих: «Небеса́ пове́дают сла́ву Бо́жию, творе́ние же руку́ Его́ возвеща́ет твердь». Евангелие – апостола. По 50-м псалме: «Слава» – «Молитвами апостола…». Стихира апостола, глас 4-й:

Христо́с вели́кое Со́лнце, / лучу́ тя многосве́тлую, во Инди́ю посыла́ет, / мра́чную ле́сть, таи́нниче, вско́ре разгоня́юща, / Фомо́ прему́дре апо́столе, / и лю́ди просвеща́юща, Тро́ицу почита́ти Боже́ственную, // Еюже вси́ сохраня́емся.

Каноны: Богородицы со ирмосом на 6 (ирмосы по дважды) и апостола на 8.

Библейские песни «Поем Господеви…».

Катавасия «Отверзу уста моя…».

По 3-й песни – седален апостола, глас 8-й (дважды). «Слава, и ныне» – Богородичен Минеи, глас тот же.

По 6-й песни – кондак и икос апостола, глас 4-й.

Конда́к, глас 4:

Прему́дрости благода́ти испо́лнен, / Христо́в апо́стол и служи́тель и́стинный / в покая́нии вопия́ше Тебе́: // Ты мой еси́ Бог же и Госпо́дь.

На 9-й песни поем «Честнейшую».

По 9-й песни «Достойно есть» не поется. Светилен апостола. «Слава» – ин светилен апостола, «И ныне» – Богородичен Минеи.

«Всякое дыхание…» и хвалитные псалмы.

На хвалитех стихиры апостола, глас 1-й:

Христу́ после́довал еси́, Фомо́ апо́столе, / и ми́ра небре́гл еси́, / и Того́ уче́ния в сокро́вищи твое́м сокры́в, / яви́лся еси́ апо́стол. / Тем быв во язы́цех, / и тех ле́стию и страстьми́ омраче́нныя души́ / за́поведьми Спа́совыми просвети́л еси́ // ве́ровати в Тро́ицу Единосу́щную. (дважды)

и глас 4-й:

Ра́зума Боже́ственным огне́м ду́шу просвети́л еси́, / во всем Влады́це подража́тель был еси́, / я́ко зако́нен учени́к, Фомо́ апо́столе: / кре́стною бо тро́стию / из глубины́ неве́дения нечести́вых ду́ши извле́кл еси́. / Тем и инди́ов омраче́нную со́весть Боже́ственнаго Ду́ха у́дицею улови́л еси́. / Христа́ Бо́га при́сно моли́ / и нам изба́витися от вра́жия помраче́ннаго ви́да // и спасти́ся душа́м на́шим.

Лови́твенную глуби́ну оста́вив, / ко кре́стней тро́сти ве́рою прите́кл еси́ / и тем вся улови́л еси́, Фомо́ апо́столе. / Тем и пречи́стая ре́бра Сло́ва руко́ю осяза́в, / вонзе́ных гвозди́нных язв персто́м ви́дети сподо́бился еси́. / Христа́ Бо́га приле́жно моли́ всегда́, // спасти́ ду́ши на́ша.

«Слава» – апостола, глас 6-й:

На колесни́це доброде́телей е́здя, / я́ко колесни́чник Илия́, показа́лся еси́, / Боже́ственнаго Ду́ха огне́м разгара́ем, Фомо́ апо́столе: / глубину́ бо разу́мнаго мо́ря изсле́дуя, / ры́бы уловля́л еси́, / преводя́ сих от сме́рти к животу́. / Тем и ве́рных ду́ши просвеща́я, / тро́стию кре́стною от смертоно́сныя пре́лести к животу́ возве́л еси́; / и, со Безпло́тными Христу́ предстоя́, // приле́жно Того́ моли́ о спасе́нии душ на́ших.

«И ныне» – Богородичен по гласу «Славы», от меньших (по выбору), или, по традиции:

Богоро́дице, Ты еси́ лоза́ и́стинная, возрасти́вшая нам плод Живота́, Тебе́ мо́лимся моли́ся Влады́чице, со святы́ми апо́столы, поми́ловатися душа́м на́шим.

Великое славословие. По Трисвятом – тропарь апостола, глас 2-й. «Слава, и ныне» – Богородичен воскресный, глас тот же: «Вся па́че смы́сла...».

На часах – тропарь и кондак апостола.

На Литургии блаженны апостола, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь апостола. «Слава» – кондак апостола, «И ныне» – кондак храма.

В храме святого – тропарь храма, тропарь апостола; кондак храма. «Слава» – кондак апостола, «И ныне» – «Предстательство христиан…».

Прокимен, аллилуиарий, причастен – апостола.

Апостол и Евангелие – дня и апостола.