Кöчлöн праздник

Талун Кöчлöн чужан лун öд. Воас гöсьт и гöстя уна. Кильчö вылö сувтiс Кöч – Гöсьтъяс воасны вот стöч. Ма со кыскö Ош – дзонь бöчка – Колö козинавны Кöчтö! Ичöт Ур со, щöть кодь уска, Вайö телега тыр сус коль. Шедiс ручлы уна мык – Нуö Кöчыдлы пуд кык. Кань со кыскö, ружтö-кашкö

Нöкйöн ыджыд-ыджыд кашник. Кöза нöбъялöма морков, Воис Кöч керкаö коркö. Козин эз вай Ваткыль миян, Но оз тöждысь зонмыд сiйö; Эм кö Ваткыль, оз босьт шог: Гудöкöн йöктöдас кок. Веж луд вылын чужан лунö Гажа праздник Кöчлöн мунö, Гажыс ыджыд, гажыс ён – Йöктö Ош и Руч, и Пон.

В.И.Лыткин серти

¯ Дасьтöй проект «Талун менам чужан лун».

1. Бöрйöй именинникöс. Лöсьöдöй гажлунса пызан. Дасьтöй сылы чолöмалан открытка да козинъяс. Сьылö сьыланкывъяс. Пасйöй чужан лун.

2. Кор гöсьтъясöс тадзи:

– Чолöм, Настук! – Видза олан!

– Аски менам чужан лун. Волы ме дорö гöститны. – Аттьö. Вола.

3. Паныдав гöсьтъясöс да пуксьöд пызан сайö.

– Чолöм, дона гöсьтъяс! Пырöй, пöрччысьöй. Пуксьöй пызан сайö. Чöсмасьöй. Со картупеля шаньга, пувъя пирöг, льöмъя ляз, нöкъя ельдöг, пражитöм чери, яя картупель, яблöга сок, шоколад кампет.

4. Бур кывъясöн козьналöй именинниклы козинъяс, сьылöй сьыланкыв, ворсöй.

Пример вылö ворсöм: именинник нимысь быд шыпас вылö корсьöй мича кывъяс.

М	Мича, мелi
И	Ичöт, идöра
Ш	Шань, шондiа-руа
А	Авъя, асшöр

5. Сёрнитöй кодзула пасъяс йылысь.

- Кутшöм кодзула пас улын тэ чужин? - Ме чужи … пас улын. А тэ?

- Кутшöм йöз чужöны тайö пас улын? - Тайö пас улын чужöм йöз шаньöсь да веськыдöсь, но мукöддырйи дышöсь.

6. Ыдждöдлöй именниникöс.

Тупöсь нянь.

- Кыдзи Мишук чужан лунö Пöжалiм ми тупöсь нянь. Тупöсь, нянь, тупöсь нянь. Пöжалiм ми тупöсь нянь.	Эта судта, эта ляпта, Эта пасьта, эта векня. Тупöсь, нянь, тупöсь нянь. Бöрйи, кодöс радейтан!
- Радейта ме ставнысö, А медъёна …öс!

7. Аттьöалöй кöзяйкаöс.

- Ыджыд аттьö, ставыс вöлi зэв чöскыд. Ёна и гажöдчим. Став бурсö тэныд!

8. Колльöд гöсьтъясöс:

– Дона гöсьтъяс! Аттьö волöмсьыд да козинъяссьыд. Мöдысь на пыралöй-волöй.

{ МЕНАМ РАДЕЙТАНА УДЖ. ВОРСÖМЪЯС.

Вылö донъявны – высоко оценить Киöн вермасьöм – армвреслинг Киподтуй – умение Котыртны – организовать Кöрталöм – завязанный Кыйöдны – выслеживать Лыддьысянкыв, пудъясянкыв – считалка Ордйысьны – соревноваться Ордйысьöм – соревнование

Петкöдчыны – выступать Пырöдчыны – участвовать Пудъясьны – кинуть жребий Сьöкыдтор лэпталöм – поднятие тяжестей Сюрны – хватать, достаться Чуймöдны – удивить Шег – баранья косточка (атрибут коми игры) Шöрин – центр

“ Эмакыв. Петан вежлöг. Имя существительное. Исходный падеж со значением способа действия Коми кывйын Петан вежлöг вермö индыны действие вöчанног вылö, вочавдзö мыйысь? юалöм вылö. Рочын лöсялö во что? юалöмлы. Пример вылö: ворсны футболысь, компьютер ворсöмысь.

G Ворсöм + -ысь Хоккейысь Баскетболысь

G Предмет + -öн Мачöн Аканьöн

… удж. Лыддьы да гöгöрво текстсö. Вочавидз юалöмъяс вылö.

Быд во юркар лун Коми республика пасйö зэв кыпыда да паськыда. Быдлаын позьö пырöдчыны конкурсъясö, вочавидзны викторинаяс юалöм вылö, кывзыны да видзöдны сьылöм-йöктöм, ворсны.

Ставныслы сюрö гажöдчöмыд. Ичöтъяслы котыртöны асфальт вылын серпасасян конкурс. Шöр арлыда челядьлы вöзйöны спортивнöй ворсöмъяс: кодi ылöджык чеччыштас, стöча веськалас мишеньö, öдйöджык котöртас. Томъяс Киров нима паркын ворсöны волейболысь, футболысь. Мужичöйяс ордйысьöны сьöкыдтор лэпталöмын, киöн вермасьöмын. Аньяс петкöдлöны киподтуйсö: чöсмöдлöны пöжасъясöн, чуймöдöны ас киöн вöчöмторъясöн. Олöмаяслы котыртлöны шахматыысь ворсöм.

? Кор пасйöны юркар лун?

Кыдзи войтыр гажöдчö тайö лунö?

Овлö-ö тiян сикт (кар) лун? Кыдзи тi гажöдчанныд?

… удж. Содты лöсялана вежлöг суффикс.

1. Ми ёртъяскöд быд лун ворсам волейбол….

2. Коми культура шöринын овлöны шегй… ордйысьöмъяс.

3. Детинкаяс радейтöны ворсны машина…, а нывкаяс акань….

4. Миян школаын котыртiсны футбол… ордйысьöм.

5. Шойччан лунö став котырöн ворсам лото….

6. Физкультура урок вылын тöвнас ми котралам лызь….

7. Карса стадион вылын рытъяснас том йöз исласьöны коньки….

8. Йöввыв дырйи комияс важысянь нин ворсöны кыр босьтöм….

- Миша, тiян школаын эм баскетболысь да футболысь секцияяс?

-Эм, дерт. Но ме ёнджыка радейта ворсны волейболысь. Тайö секцияö и ветла.

- А меным кажитчö вöчасьны ас киöн. Миян «Мойдвывса сёй» кружокын зэв лöсьыд. Ми унатор нин кужам вöчны сёйысь.

- Миян команда неважöн вермис районса ордйысьöмын. А тi кöнкö петкöдчанныд?

- Миянлысь уджъяс быд во вылö донъялöны оз сöмын районын, но и республикаса «Кужысь кияс» вермасьöм вылын.

- Меным нимкодь тiян понда. Став бурсö!

- Аттьö! Тiян вермöмъясыд водзын на.

… удж. Лыддьы да гöгöрво пудъясянкывъяс. Велöд да вöдитчы ворсiгöн.

Тiрс-торс, Куим стöкан морс. Он кö вöдит, Он и ворс!

Öтчыд мамö ньöбис ботi. Кык лун видзи, сiйö потi, А мöдсö – ачым сотi.

… удж. Комиöд ворсöмсö. Вöдитчы «Роча-комиа кывкудöн».

Быстрый олень.

Издревле коми прославились, как опытные охотники. Много зверя водится в наших лесах: и белка, и медведь, и лось, и олень! Но поймать этого быстроногого красавца не так-то просто! Для игры нужно выбрать Оленя и Охотника. Все становятся в круг. Растягивают по краю красную ленту. Это поляна. Задача Охотника – с завязанным глазами поймать Оленя. Олень бегает с колокольчиком по поляне.

Для игры нужны повязка, колокольчик, красная ленточка. Несколько человек могут играть роль деревьев, чтобы олень за ними прятался.

: Велöдчы да ворс ёртъясыдкöд «Тэрыб кöр» ворсöмысь.

… удж. Лыддьы ичöтик висьтсö. Мыйöн сiйö аслыспöлöс?

Вотчисны.

Ваня Валякöд ворсiсны волейболысь.

- Вай ветлам вöрса вадйö вуграсьны, - вöзйис Ваня.

- Ветлам-ветлам вотчигмоз, вокöй, - варова вочавидзис Валя.

Ваня вуграсис, Валя вотiс ведраö вотöс. Вотчис вывтi визула. Водз воисны вöрысь. Вотöссö весалiсны, вöчисны варенньö.

… удж. Аддзы, кутшöм визьын коми овъяс тэчöма стöч алфавит серти.

1. Гичев, Канев, Кинев, Касев, Томов, Пыстин, Кузьбожев

2. Гичев, Канев, Кинев, Касев, Кузьбожев, Пыстин, Томов

3. Гичев, Касев, Канев, Кинев, Кузьбожев, Томов, Пыстин

4. Гичев, Канев, Касев, Кинев, Кузьбожев, Пыстин, Томов

: Ф.Плессовскийлöн «Коми овъяс» небöг отсöгöн тöдмав, кыдзи артмöмаöсь коми овъясыс.

Рисуно: фото обложки книги Ф.Плессовского «Коми овъяс»

H Лöсьöд висьт öти шыпас вылö. Ордйысь класса ёртъясыдкöд, кодлöн висьтыс лоас кузьджык.

… удж. Гиж куим шыпаса кывъяс чепöн. Ордйысь ёртъясыдкöд.

Лы м – м ы р – р ö м – м а ч - ч …

… удж. Содты слог, медым артмис кык кыв.

Пример вылö: ми (ча) сi

Юр (…) кöтш Чуж (…) идз Пар (…) зi Кер (…) га

Сын (…) йö Пыс (…) нi Ма (…) ля Öм (…) ас

H … удж серти лöсьöд да вöзйы ёртъясыдлы кык-куим кыв гоз.

… удж. Юксьöй командаяс вылö. Бöрйöй уна шыпаса коми кыв. Лöсьöдöй кывъяс сетöм кывйысь шыпасъясöн. Ордйысьöй.

Пример вылö: СЕРПАСАСЯНiН (серпас, сер, пас, ас, ар, рас, ин …)

Отсöг вылö кывъяс: кодзувкоткар, лышкыдлун, мичмöдчантор.

¯ Тöдмась коми ворсöмъясöн. Ворс ёртъясыдкöд.

Варыш.

Ворсöм водзын бöрйöны кык ыджыдджык да ёнджык мортöс. Öтиыс лоö варышöн, а мöдыс мам. Мукöд ворсысьясыс сувтöны мам сайö. Варыш пондас котравны да кыйöдны челядьöс. А мам кисö шевкнитöмöн видзö пышйöдöмысь. Вермас кö варыш пышйöдны мамлысь став челядьсö, сэк мам нин пышйö варышысь. Варыш кутас кöсаöдыс мамсö да сэсся ворсöны выльысь.

Ёма.

Ёмаысь ворсöны 8-12 морт. Пудъясянкывйöн бöрйöны Ёмаöс да Кöзяйкаöс. Мукöд ворсысьыс – ыжъяс. Кöзяйка сетö быд ыжлы ним (шуам, вотöс, дзоридз, пу, пемöс нимъяс). Кöзяйка «йирсьöдö» ыжъясöс видз вылын и унмовсьö. Локтö Ёма да гусялö ыжъяссö. Кöзяйка садьмö да корö ыжъясöс нимъяснас. Ыжъяс да Кöзяйка костын сулалö Ёма, оз лэдз, куталö ыжъясöс. Ворсöм помын колö лыддьыны, кымын ыж воöдчис Кöзякаöдз, а кымынöс кутiс Ёма. Кодлöн унджык – сiйö и вермис.

Шырöн-пельöсöн.

Ворсысьясысь лыддьысянкывйöн бöрйöны каньöс, мукöдыс – шыръяс. Быд шыр сувтö пельöсö (оз кö тырмы пельöсыс, позьö вöчны лабичьяс отсöгöн). Кань ветлö кытшöн да шуалö: «Шырö, шырö, вай мен пельöс!» Куимысь шуöм бöрын шыръяслы колö вежсьыны пельöсöн, а кань вермö сувтны шыр пыдди. Кодi кольö пельöстöг, лоö Каньöн.

{ МИЯН ВЕЛÖДЧАНIН

асмогасянін – туалет бурдöдчанін – медпункт велöдчан вежöс – учебный кабинет велöдчанін – школа, учебное заведение веськöдлысьлöн вежöс – кабинет директора, руководителя коми кыв вежöс – кабинет коми языка лыддьысянін, небöг куд – библиотека

мыссянін – умывальник пöрччысянін – раздевалка серпасасянін – кабинет изобразительного искусства сёянін – столовая спортивнöй зал – спортивный зал судта – этаж сьыланін – кабинет музыки урок лыддьöг – расписание уроков

“ Кадакывйысь эмакыв артмöм. Образование имён существительных от глаголов Коми кывйын –ин\-iнсуффикс индö места вылö. Кадакыв + -ан (-ян)+ -ин (-iн) = эмакыв велöдчыны + -ан + -iн = велöдч ан ін лыддьысьны + -ян + -iн = лыддьыс ян ін

… удж. Лыддьы да гöгöрво висьтсö.

Миян школа.

Ме велöдча сиктса школаын. Сійö кык судтаа, ыджыд öшиньяса. Миян велöдчанiнын век сöстöм да кыпыд. Медводдза судтаын пöрччысянін, веськöдлысьлöн вежöс, сёянін да ичöт класса челядьлöн велöдчан вежöсъяс. Шуйгавылын – ыджыд спортивнöй зал. Мöд судтаын коми да роч кыв, математика, химия да биология да менам радейтана информатика вежöсъяс. Мöд судтасö мичмöдöма серпасъясöн, öшиньяс вылын сулалöны мича дзоридзьяс. Таво миян школалы тырис 20 во.

…удж. План серти гиж ас висьт. Дасьтысь висьтавны аслад велöдчанiн йылысь.

1. Кöні тэ велöдчан?

2. Кутшöм тэнад школаыд? Кымын судтаа?

3. Мый сэні эм?

4. Кымын во тіян велöдчанiнлы?

… удж. Нуöд экскурсия радейтана судтаöд. Дасьты план серти висьтасьöм.

1. Кутшöм судта тэныд кажитчö?

2. Мый сэні эм?

3. Мыйöн сійö тэныд кажитчö?

4. Тэнад радейтана ин тайö судтаын?

… удж Лыддьы да вуджöд.

Рисунок: плакат, в верхнем правом углу которого нарисован мальчик с баяном. На свободном месте текст: Менö шуöны Миша Расов. Велöдча ме искусствояс гимназияын. Гимназия – искусствояслöн ді. Енбиа челядь, локтöй велöдчыны гимназияö, ті велаланныд бура сьывны, йöктыны да ворсны шылада инструментъясöн!

H Лöсьöд реклама аслад велöдчанінлы.

Рисунок: школьный герб, флаг гимназии искусств.

…удж. Быд школалöн эм аслас символъяс: дöрапас, канпас да кып. Лöсьöд и тэ.

…удж. Сьыв ёртъясыдкöд школа йылысь сьыланкыв.

Школа йылысь сьыланкыв.

(«Солнечный круг» шылад улö)

Лöсьöдісны выльгортса шöр школаын велöдчысьяс.

1.	Велöдчысь ёрт, тэ водзын мог – тöдöмлун школаын босьтны. Лоан мед тэ бур мортöн, дерт, Нималан ылöдз мед век.
	ПРИПЕВ: Медым пыр лоас школа Кыпыд, югыд, зэв колан. Челядь гöлöс пыр кылас, Челядь серамöн тырас.
2.	Му вылын мед некор оз ло Война да шогалан лунъяс. Мед вöлі мир, эз киссьы вир, Ёртасян гаж юргис дыр.

: Видлы лöсьöдны велöдчöм либö школа йылысь сьыланкыв.

… удж. Велöдчы колананогöн лыддьыны кывпесанъяс.

Кывпесанъяс

«Ö» Öтчыд Öньö öмидз öктіс, Öдва öкмис öти кöш. Öвад öдöлитіс-вöтліс, Öньö скöрмис – корсьö нöш. Öдзöс бокысь, öшинь улысь Нöшсö корсьö, Öньö скöр. Öгрö тьöтыс шуö: «Öвсьы, Öпöть öмöй колö ньöр?»

«Дж» Ыджыд мыджöд Джыджыд вуджис, Джуджыд кöджын Джыджлöн поз. Джыджыд гыджгö – Ыджыд уджыс, Джыджлы уджавтöг Оз позь.

Н. Щукин

... удж. Лыддьöй рольяс серти.

Юрöбтіс звöнок. Классö пырис Ольга Николаевна. Сійö пыр и казяліс стенын серпасалöм морячокöс. Чужöмыс велöдысьлöн лои стрöг.

– Коді тайöс серпасаліс?

Ставныс пукалісны шы ни тöв. Некод эз чеччы да эз висьтась.

– Ті öмöй онö тöдöй, мый класс колö видзны сöстöма? Мый лоö, быдöн кö кутас серпасасьны стенö?

Бöръя урок вылас классö воис директор Игорь Александрович. Сійö чöла висьталіс миянлы, мыйта сьöм видзö государство быд велöдчысь вылö, кутшöма колö видзны школаса имущество.

– Сійö, коді серпасаліс стенас, дерт, оз кöсйы вöчны омöьтор школалы. Сійö кö ачыс висьтасяс, то сійö петкöдлас, мый сійö честнöй морт.

Урокъяс бöрын Толя Дёжкин матыстчис Игорь Грачев дінö да шуис:

– Эк, тэ! Мыйла стенас рисуйтін? Тэ вöсна став классыс лои мыжа!

– Ог тöд, но ме сэсся ог кут, – кöсйысис Игорь.

Игорь босьтіс ветьöк да чышкаліс стенысь морячоксö, но сы местаö колис ыджыд чут.

? – Мый лёксö вöчис Игорь?

– Вöліс-ö татшöмторйыс тэкöд?

… удж. Лыддьы да гöгöрво висьтсö. Вочавидз юалöмъяс вылö.

Аттö дивö.

Ваня Пипуныров медводдзаысь муніс школаö. Том велöдысьсö шуисны Татьяна Николаевнаöн. Сійö неважöн воис Катыдпомö да челядькöд эз вöв тöдса. И медводдза урок дырйи учительница сувтöдліс быд первоклассникöс, юавліс ним-овсö. Ковмис и Ванялы ассьыс ним-овсö висьтавны.

– Пипуныров Иван,— вель ярскöба висьталіс Ваня.

Öртьöм Коля парта сайсьыс чеччывтöг гораа юöртіс:

– Татьяна Николаевна, абу сійö Иван. Аттöдивööн шуöны.

Ваня гöрдöдіс пельясöдзыс, доршасьны пондіс весиг синваыс. А Татьяна Николаевна меліа нюммуніс да юаліс:

– Коді нö, Ваня, сетіс тэныд татшöм тешкодь мöд нимсö?

И Ваня висьталіс аслас ыджыдджык вок Мишка йылысь. Кывлöма сійö кыськö кывбур, коді заводитчö тадзи: «Аттö дивö, миян Ивö...» И ляскис ичöтджык вокыслы выль ним – Аттö дивö.

Татьяна Николаевна кывзіс детинкалысь шог висьтсö, сэсся пуксьöдіс Ваняöс да шыöдчис став класс дорö:

– Челядь, тіянлы быдöнлы мам-батьныд бöрйöмаöсь зэв мича нимъяс. Радейтöй нимтö ассьыныд и ёртъясыдлысь. Эн вежлалöй найöс нерсян кывъяс вылö. А то öд и збыль коркö вермасны чужны Аттöдивö Миша либо Öртьö-брöтьö Маша.

Класс серöктіс. А ичöтик Ваня Пипуныровлöн сьöлöм вылас кокняммис.

? Кыдзи Иванлы сюрис Аттöдивö ним?

Кажитчö-ö Иванлы мöд нимыс? Гöгöрвоöд висьт отсöгöн

Мыйла нимтысьöмыс омöльтор?

… удж. Лыддьы да гöгöрвоöд шусьöгъяс.

1. Велöдчöм морт – синма, велöдчытöм – синтöм.

2. Быдтор дорö колö велöдчыны.

3. Велöдчытöгыд мортö он во.

H Аддзы велöдчöм йылысь 2-3 шусьöг, дасьтысь гöгöрвоöдны найöс.

… удж. Лыддьы да гöгöрво ичöт серамбана висьтъяс. Дасьты ёртъясыдкöд петкöдчöм.

* * *

Настя пырис гортас да гораа юöртіс мамыслы:

– Мам, миян регыд лоö ветеринаръяскöд аддзысьлöм!

– Кутшöм ветеринаръяскöд?

– Кутшöм, кутшöм, – вочавидзис Настя, – да кодъяс тай война вылын тышкасисны.

* * *

Математика вежöсын.

– Висьтав, Коля, коді арталіс тэныд тайö задачасö, батьыд али мамыд? – юалö велöдысь.

– Ог тöд. Ме сэки ывлаын ворсі.

{ КОМИ РЕСПУБЛИКАСА КАНАЛАН ПАСЪЯС

Вежöртö – означает, значит Вежöртас – значение Вежа – святой Видзысь – хранитель Каналан – государственный Канму – государство, страна, республика Канму пасъяс – государственные символы

Кузьта – длина Лöсялана – подходящий Паськöдчыны – расположиться Пасьта – ширина Перымса пемöсъяслöн сер – пермский звериный стиль Помтöм-дортöм – бескрайний Ыджда – величина

… удж Видзöдлы кывъяс вылö да мöвпышт, кутшöм шыпасъяс оз тырмыны. Сетöм шыпасъясöн артмöд кывъяс.

ДРПС	НЖ	КНПС	ЙР РЪЯС	КП
ЛМ	ПРМ	ВРШ ПЗ	ЛБЧ	ЗРН НЬ

“ Нимвежтасысь кывберд артмöм. Образование имён прилагатнльных от местоимений Öтвывтöм кывбердъяс петкöдлöны мортлысь да предметлысь качествосö ас, аслыс нимвежтасъяс дорö нога, сяма, сикас, руа, ныра, пöлöс кывъяс содтöмöн. Пример вылö: асруа, асныра, аслыспöлöс да с.в. G Аслыспöлöс-своеобразный Аслыссикас-разнородный, специфический, оригинальный Ассяма-своеобразный Аснога-своеобразный Асныра-своенравный,упрямый Асруа-своеобразный, со странностями

… удж.Содтав сёрникузяясö лöсялана кывбердъяс.

1. Коми республикаын быд районын … сёрни.

2. Менам ёртöй ….

3. Коми Республикалöн … каналан пасъяс.

4. Войвывса йöзыд ….

5. Тöвся поводдяыд ….

… удж. Мый серпасалöма Коми республикалöн канпасö? Аддзы колана вочакывъяс.

А) кырныш Б) варыш В) сюзь

А) шонді Б) коми ань В) зарни ань

А) йöра юръяс Б) кöр юръяс В) ош юръяс

Рисунок: Герб РК.

… удж Лыддьы да кут тöд вылын.

Кып.

Республикаса каналан пасъяс – дöрапас, канпас да кып.

Миян кып аслыспöлöс: юргö коми да роч кывъяс вылын. Öд Коми республикаын кыккывъялун. Медводз кып лöсьöдан комиссия бöрйис Нёбдiнса Витторлысь «Варыш поз сьыланкыв». Сэсся дыр уджалiсны кывъяс вылын, медым кыпыс вöлi öнiя кадся да республикаын быдöнлы гöгöрвоана. 2007 восянь кыпыс юргö тадзи:

² Коми республикалöн каналан кып.

Кывъясыс В. Савинлöн;

редакцияыс В. Тиминлöн, А. Шергиналöн да А.Суворовлöн

Шыладыс В. Савинлöн,

обработкаыс М. Герцманлöн

Ылын-ылын Войвылын Джуджыд Парма сулалö. Парма шöрын варыш поз Кыпыд горöн шыалö. Лэбзьöй, повтöм варышъяс, Вына бордъяс шеныштлöй, Веськыд туйö нуöдöй, Коми мусö югдöдöй!

Север, наш родимый край, Глубоки твои снега, Холодны твои ветра, Высока твоя тайга! Нас несут через века Соколиные крыла. Коми край, твоя судьба Благодатна и светла!

JJ Сёрнит ёртыдкöд канму пасъяс йылысь. Пырт сёрниö вöзйöм юалöмъяс.

– Коді Коми Республикалöн Юралысьыс?

– Кутшöм каналан кывъяс миян Республикаын?

– Мый серпасалöма канпасö?

– Кутшöм дöрапасыс?

– Мый тöдмалiн кып йылысь?

Рисунок: стихотворение на фоне флага РК.

… удж Содты кывбурö лöсялана кывъяс (рöм вылö индысь кывбердъяс).