Алмазды коронка денесінде температураның есептелген мәндері

Тазалағыш агенттің түрі	tср, с0	Бұрғылау алмаздардың кескіш шеттерінен әртүрлі арақашықтықтағы температура, С0
	Δ/2	Δ		Δ+ Н		Δ+Н+L
Техникалық су	20,4	89,4	61,2	43,7	27,8	23,8	21,8	20,4
Сығылған ауа	59,4	433,6	412,2	384,7	353,6	327,7	229,8	201,2
Көпіршік	20,0	151,0	129,5	101,3	71,9	58,0	36,4	27,4

Забойда жұмыс істеп тұрған алмаздар үшін (14.24), (14.26) және (14.28) мәндерін (14.9) қоя отырып, келесіні аламыз

(14.29)

Ұқсас әдіспен жылулық ағындар үшін (14.24), (14.25), (14.26) мәндерін, сонымен қатар тазалағыш агенттің орташа температурасы үшін (14.28) мәнін (14.07), (14.13), (14.20) формулаларға қоя отырып, алмаздардың, матрицаның және коронкалы сақинаның биіктігі бойынша температураның таралуы үшін аналитикалық мәндерін аламыз.

Шығарылған мәндер көмегімен келесі жағдайлар үшін А4ДП-59 типті бірқабатты алмазды коронканың денесіндегі температурасы есептелген: көлемдік алмаздардың түрілігі 40–60 дана/карат және салмағы 5,0-7,5 карат, 2 =1,22 · 10 ^-3 м, λ_а= 146,5 Вт/(м-°С); коронка матрицасы D₂ = 0,059 м, D₁ = 0,042 м, H = 0,014 м, λ_м= 200 Вт/(м-°С), матрицада төрт жуу арнасы бар, олардың өлшемдері 0,005x0,004 м; коронка корпусы d₂ = 0,057 м, d₁ = 0,044 м, L = 0,025 м, λ_к = 45 Вт/(м-°С); забойда жүзеге асырылатын қуаттылық 2,5 кВт деп қабылданған.

Тазалағыш агенттер ретінде шығыны 40 л/мин тең болатын техникалық су, беру күші 1,5 м³/мин болатын сығылған ауа және ПАВ ерітіндісінің шығыны 6,3 л/мин тең болатын көпіршік және аэрация дәрежесі 110 тең және беру күші 0,7 м³/мин болатын газ қолданған. Әртүрлі учаскілер үшін жылу беру көрсеткішінің белгілі мәндері [13] ұсыныстары бойынша анықталған, көпіршіктер үшін – аддитивтілік ережелерін қолдана отырып. Алмазды коронка денесінде температурасының есептелген таралуы 14.2 суретте берілген.

14.2 сурет. Әртүрлі тазалағыш агенттерде алмазды коронка денесінде температураның таралу графигі: 1- техникалық су; 2 – көпіршік; 3 – сығылған ауа

Қарастырылған тазалағыш агенттерді қолданған кезінде алмазды құралдың және циркуляцияланатын агенттің температураларын тұрақтандыру бұрғылау алмаздардың кескіш шеттерінің әртүрлі арқашықтарында орын алады. Ең төменгі арақашықтық – ұңғыманы сумен және газ-сұйықтықты жүйелермен жуу кезінде, ал ең жоғары арақашықтық – сығылған ауамен үрлеу кезінде орын алады.

Қабылданған түзетулер шегінде анықталған алмазды құралдың тұрақтанған температуралық өрісіндегі нақты математикалық бейнесі алдыңғы мәндерден айырмашылығы, онда бұрғылау алмазды коронканың барлық геометриялық параметрлері, циркуляциялайтын тазалағыш агенттің параметрлері, сонымен қатар құралдың әр бетінде жылу беру көрсеткіштерінің әртүрлі мәндері ескерілген. Осының негізінде құрастырылған есептеу әдістемесі температуралық фактормен байланысты апаттық жағдайларды алдын-ала ескеру үшін технологиялық параметрлерді және забойлық қуаттылықтың шеткі мәндерін нақты анықтауға және де форсирленген режимдерде жұмыс істеу үшін немесе төмен жылу сыйымдылықты тазалағыш агенттерді қолдану жағдайларына арналған бұрғылау алмазды коронкалардың конструкциялары бойынша түсінікті ұсыныстарды беруге мүмкіндік береді.