О здравии (ИМЕНА ЗАБЛУДШИХ)

1. АРТЕМИЯ ВАДИМА	2. АНАСТАСИИ ГЕОРГИЯ	3. ОЛЬГИ ЕЛЕНЫ
4. АЛЕКСИЯ ВИКТОРА МАРИИ	5. ДИМИТРИЯ ВАЛЕНТИНЫ	6. ИУЛИИ ОЛЬГИ НАДЕЖДЫ
7. ИГОРЯ ЕЛЕНЫ	8. АНАТОЛИЯ ГАЛИНЫ ВИКТОРА	9. АЛЕКСАНДРА ОЛЬГИ ДАРИИ
10. ВЛАДИМИРА АНДРЕЯ ЕВГЕНИИ	11. ИГОРЯ ВАДИМА ВАЛЕНТИНЫ	12. ВАСИЛИЯ ТАТИАНЫ ЕКАТЕРИНЫ
13. НИНЫ ФОТИНИИ ОЛЕГА	14. ВЛАДИМИРА ОЛЬГИ	15. АЛЕКСИЯ ОЛЬГИ ЕКАТЕРИНЫ
16. ГЕОРГИЯ НАТАЛИИ		18. САВЕЛИЯ АНДРЕЯ НИКОЛАЯ
19. АЛЕКСАНДРА ИРИНЫ ОЛЬГИ	20. СЕРГИЯ ЛЮДМИЛЫ ФОТИНИИ

Подаждь им, Господи, душевное и телесное здравие. Приведи их к вере и покаянию _{(поклон).}

Просвети их ум светом разума Евангелия Твоего, настави их на стезю заповедей Твоих, научи их творити волю Твою, яко Ты еси Бог наш. _{(поклон)}

  Владыко, Го́споди Иисусе Христе, оста́вих Тя, не оста́ви нас; заблужда́ющих обрати́, обраща́ющихся объеми́ и моля́щихся прости́. Да́руй нам покая́ние всеце́лое и се́рдце люботрудное во взыска́ние Твое́; да́руй нам благода́ть Твою, возведи́ к па́жити Твое́й, и сопричти́ нас овца́м избра́нного Твоего́ стада́, моли́твами Пречи́стыя Твоея́ Ма́тери и всех святых Твои́х. Аминь. _{(поклон)}

И ны́не и при́сно и во ве́ки веко́в. Ами́нь.

Молитва о чадех православных.

Боже Милостивый и Небесный Отче! Помилуй дети наша, о них же смиренно молим Ти ся и ихже Твоему попечению и защите предаем. Вложи в сердца их веру крепку, научи благоговети пред Тобою и сподоби их крепце любити Тя, Создателя нашего и Спасителя. Настави их, Боже, на путь истины и доброделания, да во всех делех своих прославят имя Твое. Научи их жити благочестно и добродетельно и быти достойными христианами и для ближних полезными.

Даждь им здравие душевное и телесное и благопоспешение в трудех. Избави их от хитрых козней диавола, от множества соблазнов, от страстей скверных и от всяких человек нечестивых и лукавых. Молитвами Пречистей Богородицы и всех святых приведи их к тихому пристанищу вечнаго Твоего царствия, да выну со всеми праведники благодарят Тя со Единородным Твоим Сыном и Животворящим твоим Духом. Аминь _{(поклон)}

После прочтения кафизмы:

Трисвятое, по Отче наш, а также молитвы, идущие в конце кафизмы.

    После 20-й кафизмы читаются молитвы по прочтении всей Псалтири.

Далее:

Досто́йно е́сть ….

Сла́ва и ны́не. Ами́нь.

Го́споди, поми́луй. (Трижды)

Благослови. (поклон)

Моли́твами святы́х оте́ц на́ших, Го́споди Иису́се Христе́, Сыне Бо́жий, поми́луй мя, гре́шнаго. (поклон)

П С А Л Т И Р Ь в сокращении

Блаженного Августина

(извлечение из книги епископа Иустина

«Что такое жизнь и как должно жить»)

 

Мать Блаженного Августина, Моника, до глубокой старости крепко подвизалась о спасении своем. В ее подвижнических правилах, между прочим, было и правило во всякий день прочитывать Псалтирь.

Видя свою мать в летах уже престарелую, но великих подвигов своих не оставляющую, любящий и признательный сын ее, Блаженный Августин, для облегчения подвига матери – читать каждодневно всю Псалтирь – потрудился сократить ее в следующие молитвы, и дал их престарелой подвижнице для ежедневного чтения вместо Псалтири.

Святитель Димитрий Ростовский, собирая материалы для составления своих Четьих-Миней, нашел в рукописях и сии молитвы Блаженного Августина. Они весьма понравились угоднику Божию – составителю жития святых. Он послал их другу своему, митрополиту Рязанского Стефану Яровскому. Митрополит Стефан, прочитав, и где нужно, исправив сии молитвы, отослал их святителю Димитрию с надписью: «Объявить эту молитву всем верным, хотящим чести в пользу душевную».

 

Молитва 1.

Господи Боже Вседержителю, Царю Вечные славы, Ты веси, яко той токмо человек блажен есть, иже презревши путь грешных, день и нощь поучается в законе заповедей Твоих. Научи мя грешнаго и беззаконнаго служити и работати Тебе со страхом и трепетом, верно и от чистаго сердца. Услыши глас мой смиренно Тебе призывающий, премилосердно внуши глаголы моея, и не остави мене, заблуждающаго, во гневе Твоем, да не когда оный древний ненавистник, неприятель наш, аки лев, похитит душу мою, не сущу и избавляющу, ниже спасающу.

Молитва 2

Господи, Господь наш, яко чудно имя Твое на небеси и на земли. Обрати врага вспять, дабы изнемог и погиб от лица Твоего: да не когда отважится уловить сетьми огненными душу мою, ниже да истребит мя жупел и дух бурен. Но ради бедности безпомощнаго, и ради плача нищаго, возстающий и внимающий им, призри и услыши мя, Господи: Ты бо еси совесть нищаго и упование его. Даждь мне, Боже мой, ходити без беззакония и творити правду, да будет часть достояния и наследия моего Благодать милосердия Твоего. Сохрани мя яко зеницу ока, и под сению крил Твоих покрый мя: яко Ты еси Крепость моея, Утверждение мое и Прибежище мое.

Молитва 3

Господи, от тайных моих очисти мя, и от чуждих пощади раба Твоего. Посли мне помощь от Святаго, и желание сердца моего исполни. Избави мя от уст львовых и настави мя на стезю правды Твоея, да возмогу взыти на Гору Святую Твою и стати на Месте Святем Твоем, неповинен рукама и чист сердцем.

Молитва 4

Грех юности моея и неведения моего не помяни, Господи. Не погуби с нечестивыми душу мою, и не предаждь мене в руки гонящих и ненавидящих мя. Но милостивно услыши, Господи, глас моления моего, милосердно внемли ми, призывающему славу Имени Твоего Святаго. Помилуй мя и вразуми мя, Господи Боже, да на Тя уповах, не погибну во веки.

Молитва 5

Господи, остави мне беззакония сердца моего: да будет Милость Твоя на мне, яко же уповах на Тя. Избавляй мя от всех оскорблений моих и обстояний, рцы души моей: Твое есмь Аз спасение. И зане под Кровом Крил Твоих надеюся (бытии), даждь мне прошение сердца моего, и вонми в помощь мою, Господи Боже спасения моего.

Молитва 6

Скажи мне, Господи, кончину мою, и число дней моих, да разумею, что лишаюся аз, и чесо не имам. Услыши, Господи, глас молитвы моея, изведи мя из глубины духовной нечистоты, и от брения тины. Постави на камени нозе мои, и стопы моея настави на стезю правую. В день зол избави мя, Господи, да вниду в место селения чуднаго Дому Твоего, яко Ты еси Бог мой и Крепость моя. Не уклони стопы моея от Пути Твоего, да возлюблю правду и возненавижу беззакония.

Молитва 7

Господи, буди мне прибежище и сила, яко Ты еси Царь Велий по всей земли. Владеяй всеми вовеки, избави душу мою от руки князя преисподняго, да не похитит мя из Руки Твоея. Ты же Господи, егда явишися судити нам, помилуй мя по велицей Милости Твоей и Духа Твоего Святаго не отыми от мене. Отврати, Премилосердный Владыко, в час оный, лице Твое от грех моих, и вся беззакония моея очисти. Сердце чисто созижди во мне, Боже, и дух прав обнови во утробе моей, да яко маслина плодовита, в Раи Бога моего, елей святыни прииму и тамо возрадуюся со Иаковом, и возвеселюся во веки с Израилем.

Молитва 8

Спаси мя, Господи, о имени Твоем и Силою Твоею сохрани мя. Не презри моления моего, но помилуй мя. Посли с небесе Милость и Истину Твою и избави мя. Не даждь в поругание попирающих мя, сотри зубы от устен их, и сокруши челюсти львов. Бог мой еси Ты, и Милость моя, и сохрани мя Десница Твоея, и покрыюся кровом Крил Твоих, егда будеши воздаяти комуждо по делом.

Молитва 9

Господи, душа моя уповает на Тя: покрый мя от собрания злобствующих. Егда прииде пред Лице Твое всяка плоть, не отврати от мене Милости Твоея и Духа Твоего Святаго не отыми от мене, но просвети на мя Лице Твое, Боже, Спасителю мой, благополучен сотворити путь мой, да не пожрет мене глубина, да не затворит надо мною бездна