Четверг. Зача́тие честно́го, сла́вного Проро́ка, Предте́чи и Крести́теля Госпо́дня Иоа́нна.

Служба Зачатия Иоанна Предтечи славословная, совершается вместе со службой Октоиха.

На вечерне кафизма 18-я.

На «Господи, воззвах» стихиры Предтечи, глас 4-й:

Свяще́нствуя боже́ственный Заха́рия, / и внутрь быв боже́ственнейшаго хра́ма, / и люде́й проше́ния принося́ Благоде́телю и Всеще́дрому, / Боже́ственнейшаго Ангела ви́де, вопию́ща ему́: / моли́тва и моле́ние твое́ услы́шася, / дерза́й, ста́рче, и не не ве́руй мне, / возыме́еши бо отроча́, / Боже́ственнаго Предте́чу, / в рожде́нных жена́ми преиму́щаго, // Илиино́ю си́лою Христу́ предше́ствующаго. (дважды)

Стра́нен явля́ешися мне / виде́нием и сло́вом, / стра́нен и глаго́лы и возвеще́ньми, / Заха́рия противовеща́. / Аз бо спасе́ния лю́дем приидо́х проси́ти, / а не ча́да прия́ти, я́ко ты приглаша́еши, / сопроти́вна тя обрета́ю проше́ний / и помышля́ю не и́стинствовати тя. / Ка́ко бо, е́же глаго́леши, изве́стно яви́тся? / Елисаве́т бо непло́ды есть, // и аз же, я́ко ве́си, ста́рец. (дважды)

Что не ве́руеши словесе́м мои́м, Заха́рие, / лжи́во благове́щение глаго́леши приноси́ти мне? / Бо́жий Арха́нгел есмь, / я́же ми повеле́нна суть, / сия́ тебе́ глаго́лю, с тобо́ю стоя́. / Поне́же не ве́ровал еси́, и не ят ве́ры, / бу́деши глух и безгла́сен, / до́ндеже у́бо у́зриши мои́х глаго́л Боже́ственное сбытие́. / Егда́ же роди́т Елисаве́т тебе́ / Сло́ва глас, вели́каго Предте́чу, / уясня́ющуся язы́ку, // благослови́ши Бо́га Изра́илева. (дважды)

«Слава» – Предтечи, глас 6-й:

От непло́днаго днесь чре́ва / плод моли́твы прозябе́, челове́чество, се бо покая́ния пропове́дник гряде́т / во чре́ве ма́терни воплоща́тися. / Прииди́те, ра́дующеся в сла́внем его́ зача́тии, / празднолю́бцы, лику́им, вопию́ще: / и́же в рожде́нных жена́ми бо́льший сый, / не преста́й моли́тися о ве́рою соверша́ющих боже́ственное твое́ зача́тие, / я́ко да обря́щем очище́ние грехо́в // и ве́лию ми́лость.

«И ныне» – догматик, глас тот же:

Кто Тебе́ не ублажи́т, Пресвята́я Де́во?/ Кто ли не воспое́т Твоего пречи́стаго Рождества́?/ Безле́тно бо от Отца́ возсия́вый Сын Единоро́дный,/ То́йже от Тебе́, Чи́стыя, про́йде,/ неизрече́нно вопло́щься,/ естество́м Бог сый/ и естество́м быв Челове́к нас ра́ди,/ не во двою́ лицу́ разделя́емый,/ но во двою́ естеству́ несли́тно познава́емый./ Того́ моли́, Чи́стая, Всеблаже́нная,// поми́ловатися душа́м на́шим.

Входа нет. Прокимен дня.

На стиховне стихиры Предтечи, глас 6-й:

Иду́щу во Свята́я Святы́х свя́то, / свяще́нному проро́ку, / свято́му святы́й, я́коже писа́ся, / предста́в, Ангел приглаша́ше, глаго́ля: / услы́шася моли́тва твоя́, / и разреша́ется ны́не Елисаве́тино непло́дство, / и роди́т тебе́, ста́рче, сы́на, / Иоа́нна Предте́чу, / свети́льника Со́лнца, / проро́ка высоча́йшаго / и глас из Де́вы Богоотрокови́цы // Сло́ва возсия́вшаго.

Стих: И ты, отроча́, / проро́к Вы́шняго нарече́шися.

Глаго́ли ми я́вственнейше, / по чему́ позна́ю сие́? / па́ки ко Ангелу блаже́ннейший ста́рец рече́: / я́ко ви́диши, испо́лнен бо дний есмь, / Елисаве́т же непло́ды есть, / ка́ко у́бо мне глаго́лы веща́еши па́че естества́? / удивля́юся. / Отню́д не и́стинствующа тя ны́не помышля́ю, / о челове́че! Отыди́, / аз бо лю́дем избавле́ния испроша́ю, / а не отроча́ прия́ти, // вещь неудобоприя́тну.

Стих: Служи́ти Ему́ преподо́бием и пра́вдою пред Ним / вся дни живота́ на́шего.

Бо́га Вседержи́теля Арха́нгел аз есмь, / Гаврии́л мне и́мя, / ста́рцу рече́ безтеле́сный: / и ны́не огло́хни / и молча́нию научи́ся, / не ве́ровав мои́м глаго́лом. / Егда́ же роди́т ти трубу́ Сло́ва сопру́жница, / Ду́ху уясня́ющу твой язы́к, / возопие́ши я́вственнейше: / проро́к Высоча́йшаго назове́шися, о отроча́! / Того́ предугото́вати благода́тию стези́, // я́ко благоволи́.

«Слава» – Предтечи, глас тот же:

Ангел из непло́дных ложе́сн / произше́л еси́, Крести́телю: / от са́мых пеле́н в пусты́ню всели́лся еси́. / печа́ть же всех Проро́ков показа́лся еси́. / Его́же бо они́ многообра́зно прови́деша / и гада́тельне пропове́даша, / Сего́ крести́ти во Иорда́не удосто́ился еси́. / Глас же услы́шал еси́ Оте́ческий с Небесе́, / свиде́тельствующь Того́ Сыновство́, / и Ду́ха ви́дел еси́ голуби́цы в ви́де, / глас влеки́й на Креща́емаго. / Но, о проро́ков всех вы́шший! / Не преста́й моли́тися о нас, // ве́рно твою́ соверша́ющих па́мять.

«И ныне» – Богородичен Минеи, глас тот же:

Никто́же притека́яй к Тебе́, / посра́млен от Тебе́ исхо́дит, / Пречи́стая Богоро́дице Де́во: / но про́сит благода́ти, и прие́млет дарова́ние, // к поле́зному проше́нию.

По Трисвятом – тропарь Предтечи, глас 4-й.

Пе́рвее неражда́ющая непло́ды, возвесели́ся, / се бо зачала́ еси́ Со́лнца свети́льника я́ве, / просвеща́ти иму́ща всю вселе́нную, слепото́ю неду́гующую. / Лику́й, Заха́рие, вопия́ со дерзнове́нием: // проро́к Вы́шняго есть хотя́й роди́тися.

«Слава, и ныне» – Богородичен воскресный по гласу тропаря:

Е́же от ве́ка утае́нное/ и А́нгелом несве́домое та́ин­ство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и, Крест во́лею нас ра́ди восприи́м,/ и́мже воскреси́в первозда́ннаго,// спасе́ от сме́рти ду́ши на́ша.

На утрене на «Бог Господь» – тропарь Предтечи, глас 4-й (дважды). «Слава, и ныне» – Богородичен воскресный по гласу тропаря: «Еже от ве́ка...».

Кафизмы 13-я, 14-я и 15-я.

Примечание. При славословной службе (с пением Октоиха) стихословие третьей рядовой кафизмы на утрене не отменяется. По 1-м и 2-м стихословии – малые ектении и седальны Предтечи (по дважды); по 3-м стихословии – малой ектении нет, седальны Октоиха. Существует также мнение, что на утрене при славословной службе, по аналогии с полиелейным богослужением, должны стихословиться только две рядовые кафизмы, а третья должна переноситься на вечерню следующего богослужебного дня и читаться вместо 18-й кафизмы.

Псалом 50-й.

Каноны: Октоиха 1-й со ирмосом на 5 (ирмосы единожды), 2-й на 3 и Предтечи на 6.

Примечание. Если в четверг случится память шестеричного или славословного святого, то 1-й канон Октоиха поется на 5 (ирмосы единожды, тропари с Богородичном на 4), 2-й канон Октоиха (с Богородичном) на 3 и святого на 6. В понедельник же, вторник, среду и пятницу из 1-го канона Октоиха опускаются два тропаря, имеющие надпись «мученичен»; таким образом, 1-й канон Октоиха поется с ирмосом на 4 (ирмосы единожды, тропари с Богородичном на 3), 2-й канон Октоиха на 4 и святого на 6 (см. Типикон, гл. 11).

Библейские песни «Господеви поем…» (см. Типикон, 23 сентября, 1-е «зри»).

Катавасия «Отверзу уста моя…».

По 3-й песни – седален Предтечи, глас 4-й (дважды). «Слава, и ныне» – Богородичен Минеи, глас тот же.

По 6-й песни – кондак и икос Предтечи, глас 1-й.

Конда́к, глас 1:

Весели́тся све́тло Заха́рия вели́кий / со всесла́вною Елисаве́тию сопру́жницею, / досто́йно зачина́юще Иоа́нна Предте́чу, / его́же Арха́нгел благовести́, ра́дуяся, / и челове́цы достодо́лжно почти́м, // я́ко таи́нника благода́ти.

На 9-й песни поем «Честнейшую».

По 9-й песни «Достойно есть» не поется. Светилен Предтечи (дважды). «Слава, и ныне» – Богородичен Минеи.

«Всякое дыхание…» и хвалитные псалмы.

На хвалитех стихиры Предтечи, глас 1-й:

Весели́тся тварь в зача́тии твое́м, / проро́че и Предте́че, Крести́телю Иоа́нне, боже́ственное бо твое́ рожде́ние / предзнамену́ет нам Влады́чнее Рождество́, / и сего́ ра́ди согла́сно, // су́щии на земли́, досто́йно восхваля́ем тя.

Яко чу́дное свиде́тельство / обре́т Ангел зача́тие непло́дныя, / Мари́и приво́дит, ко увере́нию принося́. / Тем и мы Елисаве́ти непло́дствие, / и Заха́рию, сопру́жника ея́, // и Иоа́нна восхва́лим.

Богоустро́енный свети́льник / присносу́щнаго Све́та, Жениха́ друг, / Со́лнца сла́вы вели́кий светоно́сец, / живы́й глас Бо́жия Сло́ва, / Предте́ча прише́ствия Госпо́дня, // а́нгельским приглаше́нием ны́не зачина́ется.

Же́ртвенник боже́ственный благово́ния Христо́ва, / одесну́ю стоя́ние прии́м / и зна́ние Его́ благово́нствуя, / знамена́тельне познава́ешися, Предте́че, / предста́тельством Ангеловым // одесну́ю святы́х прообразу́емь.

«Слава, и ныне» – Предтечи, глас 6-й:

Елисаве́т зача́т Предте́чу благода́ти, / Де́ва же Го́спода сла́вы. / Целова́стеся о́бе ма́тери, / и младе́нец взыгра́ся, / внутрь бо раб хваля́ше Влады́ку. / Удиви́вшися, ма́ти Предте́чева нача́т вопи́ти: / отку́ду мне сие́, / да Ма́ти Го́спода моего́ прии́де ко мне? / Да спасе́т лю́ди отча́янныя, // Име́яй ве́лию ми́лость.

Великое славословие. По Трисвятом – тропарь Предтечи, глас 4-й. «Слава, и ныне» – Богородичен воскресный по гласу тропаря: «Еже от ве́ка...».

На часах – тропарь и кондак Предтечи.

На Литургии блаженны Предтечи, песнь 3-я – 4 (со ирмосом) и песнь 6-я – 4.

По входе – тропари и кондаки:

В храме Господском и Богородицы – тропарь храма, тропарь Предтечи. «Слава» – кондак Предтечи, «И ныне» – кондак храма.

В храме святого – тропарь храма, тропарь Предтечи; кондак храма. «Слава» – кондак Предтечи, «И ныне» – «Предстательство христиан…».

Прокимен, аллилуиарий и причастен – дня и Предтечи.

Апостол и Евангелие – дня и Предтечи.