Богоро́дичен воскре́сный, глас 4:
Е́ же от ве́ка утае́ное/ и А́нгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Крест во́лею нас ра́ди восприи́м,/ и́мже воскреси́в первозда́ннаго,// спасе́ от сме́рти ду́ши на́ша.
Полиеле́й: Велича́ние преподо́бного Антония:
Духове́нство: Ублажа́ем тя,/ преподо́бне о́тче Антоние,/ и чтим святу́ю па́мять твою́,/ наста́вниче мона́хов// и собесе́дниче а́нгелов.
Хор: Ублажа́ем тя,/ преподо́бне о́тче Антоние,/ и чтим святу́ю па́мять твою́,/ наста́вниче мона́хов// и собесе́дниче а́нгелов.
Псало́м избра́нный:
Хор: Т ерпя́ потерпе́х Го́спода, и внят ми, и услы́ша моли́тву мою́:/ П оста́ви на ка́мени но́зе мои́, и испра́ви стопы́ моя́./ С е удали́хся бе́гая, и водвори́хся в пусты́ни./ У подо́бихся нея́сыти пусты́нней./ Б дех, и бых я́ко пти́ца осо́бящаяся на зде́./ К оле́на моя́ изнемого́ста от по́ста:/ И пло́ть моя́ измени́ся еле́а ра́ди./ С леза́ми мои́ми посте́лю мою́ омочу́./ Я́ ко обыдо́ша мя пси мно́зи, сонм лука́вых одержа́ша мя./ Н апряго́ша лук свой вещь го́рьку:/ С остреля́ти в та́йных непоро́чнаго./ П редзре́х Го́спода предо мно́ю вы́ну, я́ко одесну́ю мене́ есть, да не подви́жуся./ В си язы́цы обыдо́ша мя, и И́менем Госпо́дним противля́хся им./ Благослове́н Госпо́дь, И́же не даде́ нас в лови́тву зубо́м их:/ Д а испове́дятся Тебе́, Го́споди, вся дела́ Твоя́:/ И преподо́бнии Твои́ да благословя́т Тя./ И уве́дите, я́ко удиви́ Госпо́дь преподо́бнаго Своего́./ И утруди́ся во век, и жив бу́дет до конца́./ Х рани́т Госпо́дь ду́ши преподо́бных Свои́х./ В осхва́лятся преподо́бнии во сла́ве, и возра́дуются на ло́жах свои́х./ Ч естна́ пред Го́сподем сме́рть преподо́бных Его́.// П о́йте Го́сподеви преподо́бнии Его́, и испове́дайте па́мять святы́ни Его́, во всех лю́дех чудеса́ Его́.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа,// сла́ва Тебе́, Бо́же. (Дважды)
Духовенство: Аллилу́иа, аллилу́иа, аллилу́иа,// сла́ва Тебе́, Бо́же. (Единожды)
Духовенство: У блажа́ем тя,/ преподо́бне о́тче Антоние,/ и чтим святу́ю па́мять твою́,/ наста́вниче мона́хов// и собесе́дниче а́нгелов.
1 Антифо́н:
Хор: О т ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.
Н енави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
С вяты́м Ду́хом/ вся́ка душа́ живи́тся,/ и чистото́ю возвыша́ется,// светле́ется Тро́йческим еди́нством, священнота́йне.
Поем в сексту (сопрано – партию 2 голоса,
мецосопрано – партию 3 голоса,
альты – партию 1 голоса на октаву ниже)
Проки́мен и чте́ние Ева́нгелия:
Диакон: В онмем. П ремудрость вонмем, прокимен, глас 4:
П омяну́ и́мя Твое́/ во вся́ком ро́де и ро́де.
Диакон: Г о́споду помо́лимся.
