Сабаққа арналған ескертпелер

Кіріспе тапсырма. Бүгінгі сабақта оқушылардыңбілім деңгейін көрсете отырып, білім сайысына түсетінін айтыңыз. Қазақтың ұлттық ойындары арқылы адамдар өздерінің шеберліктерін, ептіліктерін, білектерінің күштерін көрсетіп, жеңіске жеткенін, ал оқушылар білімі арқылы күш сынасатынын ескертіңіз. Әр оқушының дұрыс орындаған тапсырмасына ұпай беріп отырыңыз.

Сабақ ұлттық ойындар негізінде құрылғандықтан, тапсырмаларды орындамас бұрын ұлттық ойындар жайлы қысқаша айтып өтіңіз және оқушылардың өздерінен ол туралы не білетінін сұраңыз.

Кіріспе тапсырма. Сабақты жекелеген бірліктермен және ондықтармен санау, екі-екіден санау, өсу ретімен, кему ретімен санатудан бастаңыз. Мысалы:

20-ға дейін тура және кері ретпен санау;

кез келген саннан бастап санау. 8-ден 19-ға дейін, 20-ден 7-ге дейін т.с.с;

10-ға дейін екі-екіден тура және кері бағытта санау;

100-ге дейін ондықтармен санау.

Оқулықта берілген тапсырмамен жұмыс ұйым дастырыңыз.

Қане, баста! 50, 90, 10, 5, 70, 20 сандарын алдыменөсу ретімен, сосын кему ретімен атағаннан кейін, осы тапсырма үлгісінде жұппен жұмыс ұйымдастырыңыз. Оқушылар кез келген алты санды қағазға жазады да, қағаздарымен алмасады. Көршісі екеуі бір-біріне жазған сандарды өсу ретімен және кему ретімен айтады. Қай оқушы жаңылмай тез айтса, сол жеңімпаз болады.

Жекпе-жек. Жұптық жұмыс ұйымдастырыңыз.Жұптағы оқушыларға жекпе-жекке түсетінін айтыңыз. Жұптағы оқушының қайсысы тапсырманы дұрыс және көршісінен бұрын орындаса, сол жеңімпаз атанады. Сіз сыныпты аралап жүріп, оқушыларды бақылаңыз. Оқушыларға тапсырманы талдатыңыз.

х – 8 = 11 теңдеуіндегі белгісіз не? Оны қалай табады? (Белгісіз азайғышты табу үшін айырмаға азайтқышты қосады.)

6 + х = 20 теңдеуіндегі белгісіз не? Оны қалай табады? (Белгісіз қосылғышты табу үшін қосын дының мәнінен белгілі қосылғышты азайтады.)

18 – х = 6 теңдеуіндегі белгісіз не? Оны қалай табады? (Белгісіз азайтқышты табу үшін азайғыштан айырманың мәнін азайтады).

Жауабы:

х = 19; х = 14; х = 12.

келесі оқушы 12 + 3 өрнегінің мәнін табады, солай ойын жалғаса береді. Барлық тапсырма дұрыс орындалса, келесі ойынның аты шығады. Оқушылар 19 – 7 + 3 – 2 = 13 мысалдар тізбегін шешеді, жауаптар кестесіндегі Г әрпін 13 санымен сәйкестендіреді. 5 мысалды шешу нәтижесінде БӘЙГЕ сөзі шығуы керек.

Жауабы:

әр қатардан шыққан нәтижелері бойынша әріптерді кестеге орналастырады.

10 11 12 13 14

б ә й г е

Теңге алу. Тапсырманы топпен орындатыңыз. Топтар арасындағы оқушылардың есеп шығарудан күреске түсетінін ескертіңіз. Есептің сызбасы сызылған парақшаларды таратып беріңіз. Оқушыларға есепті мұқият оқып, есептегі сандық мәліметтер мен сұрақ бойынша сызбаны толтырып, есепті топта ақылдаса отырып шығаруды ұсыныңыз. Соңынан тапсырманы өзара тексертіңіз.

Жауабы:

20 – 7 – 3 = 10. Үшінші күні 4 спортшы сайысқа түсті.

Ойлан. Ойын “бәйге” деп аталғандықтан, оқушылар тапсырманы жеке орындайды. Қай оқушы тапсырманы бұрын орындап бітірсе, сол бәйгеден озған болып саналады.

Жауабы:

көмбеге бірінші болып Жарас, екінші Алмас, үшінші Талғат, төртінші Серік, бесінші Олжас келеді.

Орындап көр. Тапсырманы “Көкпар” ойынының желісінде топпен орындатыңыз. Бірінші 11 санын алыңыз. Оқушылар 11-дің құрамы болатын сандарды жазады. Қай топ көп мысал ойлап жазса, көкпарды солар тартып алады. Одан әрі 12, 13, 14, 15, 16, 17, 18 санымен тура осындай жұмыс істетіңіз.

Ескерту. “Көкпар” ойнының шарты қолданыл ғандықтан, серкенің суретін алыңыз. Жеңіп отырған топқа серкені беріп отырасыз. Серкенің суреті топтар арасында ауысып отырады, яғни серкені бір-бірінен тартып отырған болады.

Жауабы:

11 = 10 + 1; 12 = 11 + 1;

11 = 9 + 2; 12 = 10 + 2;

11 = 8 + 3; 12 = 9 + 3;

11 = 7 + 4; 12 = 8 + 4;

11 = 6 + 5; 12 = 7 + 5 т.с.с.