Тапсырма. Мәтін бойынша сұрақтар құрастырыңыздар.

3-тапсырма. ҚР кәсіби және басқа да мейрамдары туралы ақпаратты оқыңыздар:

7 мамыр	Отан қорғаушылар күні 1992 жылғы мамырдың 7-інде Мемлекеттік қорғаныс комитеті ҚР Қорғаныс министрлігі болып қайта құрылды. Нақ осы жылы Қ Р Президенті Н.Н. Жарлығымен жаяу әскерлер, әуе қорғанысы күштері мен әскери-теңіз күштері бас штабтары бекітіліп, Қ Р Қарулы Күштері қайта құрылды. Дәстүр бойынша Отан қорғаушылар күні Қазақстан Президенті (Жоғарғы Бас қолбасшы) кезекті әскери атақтар тағайындап, көзге түскен әскери қызметшілерге наградалар тапсырады.
31 мамыр	Саяси қуғын-сүргін құрбандарын еске алу күні Елбасының Жарлығымен саяси қуғын-сүргін құрбандарын еске алу жылы болып аталған 1997 жылдан бастап атап өтіледі. «Халық жауларын» анықтау бойынша жоспарлы жұмыс жүргізілген. Сол кездердегі қатыгез саясат нәтижесінде қуғын-сүргінге ұшырағандардың өздері ғана емес, олардың жақындары да жапа шекті. Осы кезең аралығында Қазақстанда 103 мың адам қуғын-сүргінге ұшыраған және 25 мың адам ату жазасына кесілген. Нақ осы жылдары қазақстандық ғылым, мәдениет және саясат саласының зиялы қауым өкілдері атылған. Тәуелсіз Қазақстанда алғашқы болып қабылданған заңдардың бірі – 1993 жылғы сәуірдің 14-індегі «Жаппай саяси қуғын-сүргін құрбандарын ақтау туралы» ҚР Заңы.
4 м аусым	Қазақстан Республикасының мемлекеттік рәміздері күні 1992 жылғы маусымның 4-інде тәуелсіз Қазақстанның жаңа мемлекеттік рәміздері алғаш рет бекітілді – бұл күн ел тарихында жаңа мемлекеттік рәміздер күні ретінде мәңгі есте сақталады. Мемлекеттік рәміздер - мемлекеттің мызғымас негіздерінің бірі. Мемлекеттік Ту, Мемлекеттік Елтаңба және Мемлекеттік Әнұран мемлекеттің негізгі рәміздері саналады.
18 м аусым	Медицина қызметкер лер і күні Қазақстан Республикасының Президенті Нұрсұлтан Назарбаевтың 2003 жылғы қарашаның 15-індегі Жарлығына сәйкес жыл сайын маусым айының үшінші жексенбісінде атап өтіледі.
23 м аусым	Қазақстан полициясы күні 1992 жылғы маусымның 23-інде ҚР Жоғарғы Кеңесі «Қазақстан Республикасы ішкі істер органдары туралы» Заң қабылдады. Бұл Қазақстан полициясының қызметі мен міндетін анықтайтын алғашқы құқықтық акт болатын. 2007 жылы маусымның 5-інде Мемлекет Басшысы Нұрсұлтан Назарбаев өз Жарлығымен маусымның 23-ін – Полиция күні деп бекітті.
Маусымның соңғы жексенбісі	Баспасөз, теледидар және радио күні – журналистика күні 2004 жылдан бастап маусым айының соңғы жексенбісінде атап өтіледі. Оған дейін аталмыш күн 1990 жылдардың басында қазақстандық парламент қабылдаған алғашқы БАҚ туралы заңның құрметіне орай маусымның 28-інде атап өтілетін.
2 ш ілде	Дипломатиялық қызмет күні Қазақстан Республикасы Президенті Н.Ә.Назарбаевтың 2009 жылғы шілденің 1-індегі «1998 жылғы қаңтардың 20-сындағы Қазақстан Республикасы Президенті Жарлығына толықтырулар енгізу туралы» Жарлығына сәйкес атап өтіледі.
3 ш ілде	Металлург күні ҚР Президенті Нұрсұлтан Назарбаевтың 2003жылғы қарашаның 15-індегі Жарлығына сәйкес жыл сайын шілденің үшінші жексенбісінде атап өтіледі.
1 т амыз	Көлік және байланыс қызметкерлері күні ҚР Президенті Нұрсұлтан Назарбаевтың 2003 жылғы қарашаның 15-індегі Жарлығына сәйкес жыл сайын тамыздың бірінші жексенбісінде атап өтіледі.
2 т амыз	Құрылысшы күні ҚР Президенті Нұрсұлтан Назарбаевтың 2003жылғы қарашаның 15-індегі Жарлығына сәйкес жыл сайын тамыздың екінші жексенбісінде атап өтіледі.
3 т амыз	Спорт және туризм күні ҚР Президенті Нұрсұлтан Назарбаевтың 2003 жылғы қарашаның 15-індегі Жарлығына сәйкес жыл сайын тамыздың үшінші жексенбісінде атап өтіледі.
Тамыздың соңғы жексенбісі	Кеншілер күні Тамыз айының соңғы жексенбісінде атап өтіледі. КСРО Жоғарғы Кеңесі Төралқасының 1947 жылғы қыркүйектің 10-ындағы Жарлығымен бекітілген. Қазақстанның көмір өнеркәсібі еліміз экономикасының ең ірі салаларының бірі болып табылады. Көмір қоры бойынша Қазақстан әлемде 8 орынға ие, республикамыздың кенді қойнауында бүкіләлемдік қор көлемінің 4 пайызы жинақталған. Көмір өнеркәсібі ел электр энергиясының 80 пайызға жуығын қамтамасыз етіп отыр.
1 қ ыркүйек	Білім күні Қазақстан Республикасы Президентінің 1998 жылғы қаңтардың 20-сындағы Жарлығына сәйкес атап өтіледі.
1 қ ыркүйек	Мұнай-газ кешені қызметкерлерінің күні Қазақстан Республикасы Президентінің 1998 жылғы қаңтардың 20-сындағы Жарлығына сәйкес қыркүйектің бірінші жексенбісінде атап өтіледі. Қазақстан Республикасы Президентінің 2003-інші жылғы қарашаның 15-індегі Жарлығына сәйкес Қазақстан Республикасындағы кәсіби және басқа да мерекелердің тізімі бекітілді. Осы Жарлыққа сай Мұнай-газ кешені қызметкерлерінің күні - қыркүйек айының бірінші жексенбісі.
22 қ ыркүйек	Қазақстан Республикасы халықтары тілдерінің күні ҚР Президенті Н. Назарбаевтың 2003 жылғы қарашаның 15-індегі Жарлығына сәйкес жыл сайын қыркүйектің үшінші жексенбісінде атап өтіледі.
28 қ ыркүйек	Атом саласы қызметкерлерінің күні ҚР 2001 жылғы желтоқсанның 13-індегі «ҚР мерекелер туралы» Заңының 4-інші бабына сәйкес бекітілді. Қыркүйектің 28-і кездейсоқ күн емес. 1942 жылы нақ осы күні КСРО Мемлекеттік Қорғаныс комитеті «Уран бойынша жұмыстарды ұйымдастыру туралы» жарлық шығарды және Ғылым академиясы жанында арнайы атом ядросы зертханасын құруды мақұлдады.
1 қ азан	Мұғалім дер күні ҚР Президенті Н.Ә. Назарбаевтың 1998 жылғы қаңтардың 20-сындағы Жарлығына сәйкес атап өтіледі. Осы Жарлыққа сәйкес мұғалім күні – қазан айының бірінші жексенбісі. Мұғалім – рухани игіліктер мен адамгершілік ізгі ниеттерді оқушылар бойына сіңіруші. Ұстаздар айрықша азаматтық парыз – жас ұрпақты тәрбиелеу міндетін атқарады. Олардың білімі мен тәжірибесі, дәстүрлер сабақтастығы мен жаңашылдығы әрбір мектептің негізі боп қаланған. 1994 жылы ЮНЕСКО қазанның 5-інде аталып өтетін – Дүниежүзілік Мұғалім күнін (World Teachers' Day) бекіткен.
15 қ араша	Ұлттық валюта күні (Қаржыгерлер күні) Теңгенің айналымға енген күні. Қазақстан Республикасы Президентінің 1997 жылғы қарашаның 13-дегі Жарлығымен Ұлттық валюта күні, еліміздегі қаржы жүйесі қызметкерлерінің кәсіби мерекесі болып жарияланды. Ұлттық валютаны теңге деп атауды ұсынған – Халықаралық Инженерлер академиясының академигі, Қазақстанның белгілі ғалымы, КСРО Мемлекеттік сыйлығының иегері, «Құрмет» орденінің иегері Сауық Тәкежанов еді. 2006 жылы қарашаның 15-інде ұлттық валютамыздың жаңа дизайнмен әрленген 200, 500, 1000, 2000, 5000 және 10000 теңгелік банкноттары айналымға шықты.
3 қ араша	Ауылшаруашылығы қызметкерлерінің күні ҚР Президенті Нұрсұлтан Назарбаевтың 2003 жылғы қарашаның 20-дағы Жарлығына сәйкес жыл сайын қарашаның үшінші жексенбісінде атап өтіледі.
3 желтоқсан	Энергетик күні ҚР Президенті Нұрсұлтан Назарбаевтың 1998 жылғы қаңтардың 20-сындағы «Қазақстан Республикасындағы кәсіби мерекелер және атаулы күндер туралы» Жарлығына сәйкес жыл сайын желтоқсанның үшінші жексенбісінде атап өтіледі. ҚР Президентінің 2003 жылғы қарашаның 15-індегі Жарлығына сәйкес ҚР жаңа кәсіби және басқа да мерекелер тізімі бекітілді. Бұл Жарлыққа сәйкес – Энергетик күні – желтоқсан айының үшінші жексенбісі.

ЖАЗЫЛЫМ

4-тапсырма. Қай мереке қай күні тойланады? Кестені толтырыңыздар:

1 қаңтар
22 наурыз
1 мамыр
9 мамыр
30 тамыз
16 желтоқсан
8 наурыз

5-тапсырма. Қазақстан Республикасында аталып өтетін мереке күндерін мына топтарға бөліңіздер:

мемлекеттік	ТМД елдеріне ортақ	діни	халықаралық