Лифтімен 3-ші қабатқа көтерілу.

Стенд. Н.Р.Фостер және оның жұмыс тобы.

Бейбітшілік және келісім сарайының үздік жобасын анықтау үшін Астана қаласының сәулет кеңесімен халықаралық байқау өткізілген болатын және осы байқаудың қорытындысы 2004 жылдың күзінде ұлыбритандық сәулетші Норман Фостердің жеңісімен аяқталды.

Архитектура, сәулет өнері - құрылысты жобалау, салу, оған көркемдік бейне беру өнері болып табылады. 1983 жылы Норман Роберт Фостер архитектура саласына қосқан үлесі үшін Ұлыбритания сәулетшілерінің Корольдық институтының алтын медалімен марапатталды. Оған «рыцарь», «лорд» деген атақтар берілді. Сонымен қатар Нобель сыйлығы сияқты сәулет саласында берілетін Притцкер сыйлығына екі мәрте ие болды. 2014 жылдың 13 желтоқсаныңда Елбасы Н.Ә.Назарбаев Норман Роберт Фостерға сәулет өнерін дамытуға, бейбітшілікті және халықтар арасындағы достықты, өзара сенімді нығайтуға қосқан ерекше үлесі үшін «Қазақстан Республикасының Тұңғыш Президентінің – Елбасының Мемлекеттік бейбітшілік және прогресс сыйлығы» берілді.

Стенд. Лифтілер.

Ары қарай сіздердің назарларыңызға лорд Н.Р.Фостердың авторлық сызбалары ұсынылған, лифтілер жоғары немесе төмен емес, көлбеу қозғалады.Мұндай лифтілер Париждегі Эйфель мұнарасында,Лас-Вегастағы Луксор қонақ үйінде т.б кездеседі.

Стенд. Пирамиданың параметрлері.

Бейбітшілік және келісім сарайы дұрыс пирамида пішінінде салынған.Биіктігі мен негізінің ұзындығы алтын қима қатынасына сәйкес 63 метрді құрайды. Ғимараттың жалпы биіктігі 75 метрге тең.Пирамиданың ауданы 28 мың шаршы метр.

Стенд. Құрылыс жұмыстары.

Сарай құрылысы 2005 жылдың күзінде басталып, түрік құрылыс компаниясы «Сембол Иншаатпен» өте қысқа уақытта,он үш айда, аяқтады. Бұл жобаға екі мың жұмысшы, оның ішінде әр түрлі ұлт өкілдері: қазақтар, орыстар, түріктер, ағылшындар, итальяндықтар, венгрлер, өзбектер, румындар, швейцариялықтар, голландықтар қатысты.

Стенд. Құрылымының ерекшеліктері.

Ғимарат негізі болат және цементтен құйылып салынған, оның жалпы салмағы 5100 тоннаны құрайды. Астананың ауа райы маусымға сәйкес +40-тан -40-қа дейін төмендейтіндіктен, сәулетші Астананың шұғыл континенталды климатын ескере отырып, ғимаратта деформация болмауы үшін, түгелімен жылжымалы болат тіреуде орналастырған. Сондықтан пирамиданың көлемі қысы-жазы 6 см-ге өзгеріп тұрады.

 

Стенд. Опера залының күмбезі.

Опера залының әсерлі әрлендірілген элементінің бірі – тіршілік пен энергияның мәңгілік көзі - Күн тәріздес жасалған күмбез.

Стенд. Пирамида пішінінің мағынасы.

Ғимараттың Пирамидапішініндеболуы кездейсоқ емес, түбінде аса терең мағына жатыр. Пирамида табиғи және рухани тылсым күштердің адамдармен байланысын көрсетеді. Көптеген адамдар үшін бұл адамзат қолынан шыққан таңғажайып туындылардың бірі ретінде көне мысырлық өркениетпен байланыстырылады. Пирамида жағымды энергияны шоғырландырады, табыс әкеледі.Геометрия ғылымындағы ең тұрақты фигуралардың бірі. Оның негізі берік, төрт тағаны бірдей және төрт табиғат күшін: жер, су, от және ауаны білдіреді. Бүгінгі таңда Пирамида әртүрлі діндердің, этностардың және мәдениеттердің бірлестігін білдіреді. Ол біздің мемлекетіміз бен халқымыздың бар әлемге кеңпейілділігін көрсетеді.

Стенд. Пирамиданың шыңы.

Пирамиданың шыңы мемлекеттік туымыздың көгілдір аспан және алтын күн түстеріндегі витражды шынылардан жасалған. Витражды шынылардың авторы Брайн Кларк.

Стенд. Брайн Кларк және оның витраждық жұмыстары.

Британдық суретші, витраждық шыны әрлендірушісі Брайн Кларк Қазақстанда тұрып жатқан 130 ұлт өкілдерін білдіретін 130 көгершінді витражды шыныларға бейнелеген. Оның жобаларының қатарына: Ұлыбританиядағы кафедралы шіркеуі мен Виктория кварталын жатқызуға болады. Оның витраждары бар әлемге танымал.

 

Сіздердің назарларыңызға әлемдік және дәстүрлі діндер көшбасшылырының съездеріне арналған сурет көрмесі ұсынылған.

Әлемдік және дәстүрлі діндер көшбасшылар съезі ғаламдық өркениетаралық және мәдениетаралық үрдістің дамуына өз үлесін қосты. Онда діни тұрғыдағы қақтығыстар мәселелері көтеріліп, дінаралық ынтымақтастықты жетілдіру, өзге халықтардың дәстүрлерінен үлгі тұту қажеттілігі қарастырылды. І Съезд жұмысы аяқталғаннан кейін 2003 жылдың қыркүйек айының 24 жұлдызында «Байтерек» монументінде діндер мен конфессиялар көшбасшыларының тарихи құжатқа қол қою рәсімі өткізілді. Құжатта –қазақ және орыс тілдерінде «Бейбітшілік пен келісім жері – Қазақстан жері жарылқасын» деген сөздер ойылып жазылған.

І съезд тақырыбы:«Діндер, конфессиялар, ұлттар мен этностар арасында өзара құрмет пен төзімділікке қол жеткізу».14 мемлекеттен 17 делегация, 23 – 24 қыркүйек 2003 жыл.

 II съезд тақырыбы: «Дін, қоғам және халықаралық қауіпсіздік». 26 мемлекеттен 29 делегация, 12 – 13 қыркүйек 2006 жыл.

 III съезд тақырыбы:«Төзімділікке, өзара құрмет пен ынтымақтастыққа негізделген әлем құруда дін көшбасшыларының рөлі». 35 мемлекеттен 77 делегация, 1 – 2 шілде 2009 жыл.

IV съезд тақырыбы: «Бейбітшілік және келісім - адамзат таңдауы».40 мемлекеттен 85 делегация. 30 – 31 мамыр.                                                                          

V съезд тақырыбы: «Діни көшбасшылар мен саяси қайраткерлердің бейбітшілік пен даму жолындағы диалогы».42 мемлекеттен 80 делегация. 10 – 11 маусым 2015жыл.

Сіздердің назарларыңызға біздің республикамыздағы халықтардың ұлттық киімдерінің көрмесі. Көрме 2009 жылы Қазақстан халқы Ассамблеясының 15-ші мерейтойлық сессиясына орай ашылған.

Қонақтар назарына 21 ұлттық киім ұсынылған: қазақ, қырғыз, қарақалпақ, өзбек, кәріс, поляк, украин, вайнах, еврей, орыс, Иордан Хашимит Корольдігі халқының ұлттық киімі, румын, түрік, болгар, татар, неміс, балқар, дүнген, армян, әзірбайжан, грузин. Барлық костюмдер этно-мәдени орталықтар мен ҚР әр түрлі мемлекеттердің елшіліктерінің сыйлықтары.

Қазіргі таңда Қазақстан тұрғындарының жалпы саны 18 млн адамға жуық. Бүкілқазақстандық бірліктің бірегей моделін қалыптастырудағы маңызды роль Қазақстан халқы ассамблеясына тиесілі (ҚХА). Қазақстан халқы Ассамблеясының негізгі міндеті – мемлекеттік ұлттық саясатты іске асыру, Қазақстан Республикасындағы қоғамдық саяси тұрақтылықты қамтамасыз ету,мемлекеттік және азаматтық қоғам институттарының этносаралық қатынастар саласындағы өзара іс қимылының тиімділігін арттыру.Ассамблея Ұлт көшбасшысы Н.Ә.Назарбаевпен басқарылатын конституциялық орган.

2011 жылы Бейбітшілік және Келісім сарайында «Египет пирамидаларының қазынасы» атты көрменің презентациясы өтті. Оның ашылуына Қазақстандағы Египет елшілігінен жауапты адамдар қатысты. Экспозициялар 18 сертификаттандырылған көшірме экспонаттардан тұрады, өз алдына Ежелгі Египет мәдениеті, Египет тарихындағы бірнеше: Ежелгі, Орта және Жаңа патшалық, Ескендір Зұрқарнайын дәуірі мен Египетті мұсылмандар билеген дәуірлерді көрсетеді.

Барлық экспонаттар египеттік археолог және Ежелгі Египет тарихшысы Захи Хавасстың арнайы археологиялық зертханасында дайындалып, ежелгілік Каир кеңесінде сертификаттанылып бекітілген. 

Ең құнды көрме экспонаты – Нефертити патшайымның бюстінің лицензиялық көшірмесі. Патшайымның бюстінің түпнұсқасы Берлиндегі мұражайда сақтаулы және б.з.д 1351–1334 мерзіммен белгіленген. Нефертити ежелгі египеттің XVIII әулетінің перғауыны Эхнатонның жұбайы болған, ол сол кездегі Египеттің діни өмірінде аса басты рөл атқара отырып, жолдасымен құрбандық шалуларға, діни салттарға және діни мерекелерге қатысқан.1912 жылдың 6 желтоқсанында Египетте египтолог Людвиг Борхардт басшылығымен археологиялық экспедиция барысында қазба жұмыстары кезінде Нефертити бюсті табылған. Ол бет жүзімен төмен қаратылып жатқан танымал патшайым Нефертитидің мүсіндік портретін ежелгі египет мүсіншісі Тутмостың үйінің бөлмесінен тапты. Кейін Л. Борхардт жазған болатын «оның бар құндылығын түсіну үшін», оған «сан жылдық зерттеулер» қажет болды.

Нефертити бюсті қатты әк тастан жасалып, гипсо – ангидрит қоспасымен қапталып, толығымен боялған. Онда ешқандай иероглифтік жазбалар жазылмаған. Мүсінді Неферетитидің басқада бейнелерімен салыстыра отырып, Людвиг Борхардт «тәжін» «парик» деп атап, зерттеліп отырған модельді анықтады. Бюсттің моделдену стилі Эхнатон билеген кезеңге сәйкес келеді, сондықтан да, XVIII әулетіне жатады. Бюст биіктігі 47 см, салмағы шамамен 20 кг.

Патшайымның бет – әлпеті жұқа, жоғары келбетті, әжімсіз ұзын мойынды. Екі жақ бетіде симметриялы. Айқын көрсетілген бейнесі заманауи сұлулық идеалына сәйкес болып ғана қоймай, Нефертитиге бұл образ аса жеке тұлғалығын байқатады.

Сол жақ қарашығы жоқ, мүсінші орнықтырғанын айқындау мүмкін емес. Патшайымның тірі кезіндегі жасалған портретте екінші көзінің кейінірек жасалуы ықтимал, өйткені портреттік мүсіндеуде екі бірдей көздің жасалуы, адам о дүниелік болғанда «жан бітуі» мүмкін деген гипотезаны жақтайды.

Бейбітшілік және Келісім сарайында перғауындар: Хефрен,Менкаура, Тутанхамон, ежелгі египет жазғышы, египеттік қызметші, египеттік жауынгер, Ежелгі Египет құдайлары - Осирис, Исида, Гор, Анубис мүсіндерінің көшірмелері, Ескендір Зұрқарнайынның мүсінінің фрагменті, Хасан мешітінен Құран үзінділері(Аллаhул – азыимул-карим оқылуы, мағынасы Алла- Ұлы әрі Жомарт), Медумдегі көркем сурет бөлігі “Қаздар” фрескасы, Каирдағы мешіттің витражды рельефтік ою-өрнегі сақтаулы.

1. Опера залы

Бейбітшілік және келісім сарайының мақтанышы - опера залы. Өзінің архитектурасы жағынан әлемдік стандарттың талаптарына сай келетін бірегей зал.Опера залы көпфункционалды, мұнда әр түрлі талаптағы спектакльдер,симфониялық музыка концерттерін, опера және балет қойылымдарын, кинокөрсетілімдер, саяси іс-шаралар,съездер,конгрестер өткізуге болады. Зал 1302 орынға арналған – партер, бельэтаж, 2 балкон VIP- секциясы бар. Опера залында күрделі сахна орналасқан, олардың бөлімдері бір-бірінен тәуелсіз – бас сахна,2 шеткі және артқы сахна.Сахнаның техникалық қамтамасыз етілуі ерекше және күрделі қойылымдарды қою мүмкіндігі бар. Cахна 56 штанкет және басқа да техникалық құралдармен қамтамасыз етілген. Сахнаның алдыңғы жағында 80 орынға арналған оркестр шұңқыры орналасқан. Оркестрлік шұңқырдың 2 тәуелсіз платформасы - артқы және алдыңғы – қойылымның қажеттілігімен түсіріліп, көтеріледі. Оркестрлік шұңқырдың тереңдігі – 2,8 м, жалпы сахна тереңдігі 32м. Опера залында 3 қабатта орналасқан 20 гримерлік бөлме бар. Гримерлік бөлмелерде айна, дәретхана мен жуынатын бөлме қарастырылған.

Опера залының интерьері қызғылт түсті, алтын түспен әрленген. Залды безендірудегі ең әдемі элемент - күн тәріздес жасалған күмбез. Күмбез әйнектерінен өткен күн сәулелері тікелей залға түседі, қажеттілік туған жағдайда терезелер жабылады.

2006 жылы «Бейбітшілік және келісім сарайының» ашылу салтанатында концерттік бағдарлама аясында опера залы сахнасында әлемдік опера жұлдызы Монсеррат Кабалье (Испания), Роберто Аланья (Франция), Анастасия Волочкова (Ресей), Нұржамал Үсенбаева (Қазақстан) өнер көрсетті.

 

Екінші қабатта Халықаралық Түркі Академиясы аясында құрылған Түркі кітапханасы орналасқан.Белгілі түркітанушылардың жеке кітапханалары негізінде құрылған кітапхана қоры 32000-мыңнан аса жазба басылымдардан тұрады. Кітапханада өте сирек кездесетін кітаптар мен қолжазбалар қоры да бар. Кітапханада қазақ, түрік, әзербайжан, өзбек, башқұрт, татар, қарашай, хаккас, қарақалпақ, ноғай және басқа да түркі тілдес халықтарының әдебиеттерін кездестіруге болады. Екінші қабаттың оң жақ қанатында Халықаралық Түрік Академиясына қарасты мұражай жұмыс атқарады, мұнда өте сирек кездесетін археологиялық және этнографиялық ескерткіштерді көруге болады.Топтамада түркі халықтарының ұлттық киімдері, музыкалық аспаптары, зергерлік бұйымдары ұсынылған.

Лифтімен 3-ші қабатқа көтерілу.

Атриум» залы.

Қазіргі заманғы архитектурада қоғамдық ғимараттағы орталық және көп жарықты үлестіргіш кеңістік атриум деп аталады. «Атриум» – ауданы бойынша ғимараттағы үлкен зал. Оның ауданы – 2185 шаршы метр. Зал ақ және жанарттық мәрмәрмен көз тартады. Залдың айналасында орналасқан терезелерден күндізгі күн шуағы төгіліп тұрады. Бұл залда Әлемдік және дәстүрлі діндер көшбасшыларының съезі өткізіледі.Діни съезд Астанада үш жылда бір рет өткізілетіндіктен, қалған уақытта Бейбітшілік және келісім сарайының конференц – залы әр түрлі отырыстар, жиналыстар мен съездер, салтанатты неке қию рәсімдерін, көрмелерді өткізуге қолданылады. Залда төрт кішкентай көрме павильоны бар, әрқайсысының ауданы 221 шаршы метрді құрайды. Залдың жалпы сыйымдылығы 700 адам, көрме павильондарына 100 адамға дейін сыйады.

Атриум залының орталық бөлігі бүкіл ғимараттың орталығы болып табылады, мұнда барлық жағымды энергия жиналады. Сондықтан сіздер тұрып, қолдарыңызды жоғары көтеріп тілек тілей аласыздар.