Р. – Другий Литовського статуту про регламентацію соціально-правового становища різних категорій підданих.

РОЗДhЛЪ ОДИНАДЦАТЫЙ. О КГВАЛТЕХЪ И О ГОЛОВЩИЗНАХЪ ШЛЯХЕЦКИХЪ

Артыкуль 30. Естьли бы чій слуга, учинивши кому кгвалтъ домовый або головщизну, прочъ втекъ

Гдh бы чій слуга учинилъ кому кгвалтъ домовый або головщизну втекъ, а въ его пана черезъ сторону былъ застатъ, а приповhданъ, а онъ черезъ туюжъ заповhдь его упустилъ; тогды тотъ панъ, чій то слуга вчинилъ, самъ кгвалтъ головщизну и шкоду платити маеть, а собъ на слузh искати, и заплативши маеть на томъ присегнути, ижь тоть слуга кромh ведомости и позволенья его то учинилъ, и не есть то черезъ его умышленье при рукh выпущонъ, а гдh бы присегнути не хотhлъ, тогды тотъ певне самъ панъ маеть быти каранъ горломъ, яко кгвалтовникъ и мужобойца. А естли бы тотъ слуга небылъ приповhданъ; тогды панъ неповиненъ за его платити, одно се маеть отприсегнути, ижъ тотъ кгвалтъ безъ его позволенья и вhдомости стался.

РОЗДhЛЪ ДВАНАДЦАТЫЙ. О ГОЛОВЩИЗНАХЪ И НАВЕЗКАХЪ ЛЮДЕЙ ПОСПОЛИТЫХЪ

Артыкулъ 8. О человhку отчизномъ

Кгды бы который человhкъ отчизный, отшедши отъ пана своего и заложившися за кого иншого, не далеко въ пети або въ десети миляхъ мhшкалъ; тогды вже о такового человhка вhчнh молчати маеть. Пакли бы тоть человhкъ отчизный отшедши отъ пана своего и мhшкалъ далеко въ колькодесяти миляхъ, а панъ его о немъ не вhдалъ, а по томъ бы засе пришолъ и перемhшкивалъ поблизу; тогды хотябы въ ономъ часh и давность земская зашла, волно будеть ему того человhка за отчича правомъ доходити, только бы давности не омhшкалъ отh того часу, якъ ближей прідеть.

Артыкулъ 9. Хто бы на человhка вольного и невольного права доходити не хотhлъ

Теежъ если бы который человhкъ не похажалый або челядинъ невольный за кого зашолъ, а повhдился быти вольнымъ, а онъ панъ, чій человhкъ або челядинъ, просилъ увъ оного пана права, а тотъ панъ ему на него права дати не хотhлъ; тогды таковый маеть притягнень быти ку праву земскому. А естьли тотъ панъ, чій человhкъ непохожий або челядинъ, зыщетъ правом ижъ его отчичъ або невольникъ, а на оного пана, въ кого тотъ человhкъ, переведетъ правомъ, ижъ въ него проснлъ справедливости разъ и два, а онъ не далъ; тогды тотъ панъ маеть навезатн оного человhка або челядина отъ того часу, якъ въ него права просилъ, зa кождую недhлю по шести грошей, а естьли бы втекъ, тогды маетъ платити потому, яко вышей о головщизнахъ написано.

Артыкулъ 10. О челядь невольную, которая втечеть отъ пана своего

Уставуемъ, кгды бы хто чію челядь невольную вывелъ, або вhдаючи заказъ въ себе переховывалъ, а то бы на него правомъ было переведено; тогды таковый повиненъ будетъ ту челядь отъискати, а одыскавши тому пану отдати. А гдh бы не могъ одискатн, або не хотhлъ; будетъ повиненъ тую челядь самь цhною платити, яко выше писано, и шкоду оправити отъ того часу, отъ которого ему тая челядь не робила, мужику и жонцh за кождую недhлю по шести грошей.

Артыкулъ 14. Если бы хто до кого слугу приказалъ, а тоть слуга зашкодивши втекъ отъ него прочъ

Хто бы кому приказал слугу, а тотъ слуга шкоду вчинивши тому пану своему втекъ отъ него прочъ; тогды тотъ, хто его приказалъ, маеть ку праву стати, а судъ маеть ему рокъ зложити, на которій маеть eго доискавшися ку праву поставити. А естьли жъ бы тотъ на оный рокъ, которій судьи положать, того не постановилъ; тогды он самъ повиненъ будеть тую шкоду оправити, на чомъ слушный доводъ учиненъ будетъ. А естьли бы се потомъ оному пану, за кого слуга втечеть, пригодить ли его видhти на торгу або поткаеть въ дорозh; тогды вжо онъ самъ не маеть имати, нижли того приказцы своего смотрhти маетъ. А гдh бы хто мhлъ слугу не приказного, а онъ ему шкоду учинивши прочъ втечетъ; тогды онъ, гдh кольвекъ его увидитъ або поткаеть, маеть его поймати и вести до оного права гдh поймаеть, а передъ правомъ маеть на немъ шкодъ своихъ доходити.

РОЗДhЛЪ ТРЕТІЙНАДЪЦАТЬ. О ГРАБЕЖОХЪ И НАВЕЗКАХЪ

Артыкулъ 5. Яко челядь невольная втеклая маеть быти заповhдана

Если бы чія челядь невольная втекла, а заповhдана бы зъ якого перейму, и женучи за нею въ погоню въ кого бы ее нашолъ; тогды маеть тому, въ кого челядь зостанетъ, переемъ дати, съ чого будеть первей заповhдалъ. А естли бы заповhди и перейму, въ кого оную челядь нашоль, не далъ, а тотъ ему не хотhлъ тое челяди безъ перейму выдати, и взялъ поземъ кгвалтомъ, а до права о то былъ позванъ; тоды тотъ за тымъ позвомъ повиненъ будеть сторонъ жалобливой платити яко за кгвалтъ дванадцять рублей грошей. А естьли бы хто чію челядь въ себе ховалъ, а тотъ по колко кротъ заповhди и по торгу закликалъ, оповhдаючи ее, и потомъ бы тотъ, чія челядь, въ колко недhляхъ тую челядь свою въ него нашолъ; тогды только маеть, за страву ему отъ кождого челядника на недhлю по два гроши давши, челядь свою добровольнh взяти.

Артыкулъ 29. О человhка отчизного и человhка хто его выкралъ

Уставуемъ, естли бы хто вывелъ або выкралъ чіего человhка отчизного або челядника невольного, а погоненъ былъ на дорозh и пойманъ съ темъ человhкомъ або съ челядью; тогды маеть съ тымъ лицемъ веденъ быти до вряду нашого, гдh наиближей будеть, а врядъ маеть ему справедливость учинити. А естли бы оный кь тому се не зналъ, абы тую челядь выкралъ; тогды оный хто его съ тою челядью поймаетъ, маеть на него доводити або присегу учинити, ижъ онъ ее вывелъ, а онъ маеть быти каранъ яко злодhй, а челядь оная маеть вернена быти чія была. Пакли бы на дорозh погонити не могъ, а въ дому чіемь засталъ и припоручилъ, а онъ бы тое челяди выдати не хотhлъ; тогды маеть тотъ панъ, у чіего человhка гдh тую челядь зосталъ, съ таковымъ справедливость учинити, и найдетъ ли се съ права, тотъ иж ее выдати хотhлъ; тогды отъ того часу колько черезъ прируку держалъ, мають тую челядь навезати и навезавши ему вернути, яко о томъ вышей описано.

РОЗДhЛЪ ОДИНАДЦАТЫЙ. О КГВАЛТЕХЪ И О ГОЛОВЩИЗНАХЪ ШЛЯХЕЦКИХЪ

Артыкулъ 15. О мhщанинh, который бы шляхтича ранилъ

Если бы котрый мhщанинъ у бурмистровствh шляхтича забилъ або ранил; тогды маеть навезати так, яко выше описано. Нижли естли бы бурмистромъ на тотъ часъ не былъ, кгды шляхтича ранилъ; маеть руку тратить. Также тежъ и хлопъ простый, естли бы забилъ або ранилъ шляхтича, маеть руку тратить, а естли руку або ногу шляхтичу утнетъ, або на котором члонку охромитъ, маеть горломь каранъ быти.

Статут Великого князьства Литовского 1566 года // Временник императорского Московского общества истории и древностей российских. Москва, 1855. Кн. 23. С. 163, 169–171.