II. Праверка дамашняга задання

фарбы — рус. краски;

пэзндзаль — рус. кисточка.

V. Чытанне апавядання вучнямі

1. Чытанне «ланцужком» па сказе.

2. Камбінаванае чытанне (настаўнік—вучні хорам).

VI.Аналіз твора

— Хто такі Красавік?

— З чаго ён пачаў сваю работу? (Расфарбаваў неба, палі, лугі.)

— Куды ён падаўся потым? Што ўбачыў?

— Каго ў лесе апошнім расфарбаваў Красавік? (Бярозку.)

— Што з гэтага выйшла?

— Чаму плакала бярозка? Якія гзта былі слёзы? Прачытайце.

Х в і л і н к а а д п а ч ы н к у (пад музыку)

Дзеці выконваюць практыкаванні для ўмацавання мускулаў шыі спіны, ног: прысяданні, нахілы ўперад, назад, управа, улева.

Гульня «Знайдзі словы»

— Знайдзіце словы, якія сустракаліся ў апавяданні. (Красавік радасць, песня, пэндзаль, мастак, ясень, бяроза, фарбы.)

VII. Работа у групах

1. група: прачытаць, што рабіў Красавік у полі, на лузе.

2 група: прачытаць аб дзеяннях Красавіка ў лесе.

3 група: прачытаць аб зносінах Красавіка з бярозай.

VIII. Са скарбонкі народнага слова

— Растлумачце выразы (запісанымі на дошцы):

1. Прыйдзе пара — будзе трава.

2. Жаваранак прылятае на праталіну, шпак — на прагаліну, жораў — з цяплом, ластаўка — з лістом.

IX. Праца над вершам Я. Коласа «Усход сонца»

— Ці змяніліся палі, лес, луг, калі іх расфарбаваў Красавік? Якімі яны сталі?

— Што адбылося ў прыродзе з надыходам цёплага Красавіка? (Прырода ажыла, заззяла рознымі фарбамі.)

— Ці назіралі вы ў такую пару за сонцам? Якое яно? (Цёплае, яркае.)

— А якое сонца ў самым пачатку раніцы?

— Аб гэтым нам расказаў Я. Колас у вершы «Усход сонца».

X. Чытанне верша Я. Коласа «Усход сонца» настаўнікам

— Які настрой выклікае ў вас верш?

XI. Чытанне верша вучнямі

1. Чытанне хорам.

2. Выразнае чытанне верша па асабістым выбары.

3. Чытанне «скачкі» праз слова.

XII. Аналіз зместу верша

— Якое неба на ўсходзе? ––Што яно робіць? Каму ўсміхаецца?

XIII. Падвядзенне вынікаў урока. Рэфлексія

— Уявіце, што ў вас ёсць магчымасць зрабіць так, як зрабіў Красавік, што б вы вырашылі зрабіць?

— Як вы адчувалі сябе на ўроку? Ці не было цяжка? Што яшчэ хацелі б пачуць?

XIV. Дамашняе заданне (с. 85-86)

Вывучыць верш на памяць.

Тэма: Работа славіць чалавека. РЫГОР ІГНАЦЕНКА «ПАСАДЗІЦЕ РАБІНКУ», ПЯТРУСЬ БРОЎКА «БУДЗЬ ВЕРНЫ!»

Мэты:

Ø фарміраваць уменне чытаць арфаэпічна правільна і асэнсавана, удасканальваць уменне чытаць выразна, прагназаваць змест твора, асэнсоўваць значэнне прыказак і прымавак, вызначаць з іх дапамогай галоўную думку твора;

Ø развізвіваць уменне чытаць услых з хуткасцю, якая не перашкаджае разуменню;

Ø садзедзейнічаць выхаванню ўважлівых і беражлівых адносін да прыроды роднага краю.

Ø

Тып урока: традыцыйны.

Абсталяванне: магнітафон, малюнкі.

ХОД УРОКА

I. Арганізацыйны момант

Гукавая размінка

Бюро даведак:

навала — напад, нашэсце ворага;

лагчына — нізкае месца, нізіна.

IX. Чытанне верша вучнямі

1. Чытанне ўслых.

2. «Буксір». (Настаўнік чытае ўслых, мяняючы хуткасць чытання, дзеці таксама чытаюць услых, стараючыся паспець за настаўнікам.)

IX. Аналіз твора

— Што трэба рабіць, каб застацца назаўсёды верным бацькам і сваёй зямлі?

— Ці можна быць верным прыродзе?

— Як вы адносіцеся да слоў аўтара?

— Што разумееце пад словам «верны»?

— Ці можна быць верным Радзіме? Чаму?

X. Крыжаванка

1. Каго мы павінны помніць? (Бацькоў.)

2. Што зрабіла зямля? (Узгадавала.)

3. За што мы помнім бацькоў? (Нарадзілі.)

4. Бацькі нарадзілі —... ўзгадавала. (Зямля.)

5. 3 чым параўноўваецца зялёнае галлё? (Хвалямі.)

6. Каго ўзгадавала зямля? (Цябе.)

7. Хто даваў прытулак? (Бары.)

8. 3 чаго мы п'ём? (Крыніцы.)

9. Як названы рэчкі? (Чараўніцы.)

— Прачытайце, што атрымалася па вертыкалі пад лічбай 10. (Будзь верны.)

XI. Актуалізацыя ведаў вучняў

— Што агульнага ў апавяданнях, якія вы чыталі дома і ў класе? (У іх апісваецца хараство дрэў вясной.)

— Прачытайце, як Красавік размаляваў у лесе дрэвы.

— Як апісана прыгажуня бярозка?

XII. Падвядзенне вынікаў урока. Рэфлексія

— Што можна сказаць пра заклік паэта? Ці добра ён робіць?

— Аб чым вы даведаліся на ўроку і што хацелі б пачуць яшчэ?

— Што спадабалася (не спадабалася) на ўроку? Чаму?

— Ці не сумавалі вы на ўроку?

— Вы добра працавалі. Дзякуй.

XIII. Дамашняе заданне (с. 86-87)

Падрыхтаваць выразнае чытанне і пераказ твора.

Тэма: «З УСМЕШКАЙ І ЎСУР’ЁЗ». ВАСІЛЬ ВІТКА «ЧАТЫРЫ ЖАДАННІ».Пазакласнае чытанне. Павел Місько «Добры чалавек»

Мэты:

Ø пазнаёміць з трэцім раздзелам падручніка;

Ø фарміраваць уменне чытаць арфаэпічна правільна і асэнсавана, з дапамогай настаўніка дзяліць тэкст на часткі, коратка пераказваць яго, удасканальваць уменне чытаць выразна;

Ø ствараць умовы для развіцця пазнавальнай актыўнасці вучняў;

Ø садзейнічаць выхаванню ўважлівых і беражлівых адносін да прыроды роднага краю, фарміраванню навыкаў працавітасці.

Ø

Тып урока: урок-разважанне.

Абсталяванне: магнітафон, малюнкі.

ХОД УРОКА

I. Арганізацыйны момант

— Паглядзіце адзін на аднаго, вазьміцеся за рукі, усміхніцеся, пажадайце вясёлага настрою і плённай працы.

II. Паведамленне тэмы ўрока

— Як вы лічыце, які чалавек можа жадаць добрага дня, вясёлага настрою? (Выхаваны.)

— Як можна вызначыць выхаванасць чалавека? (Па паводзінах, ветлівых словах.)

— Як вы думаеце, чаму я пачала ўрок з гэтых пытанняў?

— Мы будзем гаварыць аб ветлівых словах. А дапаможа нам у гэтым верш Васіля Віткі «Чатыры жаданні» (с. 92).

—

III. Чытанне верша настаўнікам

— Што хацеў сказаць аўтар у сваім вершы?

—

IV. Чытанне верша вучнямі

1. Чытанне «ланцужком», спыняючыся кожны раз на паўзах.

2. Камбінаванае чытанне (настаўнік—вучні хорам).

V. Аналіз твора

— Якімі словамі вітаюць зранку? Апоўдні? Вечарам?

— Што можна сказаць нанач сонейку, добрым людзям?

— 3 якога ўзросту чалавек павінен ведаць гэтыя словы? (Змалку.)

— Ці ведаеце вы яшчэ якія-небудзь падобныя словы?

П р а б л е м н а я с і т у а ц ы я

Інсцэніроўка «У гардэробе»

(Падрыхтаваць дзяўчынку Алесю і хлопчыка Міколку. Удзел прымаюць усе вучні класа.)

Празвінеў званок з урока. Вучні ідуць за вопраткай у гардэроб, становяцца ў чаргу. Алеська прыйшла крыху пазней і запытала:

— Скажыце, калі ласка, хто апошні? — і стала ў чаргу. Следам за ёй прыбег Міколка. Ён штурхануў дзяўчынку і палез з крыкамі ўперад:

— Мне трэба хутчэй! Я спазняюся на прагляд мультфільма!

— Хто з дзяцей паступіў некультурна?

— Ці можна Міколку назваць выхаваным?

— Якую параду вы далі б яму?

— Скажыце, а вы таксама як Міколка, прыйшоўшы дадому адразу глядзіце тэлевізар? Калі не, то што вы робіце? (Крыху адпачываем, робім урокі, а потым глядзім тэлевізар, ідзем гуляць.)

— А чаму вы так робіце?

— Ці падыходзіць да сказанага прыказка «Зрабіў дзела — гуляй смела»? Растлумачце яе сэнс.

Х в і л і н к а а д п а ч ы н к у (пад музыку)

Практыкаванні для мускулаў шыі, спіны, рук, ног.

VI. Пазакласнае чытанне. Чытанне апавядання настаўнікам

Сёння мы будзем чытаць апавяданне Паўла Місько «Добры чалавек» (с. 93-95).

— Пра каго хацеў расказаць аўтар?

Бюро даведак:

гаманіць — размаўляць;

пакаштаваць — паспрабаваць ежу;

лубянка — ручны кораб, кошык;

стомлены — змораны, абяссілены;

цярэбяць — ядуць.

VІІ. Чытанне апавядання вучнямі

1. Чытанне «ланцужком».

2. Чытанне «Першы і апошні» (чытанне першага і апошняга слова ў сказе).

3. Работа ў групах «Знайдзі мяне».

На лістках напісаны радкі літар, у якіх «схаваны» цэлыя словы. Гэтыя словы і патрэбна знайсці. Кожнай групе сваё заданне.

1 група: АЗДОБЗУРЫСІЧАВБЛАХШВЕК. (Добры чалавек).

2 група: БАУРБУЗКЛЯАВЕЦКРА. (Бабуля Вера).

VІІI. Аналіз зместу твора

— Чым можа парадаваць лес?

— Каго сустрэў аўтар у лесе?

— Як выглядала бабка Вера? Прачытайце.

— Як яна аднеслася да аўтара?

— Якія довады прывяла бабка на тое, што ў яе шмат рэчаў?

— Што прапанавала бабка аўтару?

— Якімі яму здаліся лясныя грушы? А яблыкі?

— Як растлумачыла бабка наяўнасць груш і яблыкаў у лесе?

— Якім, са слоў бабкі, здаўся вам Захарка?

— Які чалавек можа рабіць так, як Захарка?

— Ці спадабаўся ён вам? Чаму?

— Што з'ўляецца адметнай рысай характару бабкі Веры? (Уменне радавацца за другіх.)

IX. Са скарбонкі народнага слова

— Вы ўважліва чыталі апавяданне. Ці сустрэлі вы ў ім трапныя выразы? Як іх можна назваць? (Прыказкамі.)

— Я вам напомню, што прыказкі — гэта мастацкі твор, які ўтрымлівае шырокае абагульненне і ўвасабляе яго ў вельмі кароткай форме.

— Зараз назавіце выразы з апавядання, якія вы адносіце да прымавак, растлумачце іх сэнс.

1. Нагрузілася, як мурашка — многа чаго нясе.

2. За вушы не адцягнеш — вельмі смачна.

3. Дабро — яно жывучае — аб добрай справе доўга помняць.

X. Гульня «Вясёлы тэст»

1. Каго, згодна з прымаўкай, падкладваюць недобразычліўцу?

а) змяю; б) свінню

в) вожыка; г) мядзведзя.

2. Чым капусту не шаткуюць?

а) кулаком; в) языком;

б) нагой; г) носам.

3. Што робіць з рублём капейка?

а) вартуе; в) корміць;

б) беражэ; г) выхоўвае.

4. Чаго многа ў пустой бочцы?

а) пылу; б) смецця;

в) паветра; г) звону.

5. У каго ёсць вушы?

а) у дзвярэй; в) у сцен;

б) у дамафона; г) у замочнай дзіркі.

6. 3 кім параўноўваюць чалавека, які нясе многа рэчаў?

а) са сланом; в) з паравозам;

б) з канём; г) з мурашкай.

7. Ужываючы смачную ежу, кажуць, што не адцягнеш — за што?

а) за штаны; в) за нагу;

б) за вушы; г) за язык.

XІ. Падвядзенне вынікаў урока. Рэфлексія

— Ці спадабаўся вам Захарка?

— Як людзі аддзячылі Захарку за яго добрыя справы?

— А вы б змаглі зрабіць так, як Захарка? Бабка Вера? Чаму?

— Ці можна даць апавяданню другую назву?

— Ці спадабалася вам праца на ўроку?

— Чаго вам не хацелася рабіць?

— Вы працавалі добра. Дзякуй за працу!

—

XІІ. Дамашняе заданне (с. 93-95)

Падрыхтаваць выразнае чытанне апавядання «Добры чалавек».

Прачытаць творы пра добрыя адносіны паміж людзьмі.

Тэма: Незвычайныя фантазіі. КЛАЎДЗІЯ КАЛІНА «КАСМАНАЎТ»

Мэты:

Ø фарміраваць уменне правільна і асэнсавана чытаць уголас і моўчкі;

Ø удасканальваць уменне чытаць выразна;

Ø развіваць уменне пераказваць тэкст па плане;

Ø развіваць уменне працаваць у групах;

Ø садзейнічаць выхаванню добразычлівых адносін да людзей, стварэнню ў класе атмасферы сяброўства і ўзаемапавагі.

Тып урока: традыцыйны.

Абсталяванне: магнітафон, малюнкі.

ХОД УРОКА

I. Арганізацыйны момант

— Так, маленькія мае, маўчок —

Пачынаецца ўрок.