О злодействе

1. О паробки где покрадут.

 

Естли где паробки крадут в околицу, а з лицом их поймают, которое лицо будет стояти полтину грошей, тогды мает каран быти яко злодей. А естли ж полтины лицо стояти не будет, тогды мает з бонды его шкода плачона быти або лицо вернути, а з навязку пугами бити. А повторе естли вкрадет, хотя десети грошей стояти не будет, а з лицом поймают, тогды вжо его на шибеницю выдати мает.

 

2. Которым обычаем заставати мает лицо або след в чием дому.

 

Теж уставуем: естли бы кому сок вел або за лицом следом пришол в тий дом, а не мог мети вижа от того пана чий человек або от повету, тогды мает при той стороне трести дом. А естли бы знашол лицо, тогды мает вести того человека з лицом до того враду, чий есть человек. А естли бы его отбили от лица або от свежего следу, а он то переведет тыми ж стороними людми, тогды таковый мает шкоду платити на чом присягнет и вину злодейскую три рубли грошей, естли шляхтич отобьет, а собе злодея искати.

 

3.Еестли бы хто не дал речей краденых або от лица был.

 

Пакли бы хто не дал трести а искати речей краденых або от лица отбил, а оный бы на то стороними людми перевел, с которыми трести пришол дому его, тогды буд на шляхтича або на простаго человека, на чом шкодный на своих шкодах присегнет, тот (те) мает платити и бой оправити водлуг стану их, кого будет бито.

 

4. Естли ж чыего человека поимано з лицом, того мает вести до его пана.

 

Теж естли бы у именьи княжском и в панском, и земянском человека (його) з лицем поимано, тогды тот человек мает веден быти до его пана. Нижли естли бы чыи человек был поиман на обчом торгу з лицом або на чием чужом именьи, тот человек мает веден быти до того пана чии торг або до его врадника, а тот пан оное лицо взяти на свой двор, а того человека мает у свою казнь осадити и до именья обослати оного, чий человек. Раз и три тот пан мает прислати за тым человеком своим вижа, перед которым мает оный пан, в кого человек, справедливость чинити. Естли бы оный пан, чий человек, на три обсыланя за тым человеком своим до оного пана, в чием торгу тот человек есть поиман, вижа своего не прислал, тогды тот пан мает подле себе сторону людей добрых посадивши тому справедливость наконец вчинити.

 

5. Хто бы в кого лицо застал, мает вести до того пана а просити с ним справедливости.

 

Коли бы хто лицо своее речы краденое в чиего слуги або у подданого застал, так на дедизне его, яко де инде колве, тогды такового человека мает вести до пана его а просити з ним справедливости. А естли бы ему сараведливость не вчинена, тогды тот, при чием человеце лицо застанет, будет повинен о то перед судом нашим поставити. А естли бы оный злодей втек з рук его або оное лицо стратил, а перед судом не поставил а лица не положил, тогды будет повинен оному шкоду заплатити на чом оный присегнет або слушный довод учинит, што ему будет при оном лицу згинуло.

И теж коли бы што в кого украдено, а видит ся ему шкода от которого села, а шкодника своего не ведает, тогды мает просити права в том селе а дал о том всему селу вину, тогды три мужи из оного села, которых он оберет, мают присегнути, як в том селе шкодника его не ведают. А пакли бы на тое не присегнули, тогды оное село оную шкоду всю тому шкодному мает платити, а собе злодея искати.

 

6. Хто бы злодея лицованого в себе в дому ховал або ведал о нем, або от шибеницы откупил.

 

Теж уставуем: иж коли бы хто злодея лицованого у своем имени ведоме его ховал або мешкати допустил, або злодея явного от шибеницы своими пенязми откупил, тогды таковый кождый, естли бы то на него слушным доводом переведено, которая бы ся через того злодея которому з именя его стала, усим, которым надобе, будет повинен оправовати.

 

7. Хто бы шляхтича первый раз обвинил перед правом.

 

Теж уставляем: иж коли бы который шляхтич о злодейство без лица обвинен первый раз перед правом, тогды таковый, естли лица при нем не застанут, мает присягоюсвоею телесною невинность свою очищати.

 

8. Теж естли другий раз того ж шляхтича без лица было обвинено.

 

Естли бы тоже шляхтич другий раз о злодейство так же беж лица был обвинен, тогды вжо сам собе ровными шляхтичы доброе славы присегою своею телесною мает ся очищати.

 

9. Коли бы тот же шляхтич без лица о злодейство обвинен был третий раз перед правом.

 

Коли бы бы третий раз тот же шляхтич без лица о злодейство обвинен был, тогды сам семь, то есть з шестма шляхтичов собе во чсти захованых, присягою своею и их телесгою, мают с того ся выправити, а за четвертым обвиненьем таковый кождый мает быти обешон злодейским обычаем.

 

10. Колиб мужик мужику клеть выкрал, чим мает быти каран.

 

Теж уставуем: иж коли бы мужик мужику клет выкрал, а найдено бы лицо, тогды при лицы мужик на чом присегнет, то мает заплатити, а за навезку – мает висети. А естли бы шляхтичу свирен покраден с спижными речми, тогды мает плачоно быти дванадцат рублев грошей, а вины до скарбу господарского – только ж. А естли бы покрадена клеть з скарбными речми, тогды при лицу, на чем шляхтич присегнет, то мает плачено быти, а вину нам господару – противня, а навязку – злодей на шибем.

 

11. Коли бы лице в чией хоромине за замком знайдено было.

 

Коли бы лицо в чией хоромине за замком знайдено, а в той хоромине окно будет, которым оное лицо могло быти укинено, а тое лицо не будет прихоронено, то не есть злодейство. А коли в чием дворе за плотом або в гумне найдено было таковое, таковое лицо не мает быти сужено за злодейство.

 

12. Коли бы злодея на злодействе поймано было.

 

Который бы злодей на его злодействе пойман был, окром дому его, а реч краденая в дому его не была застата, такого жона и дети, и челядь от таковых злочинств прожни, а сам злодей мает висети.

 

13. Коли на кого знаки слушные пописаны будут.

 

Коли бы на которого человека подозренрго знаки злодейские пописаны, а тые знаки были бы слушны, а топорста будет человек добрый, таковый человек мает быти на мученье выдан.

 

14. Трикрот злодея приличного одного дня мает мучити.

 

Злодея приличного мает мучити три разы одного дня, а ничим не охромити. А не домучит ли ся на нем злодейства, тогды тот, который дал его мучити, мает его навязывати, колко крот будет мучити, за кождую муку – полтина грошей. А естли бы уморил мучачи, а не домучал ся ничего, мает за него головщину платити, какий будет человек. А естли бы оный человек в оной муце чары маючы муки не чул, а в том якобы спал, тогды, на том тот истец на шкодах своих присягнет, мает тому платити.

 

15. Естли бы разбойники або злодеи на чии люди были пойманы, а волали на кого абы ся делит з ним.

 

А естли бы разбойники або злодеи, чии люди были пойманы и перед право приведены, а поволали на наместника своего, иж он з ними розбивая або их переховывая а оным ся лупежством делил и на потом бы померли, а того перед смертию не отволали, а так бы ся придало, иж бы других злодеев поймано, а тые на того ж бы поволали, и теж на потом бы померли не отволаючи, и по третий раз были вжо пойманы и на того ж поволали, и на смерть идучи так же не отволали, тогды таковый человек без лица мает быти каран яко злодей.

 

16. Естли бы шляхтич поволал на чиего человека о злодействе.

 

Теж уставуем: иж который врожоный шляхтич в чием имени на котораго человека злодейство помовил рекучи тым обычаем: “Ведаю добре, иж тот человек твой – злодей”. “А от него маю тую шкоду”, там же менити будет, тогды с таковым человеком обвиненым мает быти дано право. А тот, который его винил, естли бы на мел на него слушного доводу, тогды мает его присегою телесною самтретей присегнути, а тем мают судьи ему сказати водле выступу его.

 

17. У кого бы лицо застало.

 

Коли бы тот, в кого лицо зостало, шляхтич або шляхтичу будучи менену заводцою, от которого тое речы краденое достал або менил борышники, которые тому сведоми, а были в той земли в которой ся пригодило, мает ставити (їх) перед врадом нашим, а тым невинность свою очищати, тогды неповинность свою очистит а пенези свои тратит. А пакли бы не ставил, тогды оному шкодному шкоду мает платити з навезкою, а тое лицо до врадника нашего приведено бы або принесено, то мает у дворе нашом остати, нижли бы тот виноватый тое лицо во врадника нашего ценою выкупил.

 

18. Хто о реч краденою перед врадом обвинен был.

 

Коли бы хто с подданых наших которого колве враду о якую реч краденою перед врадом обвинен был, а тот, хто бы купил, заводцы бы а ни бырышников не мел, але ся добрыми людми годными веры высвечил, иж тую реч на волном торгу або на войне, або на ярмарку явно купил, таковый оное лицо, которое в него застало оному, чие было, мает вернути, а пенези свои тратит.

 

19. Хто бы ся доискивал, поведал при том лицы много покрадено.

 

20. Хто бы злодея при злочинстве забил.

 

Теж уставуем: естли бы злодей вшол в чий дом красти, а оного бы злодея застали и хотели поимати, а он бы ся поимати не дал и боронил ся, а они бы его тут при злодействе забили, тогды назавтрие ж тот, хто его забил, воземшы сторону околичных суседов, мает то обвести и послати тую ж сторону до того пана, чий есть человек, а естли бы близко был и оповедити ему иж человека твоего забито при злодействе, а не будет его самого ино его наместнику, иж бы послал по того человека або сам ехавшы огледел. А пакли бы не было того пана, чий человек забит близко именя, тогды мает с тыми ж людми стороними того человека до двора господарского повезти и вряду того оповедати. И естли бы то он оповедит, а оный пан, чий человек, хотел искати головщины, таковый головщину не платит.

21. Хто бы злодея ранил при злодействе у своем дому.

 

Естли бы хто злодея ранил при злодействе у своем дому, тогды его мает повести з лицом, што украл будет, до того пана, чий есть человек. А етли бы оный пан был далеко, тогды мает вести до двора господарского з лицом, который будет ближшы, и то враду оповедати. А естли бы оного ранного человека не вел до его пана, чий есть человек, а ни до двора господарского, а держал бы в себе три дни, а он бы в его дому вмер, таковый головщину платит.

 

22. На которого человека знаки будут пописаны и не даст ся мучити.

 

А коли бы на которого человека подозреного знаки злодейские пописаны, а он бы ся к тому не знал а ни ся о том не дал мучити и хотел то заплатити, чого на нем ищет,таковому мает быти дано на заплату, а он собе нехай ищет на ком хочет. А мает ся окупати и не дати себе мучити до дву раз, а за третим разом мают его вжо такими знаки обесити.

 

23. Хто бы што вкрал на дворе господарским.

 

А хто бы што украл на дворе господарским, што бы стояло меньше полукопья, которая бы реч не о шыю пришла, а то бы на него переведено або вынято, таковому мают ушы обрезати.

 

24. О блудяги.

 

Княжата и панове, которые не седят в поветах, о блудное мают ся заховати водле давного обычая: нижли мают брати от клячи по шест грошей, а быдло мают даром отдавати. А шляхта, которые седят в поветех, блудные клячы и быдло мают водити и давати до дворов наших; а через три дни блудягу в себе ховал, а к двору нашему не дал, а на то будет на него доведено, тогды мает винен быти яко злодей. А хто зженет от коней злодея, тогды з одного мает быти дано враднику нашему шесть грошей, а тому, хто зженет, шесть грошей.

 

25. На которого бы человека знаки были пописаны.

 

Теж уставуем: естли бы на которого человека подозреного знаки злодейские пописаны были, а он перед тым у злодействе от околицы поволан был або за то платеж чинил, або в книгах чорных написан был, а то простой будет ли человек добрый, таковый человек мает на муку выдан быти.

Естли ж бы на которого человека неподозреного знаки злодейские пописаны были, а он не был в жадном подозреньи и в поволаньи от околичных суседов и платежу жадного за злодейство не чинил, таковый человек, бы и добре знаки слушные на него были пописаны, не мает на муку выдан быти. Нижли тот, в кого што украдено будет, мает просоку на лицо давати, и в кого лицо застанет, а он доводу слушного не вчинит, таковый всю шкоду оправовати будет повинен. А естли ж бы тот, в кого лицо застато, поведил иж тую реч краденую купил и борышников на то дал, а тые борошники сознают, иж он перед ними то купил, тогды он толко пенези свои тратит, а тое лицо тому мает вернути, в кого згинуло. А естли бы борышники, которые он жаловати будет, того по нем не сознали, абы он тую реч краденую перед ними купил, а он иншого доводу на тых борышников не будет мети, чим ся вывести, тогды он мает быти каран яко злодей. А хотя бы потом на тых борышников будучи в муце албо идучи на шибеницу волал, абы они тую реч весполок с ним крали, тогды то им не мает шкодити, иж он в том первей крыл.

И теж естли бы кому было злодея выдано, а оный бы его на платеж пустил, а подле выступу его скарати не дал, а оный злодей выпущоный, потом кому колве шкоды чинил, тогды тот, который его выпустил, повинен кождому будет шкоду платити, иж злодея скарати не дал.

 

26. Хто мает трести чый дом котоорым обычаем.

 

Теж уставуем: естли хто мает трести чый дом будучи сведом або теж через соков доведавши ся лица абы в дому чием в коморе або в погребе найдено, тогды не сам истец, кому шкода, але стороннего человека осмотревшы абы ничого в него не было, мает послано быти абы лица смотрел. И естли найдет альбо на серед избы альбо под окном, тогды мает обьявити, а подле того сознаня мает сказано быти.

 

27. Если в дому лицо застато будет, а жона будет вживала тых речей краденых.

 

Естли бы в дому лицо застато, дети и жона при том были, а тых речей краденых вживали, тогды они повинни будут тую шкоду платити и сами головами своими выданы быти, нижли не у вечную неволю але поколя ся выробят, и мает им выпуск быти, яко и тым, которые бы закуплены были, а горлом тот сам мает каран быти, яко злодей, который крал.

 

28. Естли бы лицо важное понесено до двора чиего, а не будет чим з дому злодеева заплатити, мает вернено быти.

 

К тому уставуем: естли бы лицо было принесено до двора нашего або князского и панского, а было бы лицо реч важная албо шаты, або сребро, або кони добрые, а того злодея маетность не змогла бы чым з дому его шкодному заплатити, тогды таковые лицо важное з двора нашего также и князского, и панского мает даром вернено быти тому, чые будет, а тот злодей на шибеницу, в кого тое лицо застато будет.

 

 

Первый или Старый Литовский Статут // Временник Общества истории и

древностей Российских. 1854. Кн. 18. С. 2-106.

[1] У ін. списках цей арт. від слів “маючи именя” до кінця записаний так: “Маючи дедизну або отчизну, або материзну свою, и мела бы тая девка в себе братью, а не было бы братый, толко сестры, тогды тыя братья або сестры мают ошацо-вати тыя именя и пенезми ей заплатити чого тая часть ее стояти будет, а тую отчизну або дедизну имения власность ее мают тые братья або сестры ее ку своим рукам мети. А естли бы теж братья або сестер в ней не было, толко братья стры-ечная або иншие, которые ближние, тогды тые ближние або братья ее мають ее за именя заплатити, чого именя заплати-ти, чого именя ее стояти будут и до ее земли, где она пошла в посаг, то дати, яко иншим девкам посагу дают у Великом князстве Литовском, а тые именя тое девки отчизна або дедизна мают приити на тых братью або сестер, або на которых колвек ближних ее, которые ей бы выправу за нею вчинили, а тая девка и муж ее к тым именям дедизным або дедизным и отчизным вжо прийти и жадное близости к тому мети не могут”.

[2] Артикули 16 і 17 у ін. списках відсутні, їх додано пізніше.

аа У Дзялинському і Фірлеївському списках на цьому місці наступний текст: “А вед жо инакшим обычаем не мает позы-вати, толко вземши вижа у дворе нашом, который будет наближей именя тот пана або земянина, которого позывати бу-дет, и к тому ещо строну людей добрых и перед вижом и стороною мает позывати ку тым роком, котрые есмо праву под-даным нашим положили. А оные речи подле старого обычая, то ест если бы чьему чловеку...”

3 У Дз. і Фірл. сп. на словах: “... припозвати перед судью в котрого повете мешкает” цей арт. закінчується.

 

4 У Дз. цей артику записаний так: “Державцы, которые недавно названы державцами, а перед тем тиуны были, не мают шляхты судити кром воеводы и маршалки, и старосты”.

5 У Дз.і Фірл. сп. додано “сами”.

6 У Дз. і Фірл. арт. 35 і 36 відсутні.

бб У Дз. і Фірл. замість цих слів написано: “на чом присягнет або слушным доводом переведет”.

7 У Дз. і Фірл. арт. на цьому закінчується.

 

 

 

вв У Дз. і Фірл. сп. на цьому місці наступний текст: “... а тот бы о том з ним очивисто не мовил и в тот час не был, тогды мает взяти до того лист от судей за дванадцять недел перед роком того права и ему ведати мает дати”.

8 У Дз. і Фірл. сп. додано: “А ести бы мужик мужику то вчинил, тогды мужику рубль грошей, а вины толькож”.

 

гг У Дз. і Фірл. сп. цей текст відсутній.

 

 

* Має бути – “голод”.

9 У Дз. і Фірл. сп. цей арт. відсутній.

10 У Дз. і Фірл. сп. цей арт. відсутній.