Праверка дамашняга задання. Прачытайце прыказкі, якія ўтварылі, працуючы над практ

Прачытайце прыказкі, якія ўтварылі, працуючы над практ. 143.

Работа па варыянтах

Змяніце форму дзеясловаў па ўзоры, запішыце, выдзеліце канчаткі, вызначце асобу і спражэнне.

/ варыянт

Узор. Сеяць — сееш.

Ісці, рабіць, грымець.

// варыянт

Узор. Несці — несяце.

Глядзець, везці, званіць.

Праводзіцца ўзаемаправерка з апорай на табліцу.

3. Чыстапісанне.

АлегЛойка Міхась Лынькоў Янка Маўр

Мой родны кут, Як ты мне мілы!..

• Хто напісаў гэтыя радкі?

• Назавіце беларускіх паэтаў і пісьменнікаў, прозвішчы і імёны якіх пачынаюцца з прапісаных літар.

4. Работа ў парах.

Гульня "Шыфравальшчыкі"

Расшыфруйце прыказкі. Запішыце іх у сшыткі. У выдзеленых дзеясловах вызначце асобу, спражэнне, кан­аткі

Хочаш, павінен, добра, працу, жыць, любіць. Ніколі, што, не адкладвай, можна зрабіць, на заўтра, сёння, тое.

Хто, таму, працуе, шанцуе.

Фізкуль тхвілінка

Вывучэнне новага матэрыялу.

Пытанні і заданні

• Якія займеннікі адносяцца да 3-й асобы?

• Пастаўце дзеясловы чытаць і гаварыць у форму 3-й асобы цяперашняга і будучага часу адзіночнага і множнага ліку. Вызначце канчаткі і спражэнне.

• Як вы думаеце, якая тэма сённяшняга ўрока?

• Пра што вы даведаецеся на ўроку?

Работа па падручніку

Практ. 144. Адгадаць загадкі, выпісаць дзеясловы 3-й асобы адзіночнага ліку, вызначыць канчаткі і спражэнне. Затым выпісаць дзеясловы 3-й асобы множнага ліку, вы­значыць канчаткі і спражэнне.

Пасля дзеці робяць вывад, якія канчаткі маюць дзея­словы I і II спражэння ў 3-й асобе адзіночнага і множнага ліку. Потым чытаюць словы Спадарыні Граматыкі на с. 76.

Практ. 145 выконваецца з каменціраваннем.

6. Замацаванне ведаў.

Вучні выконваюць заданні падручніка пры дапамозе прыёму "Аўтобусны прыпынак": насупраць кожнага выкананага задання ставяць на палях "+" (зразумела), "?" (выклікала цяжкасці),"-" (не зразумела).

— Пачнём наша падарожжа з асенняга лесу, — прапануе настаўнік і паказвае малюнкі.

Практ. 146 выконваецца па варыянтах: выпісаць дзея­словы ў 3-й асобе адзіночнага ліку (I варыянт); у 3-й асо­бе множнага ліку (II варыянт).

Дзеці робяць узаемаправерку выкананых заданняў, адзначаюць свае вынікі на палях.

— Наступны прыпынак чакае нас цёплым чэрвеньскім днём (паказваюцца малюнкі на тэму "Летам у полі").

Практ. 148.

— Наступны наш прыпынак — у лясных насельнікаў (дэманструюцца малюнкі птушак і звяроў).

Практ. 149.

Настаўнік знаёміць вучняў з прыёмам вызначэння спражэння дзеясловаў: калі ў 3-й асобе множнага ліку дзеясловы маюць канчаткі -уць, -юць, то дзеясловы ад­носяцца да I спражэння, калі канчаткі -аць, -яць, то дзея­словы адносяцца да II спражэння.

Вучні выкарыстоўваюць дадзены прыём і выпісваюць у два слупкі (I і II спражэнне) дзеясловы несці, свяціць, плыць, ляцець, будаваць, шумець.

7. Слоўнікавая работа.

Адзін вучань ля дошкі, астатнія ў сшытках працуюць над практ. 147: з дапамогай слоўніка перакладаюць дзея­словы. Настаўнік звяртае іх увагу на тое, ці кожны дзея-слоў трэба перакладаць па слоўніку.

8. Падвядзенне вынікаў.

9. Дамашняе заданне: практ. 151.

Урок 63

Тэма: "Спражэнне дзеясловаў (замацаванне)".

Мэты: фарміраваць навыкі вызначэння спражэння дзеясловаў; развіваць уменне правільна пісаць асабовыя канчаткі дзеясловаў I і II спражэння, працаваць з да-ведачным матэрыялам; выхоўваць увагу, зацікаўленасць вучобай.

Абсталяванне: падручнік, табліцы, схемы, дыдактычны матэрыял.

Ход урока

1. Арганізацыйны момант.

Настаўнік прапануе паразважаць над тым, што павінна быць у кожнага вучня, каб ён добра засвоіў матэрыял урока. Адказ можна знайсці, разгадаўшы галаваломку.

 

(Увага, упэўненасць, зацікаўленасць, засяроджанасць)